౧-౨. కామభోగీసుత్తాదివణ్ణనా

౯౧-౯౨. పఞ్చమస్స పఠమే సాహసేనాతి సాహసియకమ్మేన. దుతియే భయానీతి చిత్తుత్రాసభయాని. వేరానీతి అకుసలవేరపుగ్గలవేరాని. అరియో చస్స ఞాయోతి సహ విపస్సనాయ మగ్గో. ఇతి ఇమస్మిం సతి ఇదం హోతీతి ఏవం ఇమస్మిం అవిజ్జాదికే కారణే సతి ఇదం సఙ్ఖారాదికం ఫలం హోతి. ఇమస్సుప్పాదా ఇదం ఉప్పజ్జతీతి యో యస్స సహజాతపచ్చయో హోతి, తస్స ఉప్పాదా ఇతరం ఉప్పజ్జతి నామ. ఇమస్మిం అసతీతి అవిజ్జాదికే కారణే అసతి సఙ్ఖారాదికం ఫలం న హోతి. ఇమస్స నిరోధాతి కారణస్స అప్పవత్తియా ఫలస్స అప్పవత్తి హోతి.