౧౦. మోరనివాపసుత్తవణ్ణనా
౧౦. దసమే అచ్చన్తనిట్ఠోతి అన్తం అతీతత్తా అచ్చన్తసఙ్ఖాతం అవినాసధమ్మం నిబ్బానం నిట్ఠా అస్సాతి అచ్చన్తనిట్ఠో. ఇమినా నయేన సేసపదాని వేదితబ్బాని. జనేతస్మిన్తి జనితస్మిం, పజాయాతి అత్థో. యే గోత్తపటిసారినోతి యే జనా తస్మిం గోత్తే పటిసరన్తి ‘‘అహం గోతమో, అహం కస్సపో’’తి, తేసు లోకే గోత్తపటిసారీసు ఖత్తియో సేట్ఠో. అనుమతా మయాతి మమ సబ్బఞ్ఞుతఞ్ఞాణేన సద్ధిం సంసన్దేత్వా దేసితా మయా అనుఞ్ఞాతా. సేసం సబ్బత్థ ఉత్తానత్థమేవాతి.
నిస్సయవగ్గో పఠమో.