౪. పచ్చుప్పన్నాతీతవారో

(క) అనులోమం

౪౫౯. (క) యో చక్ఖున్ద్రియం పరిజానాతి సో దోమనస్సిన్ద్రియం పజహిత్థాతి? ఆమన్తా.

(ఖ) యో వా పన దోమనస్సిన్ద్రియం పజహిత్థ సో చక్ఖున్ద్రియం పరిజానాతీతి?

ద్వే పుగ్గలా దోమనస్సిన్ద్రియం పజహిత్థ, నో చ చక్ఖున్ద్రియం పరిజానన్తి. అగ్గమగ్గసమఙ్గీ దోమనస్సిన్ద్రియఞ్చ పజహిత్థ చక్ఖున్ద్రియఞ్చ పరిజానన్తి.

(క) యో చక్ఖున్ద్రియం పరిజానాతి సో అనఞ్ఞాతఞ్ఞస్సామీతిన్ద్రియం భావిత్థాతి? ఆమన్తా.

(ఖ) యో వా పన అనఞ్ఞాతఞ్ఞస్సామీతిన్ద్రియం భావిత్థ సో చక్ఖున్ద్రియం పరిజానాతీతి?

ఛ పుగ్గలా అనఞ్ఞాతఞ్ఞస్సామీతిన్ద్రియం భావిత్థ, నో చ చక్ఖున్ద్రియం పరిజానన్తి. అగ్గమగ్గసమఙ్గీ అనఞ్ఞాతఞ్ఞస్సామీతిన్ద్రియఞ్చ భావిత్థ చక్ఖున్ద్రియఞ్చ పరిజానాతి.

(క) యో చక్ఖున్ద్రియం పరిజానాతి సో అఞ్ఞిన్ద్రియం భావిత్థాతి? నో.

(ఖ) యో వా పన అఞ్ఞిన్ద్రియం భావిత్థ సో చక్ఖున్ద్రియం పరిజానాతీతి? నో.

(క) యో చక్ఖున్ద్రియం పరిజానాతి సో అఞ్ఞాతావిన్ద్రియం సచ్ఛికరిత్థాతి? నో.

(ఖ) యో వా పన అఞ్ఞాతావిన్ద్రియం సచ్ఛికరిత్థ సో చక్ఖున్ద్రియం పరిజానాతీతి? నో. (చక్ఖున్ద్రియమూలకం)

౪౬౦. (క) యో దోమనస్సిన్ద్రియం పజహతి సో అనఞ్ఞాతఞ్ఞస్సామీతిన్ద్రియం భావిత్థాతి? ఆమన్తా.

(ఖ) యో వా పన అనఞ్ఞాతఞ్ఞస్సామీతిన్ద్రియం భావిత్థ సో దోమనస్సిన్ద్రియం పజహతీతి?

ఛ పుగ్గలా అనఞ్ఞాతఞ్ఞస్సామీతిన్ద్రియం భావిత్థ, నో చ దోమనస్సిన్ద్రియం పజహన్తి. అనాగామిమగ్గసమఙ్గీ అనఞ్ఞాతఞ్ఞస్సామీతిన్ద్రియఞ్చ భావిత్థ దోమనస్సిన్ద్రియఞ్చ పజహతి.

(క) యో దోమనస్సిన్ద్రియం పజహతి సో అఞ్ఞిన్ద్రియం భావిత్థాతి? నో.

(ఖ) యో వా పన అఞ్ఞిన్ద్రియం భావిత్థ సో దోమనస్సిన్ద్రియం పజహతీతి? నో.

(క) యో దోమనస్సిన్ద్రియం పజహతి సో అఞ్ఞాతావిన్ద్రియం సచ్ఛికరిత్థాతి? నో.

(ఖ) యో వా పన అఞ్ఞాతావిన్ద్రియం సచ్ఛికరిత్థ సో దోమనస్సిన్ద్రియం పజహతీతి? నో. (దోమనస్సిన్ద్రియమూలకం)

౪౬౧. (క) యో అనఞ్ఞాతఞ్ఞస్సామీతిన్ద్రియం భావేతి సో అఞ్ఞిన్ద్రియం భావిత్థాతి? నో.

(ఖ) యో వా పన అఞ్ఞిన్ద్రియం భావిత్థ సో అనఞ్ఞాతఞ్ఞస్సామీతిన్ద్రియం భావేతీతి? నో.

(క) యో అనఞ్ఞాతఞ్ఞస్సామీతిన్ద్రియం భావేతి సో అఞ్ఞాతావిన్ద్రియం సచ్ఛికరిత్థాతి? నో.

(ఖ) యో వా పన అఞ్ఞాతావిన్ద్రియం సచ్ఛికరిత్థ సో అనఞ్ఞాతఞ్ఞస్సామీతిన్ద్రియం భావేతీతి? నో. (అనఞ్ఞాతఞ్ఞస్సామీతిన్ద్రియమూలకం)

౪౬౨. (క) యో అఞ్ఞిన్ద్రియం భావేతి సో అఞ్ఞాతావిన్ద్రియం సచ్ఛికరిత్థాతి? నో.

(ఖ) యో వా పన అఞ్ఞాతావిన్ద్రియం సచ్ఛికరిత్థ సో అఞ్ఞిన్ద్రియం భావేతీతి? నో. (అఞ్ఞిన్ద్రియమూలకం)

(ఖ) పచ్చనీకం

౪౬౩. (క) యో చక్ఖున్ద్రియం న పరిజానాతి సో దోమనస్సిన్ద్రియం నప్పజహిత్థాతి?

ద్వే పుగ్గలా చక్ఖున్ద్రియం న పరిజానన్తి, నో చ దోమనస్సిన్ద్రియం నప్పజహిత్థ. ఛ పుగ్గలా చక్ఖున్ద్రియఞ్చ న పరిజానన్తి దోమనస్సిన్ద్రియఞ్చ నప్పజహిత్థ.

(ఖ) యో వా పన దోమనస్సిన్ద్రియం నప్పజహిత్థ సో చక్ఖున్ద్రియం న పరిజానాతీతి? ఆమన్తా.

(క) యో చక్ఖున్ద్రియం న పరిజానాతి సో అనఞ్ఞాతఞ్ఞస్సామీతిన్ద్రియం న భావిత్థాతి?

ఛ పుగ్గలా చక్ఖున్ద్రియం న పరిజానన్తి, నో చ అనఞ్ఞాతఞ్ఞస్సామీతిన్ద్రియం న భావిత్థ. ద్వే పుగ్గలా చక్ఖున్ద్రియఞ్చ న పరిజానన్తి అనఞ్ఞాతఞ్ఞస్సామీతిన్ద్రియఞ్చ న భావిత్థ.

(ఖ) యో వా పన అనఞ్ఞాతఞ్ఞస్సామీతిన్ద్రియం న భావిత్థ సో చక్ఖున్ద్రియం న పరిజానాతీతి? ఆమన్తా.

(క) యో చక్ఖున్ద్రియం న పరిజానాతి సో అఞ్ఞిన్ద్రియం న భావిత్థాతి?

అరహా చక్ఖున్ద్రియం న పరిజానాతి, నో చ అఞ్ఞిన్ద్రియం న భావిత్థ. సత్త పుగ్గలా చక్ఖున్ద్రియఞ్చ న పరిజానన్తి అఞ్ఞిన్ద్రియఞ్చ న భావిత్థ.

(ఖ) యో వా పన అఞ్ఞిన్ద్రియం న భావిత్థ సో చక్ఖున్ద్రియం న పరిజానాతీతి?

అగ్గమగ్గసమఙ్గీ అఞ్ఞిన్ద్రియం న భావిత్థ, నో చ చక్ఖున్ద్రియం న పరిజానాతి. సత్త పుగ్గలా అఞ్ఞిన్ద్రియఞ్చ న భావిత్థ చక్ఖున్ద్రియఞ్చ న పరిజానన్తి.

(క) యో చక్ఖున్ద్రియం న పరిజానాతి సో అఞ్ఞాతావిన్ద్రియం న సచ్ఛికరిత్థాతి?

అరహా చక్ఖున్ద్రియం న పరిజానాతి, నో చ అఞ్ఞాతావిన్ద్రియం న సచ్ఛికరిత్థ. అట్ఠ పుగ్గలా చక్ఖున్ద్రియఞ్చ న పరిజానన్తి అఞ్ఞాతావిన్ద్రియఞ్చ న సచ్ఛికరిత్థ.

(ఖ) యో వా పన అఞ్ఞాతావిన్ద్రియం న సచ్ఛికరిత్థ సో చక్ఖున్ద్రియం న పరిజానాతీతి?

అగ్గమగ్గసమఙ్గీ అఞ్ఞాతావిన్ద్రియం న సచ్ఛికరిత్థ, నో చ చక్ఖున్ద్రియం న పరిజానాతి. అట్ఠ పుగ్గలా అఞ్ఞాతావిన్ద్రియఞ్చ న సచ్ఛికరిత్థ చక్ఖున్ద్రియఞ్చ న పరిజానన్తి. (చక్ఖున్ద్రియమూలకం)

౪౬౪. (క) యో దోమనస్సిన్ద్రియం నప్పజహతి సో అనఞ్ఞాతఞ్ఞస్సామీతిన్ద్రియం న భావిత్థాతి?

ఛ పుగ్గలా దోమనస్సిన్ద్రియం నప్పజహన్తి, నో చ అనఞ్ఞాతఞ్ఞస్సామీతిన్ద్రియం న భావిత్థ. ద్వే పుగ్గలా దోమనస్సిన్ద్రియఞ్చ నప్పజహన్తి అనఞ్ఞాతఞ్ఞస్సామీతిన్ద్రియఞ్చ న భావిత్థ.

(ఖ) యో వా పన అనఞ్ఞాతఞ్ఞస్సామీతిన్ద్రియం న భావిత్థ సో దోమనస్సిన్ద్రియం నప్పజహతీతి? ఆమన్తా.

(క) యో దోమనస్సిన్ద్రియం నప్పజహతి సో అఞ్ఞిన్ద్రియం న భావిత్థాతి?

అరహా దోమనస్సిన్ద్రియం నప్పజహతి, నో చ అఞ్ఞిన్ద్రియం న భావిత్థ. సత్త పుగ్గలా దోమనస్సిన్ద్రియఞ్చ నప్పజహన్తి అఞ్ఞిన్ద్రియఞ్చ న భావిత్థ.

(ఖ) యో వా పన అఞ్ఞిన్ద్రియం న భావిత్థ సో దోమనస్సిన్ద్రియం నప్పజహతీతి?

అనాగామిమగ్గసమఙ్గీ అఞ్ఞిన్ద్రియం న భావిత్థ, నో చ దోమనస్సిన్ద్రియం నప్పజహతి. సత్త పుగ్గలా అఞ్ఞిన్ద్రియఞ్చ న భావిత్థ దోమనస్సిన్ద్రియఞ్చ నప్పజహన్తి.

(క) యో దోమనస్సిన్ద్రియం నప్పజహతి సో అఞ్ఞాతావిన్ద్రియం న సచ్ఛికరిత్థాతి?

అరహా దోమనస్సిన్ద్రియం నప్పజహతి, నో చ అఞ్ఞాతావిన్ద్రియం న సచ్ఛికరిత్థ. అట్ఠ పుగ్గలా దోమనస్సిన్ద్రియఞ్చ నప్పజహన్తి అఞ్ఞాతావిన్ద్రియఞ్చ న సచ్ఛికరిత్థ.

(ఖ) యో వా పన అఞ్ఞాతావిన్ద్రియం న సచ్ఛికరిత్థ సో దోమనస్సిన్ద్రియం నప్పజహతీతి?

అనాగామిమగ్గసమఙ్గీ అఞ్ఞాతావిన్ద్రియం న సచ్ఛికరిత్థ, నో చ దోమనస్సిన్ద్రియం నప్పజహతి. అట్ఠ పుగ్గలా అఞ్ఞాతావిన్ద్రియఞ్చ న సచ్ఛికరిత్థ దోమనస్సిన్ద్రియఞ్చ నప్పజహన్తి. (దోమనస్సిన్ద్రియమూలకం)

౪౬౫. (క) యో అనఞ్ఞాతఞ్ఞస్సామీతిన్ద్రియం న భావేతి సో అఞ్ఞిన్ద్రియం న భావిత్థాతి?

అరహా అనఞ్ఞాతఞ్ఞస్సామీతిన్ద్రియం న భావేతి, నో చ అఞ్ఞిన్ద్రియం న భావిత్థ. సత్త పుగ్గలా అనఞ్ఞాతఞ్ఞస్సామీతిన్ద్రియఞ్చ న భావేన్తి అఞ్ఞిన్ద్రియఞ్చ న భావిత్థ.

(ఖ) యో వా పన అఞ్ఞిన్ద్రియం న భావిత్థ సో అనఞ్ఞాతఞ్ఞస్సామీతిన్ద్రియం న భావేతీతి?

అట్ఠమకో అఞ్ఞిన్ద్రియం న భావిత్థ, నో చ అనఞ్ఞాతఞ్ఞస్సామీతిన్ద్రియం న భావేతి. సత్త పుగ్గలా అఞ్ఞిన్ద్రియఞ్చ న భావిత్థ అనఞ్ఞాతఞ్ఞస్సామీతిన్ద్రియఞ్చ న భావేన్తి.

(క) యో అనఞ్ఞాతఞ్ఞస్సామీతిన్ద్రియం న భావేతి సో అఞ్ఞాతావిన్ద్రియం న సచ్ఛికరిత్థాతి?

అరహా అనఞ్ఞాతఞ్ఞస్సామీతిన్ద్రియం న భావేతి, నో చ అఞ్ఞాతావిన్ద్రియం న సచ్ఛికరిత్థ. అట్ఠ [సత్త (సీ. స్యా. క.)] పుగ్గలా అనఞ్ఞాతఞ్ఞస్సామీతిన్ద్రియఞ్చ న భావేన్తి అఞ్ఞాతావిన్ద్రియఞ్చ న సచ్ఛికరిత్థ.

(ఖ) యో వా పన అఞ్ఞాతావిన్ద్రియం న సచ్ఛికరిత్థ సో అనఞ్ఞాతఞ్ఞస్సామీతిన్ద్రియం న భావేతీతి?

అట్ఠమకో అఞ్ఞాతావిన్ద్రియం న సచ్ఛికరిత్థ, నో చ అనఞ్ఞాతఞ్ఞస్సామీతిన్ద్రియం న భావేతి. అట్ఠ పుగ్గలా అఞ్ఞాతావిన్ద్రియఞ్చ న సచ్ఛికరిత్థ అనఞ్ఞాతఞ్ఞస్సామీతిన్ద్రియఞ్చ న భావేన్తి. (అనఞ్ఞాతఞ్ఞస్సామీతిన్ద్రియమూలకం)

౪౬౬. (క) యో అఞ్ఞిన్ద్రియం న భావేతి సో అఞ్ఞాతావిన్ద్రియం న సచ్ఛికరిత్థాతి?

అరహా అఞ్ఞిన్ద్రియం న భావేతి, నో చ అఞ్ఞాతావిన్ద్రియం న సచ్ఛికరిత్థ. ఛ [పఞ్చ (సీ. స్యా. క.)] పుగ్గలా అఞ్ఞిన్ద్రియఞ్చ న భావేన్తి అఞ్ఞాతావిన్ద్రియఞ్చ న సచ్ఛికరిత్థ.

(ఖ) యో వా పన అఞ్ఞాతావిన్ద్రియం న సచ్ఛికరిత్థ సో అఞ్ఞిన్ద్రియం న భావేతీతి?

తయో మగ్గసమఙ్గినో అఞ్ఞాతావిన్ద్రియం న సచ్ఛికరిత్థ, నో చ అఞ్ఞిన్ద్రియం న భావేన్తి. ఛ [పఞ్చ (సీ. స్యా. క.)] పుగ్గలా అఞ్ఞాతావిన్ద్రియఞ్చ న సచ్ఛికరిత్థ అఞ్ఞిన్ద్రియఞ్చ న భావేన్తి. (అఞ్ఞిన్ద్రియమూలకం)