౫. పచ్చుప్పన్నానాగతవారో

(క) అనులోమం

౪౬౭. (క) యో చక్ఖున్ద్రియం పరిజానాతి సో దోమనస్సిన్ద్రియం పజహిస్సతీతి? నో.

(ఖ) యో వా పన దోమనస్సిన్ద్రియం పజహిస్సతి సో చక్ఖున్ద్రియం పరిజానాతీతి? నో.

(క) యో చక్ఖున్ద్రియం పరిజానాతి సో అనఞ్ఞాతఞ్ఞస్సామీతిన్ద్రియం భావేస్సతీతి? నో.

(ఖ) యో వా పన అనఞ్ఞాతఞ్ఞస్సామీతిన్ద్రియం భావేస్సతి సో చక్ఖున్ద్రియం పరిజానాతీతి? నో.

(క) యో చక్ఖున్ద్రియం పరిజానాతి సో అఞ్ఞిన్ద్రియం భావేస్సతీతి? నో.

(ఖ) యో వా పన అఞ్ఞిన్ద్రియం భావేస్సతి సో చక్ఖున్ద్రియం పరిజానాతీతి? నో.

(క) యో చక్ఖున్ద్రియం పరిజానాతి సో అఞ్ఞాతావిన్ద్రియం సచ్ఛికరిస్సతీతి? ఆమన్తా.

(ఖ) యో వా పన అఞ్ఞాతావిన్ద్రియం సచ్ఛికరిస్సతి సో చక్ఖున్ద్రియం పరిజానాతీతి?

సత్త పుగ్గలా అఞ్ఞాతావిన్ద్రియం సచ్ఛికరిస్సన్తి, నో చ చక్ఖున్ద్రియం పరిజానన్తి. అగ్గమగ్గసమఙ్గీ అఞ్ఞాతావిన్ద్రియఞ్చ సచ్ఛికరిస్సతి చక్ఖున్ద్రియఞ్చ పరిజానాతి. (చక్ఖున్ద్రియమూలకం)

౪౬౮. (క) యో దోమనస్సిన్ద్రియం పజహతి సో అనఞ్ఞాతఞ్ఞస్సామీతిన్ద్రియం భావేస్సతీతి? నో.

(ఖ) యో వా పన అనఞ్ఞాతఞ్ఞస్సామీతిన్ద్రియం భావేస్సతి సో దోమనస్సిన్ద్రియం పజహతీతి? నో.

(క) యో దోమనస్సిన్ద్రియం పజహతి సో అఞ్ఞిన్ద్రియం భావేస్సతీతి? ఆమన్తా.

(ఖ) యో వా పన అఞ్ఞిన్ద్రియం భావేస్సతి సో దోమనస్సిన్ద్రియం పజహతీతి?

ఛ పుగ్గలా అఞ్ఞిన్ద్రియం భావేస్సన్తి, నో చ దోమనస్సిన్ద్రియం పజహన్తి అనాగామిమగ్గసమఙ్గి అఞ్ఞిన్ద్రియఞ్చ భావేస్సన్తి, దోమనస్సిన్ద్రియఞ్చ పజహన్తి.

(క) యో దోమనస్సిన్ద్రియం పజహతి సో అఞ్ఞాతావిన్ద్రియం సచ్ఛికరిస్సతీతి? ఆమన్తా.

(ఖ) యో వా పన అఞ్ఞాతావిన్ద్రియం సచ్ఛికరిస్సతి సో దోమనస్సిన్ద్రియం పజహతీతి?

సత్త పుగ్గలా అఞ్ఞాతావిన్ద్రియం సచ్ఛికరిస్సన్తి, నో చ దోమనస్సిన్ద్రియం పజహన్తి. అనాగామిమగ్గసమఙ్గీ అఞ్ఞాతావిన్ద్రియఞ్చ సచ్ఛికరిస్సతి దోమనస్సిన్ద్రియఞ్చ పజహతి. (దోమనస్సిన్ద్రియమూలకం)

౪౬౯. (క) యో అనఞ్ఞాతఞ్ఞస్సామీతిన్ద్రియం భావేతి సో అఞ్ఞిన్ద్రియం భావేస్సతీతి? ఆమన్తా.

(ఖ) యో వా పన అఞ్ఞిన్ద్రియం భావేస్సతి సో అనఞ్ఞాతఞ్ఞస్సామీతిన్ద్రియం భావేతీతి?

ఛ పుగ్గలా అఞ్ఞిన్ద్రియం భావేస్సన్తి, నో చ అనఞ్ఞాతఞ్ఞస్సామీతిన్ద్రియం భావేన్తి. అట్ఠమకో అఞ్ఞిన్ద్రియఞ్చ భావేస్సతి అనఞ్ఞాతఞ్ఞస్సామీతిన్ద్రియఞ్చ భావేతి.

(క) యో అనఞ్ఞాతఞ్ఞస్సామీతిన్ద్రియం భావేతి సో అఞ్ఞాతావిన్ద్రియం సచ్ఛికరిస్సతీతి? ఆమన్తా.

(ఖ) యో వా పన అఞ్ఞాతావిన్ద్రియం సచ్ఛికరిస్సతి సో అనఞ్ఞాతఞ్ఞస్సామీతిన్ద్రియం భావేతీతి?

సత్త పుగ్గలా అఞ్ఞాతావిన్ద్రియం సచ్ఛికరిస్సన్తి, నో చ అనఞ్ఞాతఞ్ఞస్సామీతిన్ద్రియం భావేన్తి. అట్ఠమకో అఞ్ఞాతావిన్ద్రియఞ్చ సచ్ఛికరిస్సతి అనఞ్ఞాతఞ్ఞస్సామీతిన్ద్రియఞ్చ భావేతి. (అనఞ్ఞాతఞ్ఞస్సామీతిన్ద్రియమూలకం)

౪౭౦. (క) యో అఞ్ఞిన్ద్రియం భావేతి సో అఞ్ఞాతావిన్ద్రియం సచ్ఛికరిస్సతీతి? ఆమన్తా.

(ఖ) యో వా పన అఞ్ఞాతావిన్ద్రియం సచ్ఛికరిస్సతి సో అఞ్ఞిన్ద్రియం భావేతీతి?

పఞ్చ పుగ్గలా అఞ్ఞాతావిన్ద్రియం సచ్ఛికరిస్సన్తి, నో చ అఞ్ఞిన్ద్రియం భావేన్తి. తయో మగ్గసమఙ్గినో అఞ్ఞాతావిన్ద్రియఞ్చ సచ్ఛికరిస్సన్తి అఞ్ఞిన్ద్రియఞ్చ భావేన్తి. (అఞ్ఞిన్ద్రియమూలకం)

(ఖ) పచ్చనీకం

౪౭౧. (క) యో చక్ఖున్ద్రియం న పరిజానాతి సో దోమనస్సిన్ద్రియం నప్పజహిస్సతీతి?

పఞ్చ పుగ్గలా చక్ఖున్ద్రియం న పరిజానన్తి, నో చ దోమనస్సిన్ద్రియం నప్పజహిస్సన్తి. చత్తారో పుగ్గలా చక్ఖున్ద్రియఞ్చ న పరిజానన్తి దోమనస్సిన్ద్రియఞ్చ నప్పజహిస్సన్తి.

(ఖ) యో వా పన దోమనస్సిన్ద్రియం నప్పజహిస్సతి సో చక్ఖున్ద్రియం న పరిజానాతీతి?

అగ్గమగ్గసమఙ్గీ దోమనస్సిన్ద్రియం నప్పజహిస్సతి, నో చ చక్ఖున్ద్రియం న పరిజానాతి. చత్తారో పుగ్గలా దోమనస్సిన్ద్రియఞ్చ నప్పజహిస్సన్తి చక్ఖున్ద్రియఞ్చ న పరిజానన్తి.

(క) యో చక్ఖున్ద్రియం న పరిజానాతి సో అనఞ్ఞాతఞ్ఞస్సామీతిన్ద్రియం న భావేస్సతీతి?

యే పుథుజ్జనా మగ్గం పటిలభిస్సన్తి తే చక్ఖున్ద్రియం న పరిజానన్తి, నో చ అనఞ్ఞాతఞ్ఞస్సామీతిన్ద్రియం న భావేస్సన్తి. అట్ఠ పుగ్గలా చక్ఖున్ద్రియఞ్చ న పరిజానన్తి అనఞ్ఞాతఞ్ఞస్సామీతిన్ద్రియఞ్చ న భావేస్సన్తి.

(ఖ) యో వా పన అనఞ్ఞాతఞ్ఞస్సామీతిన్ద్రియం న భావేస్సతి సో చక్ఖున్ద్రియం న పరిజానాతీతి?

అగ్గమగ్గసమఙ్గీ అనఞ్ఞాతఞ్ఞస్సామీతిన్ద్రియం న భావేస్సతి, నో చ చక్ఖున్ద్రియం న పరిజానాతి. అట్ఠ పుగ్గలా అనఞ్ఞాతఞ్ఞస్సామీతిన్ద్రియఞ్చ న భావేస్సన్తి చక్ఖున్ద్రియఞ్చ న పరిజానన్తి.

(క) యో చక్ఖున్ద్రియం న పరిజానాతి సో అఞ్ఞిన్ద్రియం న భావేస్సతీతి?

సత్త పుగ్గలా చక్ఖున్ద్రియం న పరిజానన్తి, నో చ అఞ్ఞిన్ద్రియం న భావేస్సన్తి. ద్వే పుగ్గలా చక్ఖున్ద్రియఞ్చ న పరిజానన్తి అఞ్ఞిన్ద్రియఞ్చ న భావేస్సన్తి.

(ఖ) యో వా పన అఞ్ఞిన్ద్రియం న భావేస్సతి సో చక్ఖున్ద్రియం న పరిజానాతీతి?

అగ్గమగ్గసమఙ్గీ అఞ్ఞిన్ద్రియం న భావేస్సతి, నో చ చక్ఖున్ద్రియం న పరిజానాతి. ద్వే పుగ్గలా అఞ్ఞిన్ద్రియఞ్చ న భావేస్సన్తి చక్ఖున్ద్రియఞ్చ న పరిజానన్తి.

(క) యో చక్ఖున్ద్రియం న పరిజానాతి సో అఞ్ఞాతావిన్ద్రియం న సచ్ఛికరిస్సతీతి?

సత్త పుగ్గలా చక్ఖున్ద్రియం న పరిజానన్తి, నో చ అఞ్ఞాతావిన్ద్రియం న సచ్ఛికరిస్సన్తి. ద్వే పుగ్గలా చక్ఖున్ద్రియఞ్చ న పరిజానన్తి అఞ్ఞాతావిన్ద్రియఞ్చ న సచ్ఛికరిస్సన్తి.

(ఖ) యో వా పన అఞ్ఞాతావిన్ద్రియం న సచ్ఛికరిస్సతి సో చక్ఖున్ద్రియం న పరిజానాతీతి? ఆమన్తా. (చక్ఖున్ద్రియమూలకం)

౪౭౨. (క) యో దోమనస్సిన్ద్రియం నప్పజహతి సో అనఞ్ఞాతఞ్ఞస్సామీతిన్ద్రియం న భావేస్సతీతి?

యే పుథుజ్జనా మగ్గం పటిలభిస్సన్తి తే దోమనస్సిన్ద్రియం నప్పజహన్తి, నో చ అనఞ్ఞాతఞ్ఞస్సామీతిన్ద్రియం న భావేస్సన్తి. అట్ఠ పుగ్గలా దోమనస్సిన్ద్రియఞ్చ నప్పజహన్తి అనఞ్ఞాతఞ్ఞస్సామీతిన్ద్రియఞ్చ న భావేస్సన్తి.

(ఖ) యో వా పన అనఞ్ఞాతఞ్ఞస్సామీతిన్ద్రియం న భావేస్సతి సో దోమనస్సిన్ద్రియం నప్పజహతీతి?

అనాగామిమగ్గసమఙ్గీ అనఞ్ఞాతఞ్ఞస్సామీతిన్ద్రియం న భావేస్సతి, నో చ దోమనస్సిన్ద్రియం నప్పజహతి. అట్ఠ పుగ్గలా అనఞ్ఞాతఞ్ఞస్సామీతిన్ద్రియఞ్చ న భావేస్సన్తి దోమనస్సిన్ద్రియఞ్చ నప్పజహన్తి.

(క) యో దోమనస్సిన్ద్రియం నప్పజహతి సో అఞ్ఞిన్ద్రియం న భావేస్సతీతి?

ఛ పుగ్గలా దోమనస్సిన్ద్రియం నప్పజహన్తి, నో చ అఞ్ఞిన్ద్రియం న భావేస్సన్తి. తయో పుగ్గలా దోమనస్సిన్ద్రియఞ్చ నప్పజహన్తి అఞ్ఞిన్ద్రియఞ్చ న భావేస్సన్తి.

(ఖ) యో వా పన అఞ్ఞిన్ద్రియం న భావేస్సతి సో దోమనస్సిన్ద్రియం నప్పజహతీతి? ఆమన్తా.

(క) యో దోమనస్సిన్ద్రియం నప్పజహతి సో అఞ్ఞాతావిన్ద్రియం న సచ్ఛికరిస్సతీతి?

సత్త పుగ్గలా దోమనస్సిన్ద్రియం నప్పజహన్తి, నో చ అఞ్ఞాతావిన్ద్రియం న సచ్ఛికరిస్సన్తి. ద్వే పుగ్గలా దోమనస్సిన్ద్రియఞ్చ నప్పజహన్తి అఞ్ఞాతావిన్ద్రియఞ్చ న సచ్ఛికరిస్సన్తి.

(ఖ) యో వా పన అఞ్ఞాతావిన్ద్రియం న సచ్ఛికరిస్సతి సో దోమనస్సిన్ద్రియం నప్పజహతీతి? ఆమన్తా. (దోమనస్సిన్ద్రియమూలకం)

౪౭౩. (క) యో అనఞ్ఞాతఞ్ఞస్సామీతిన్ద్రియం న భావేతి సో అఞ్ఞిన్ద్రియం న భావేస్సతీతి?

ఛ పుగ్గలా అనఞ్ఞాతఞ్ఞస్సామీతిన్ద్రియం న భావేన్తి, నో చ అఞ్ఞిన్ద్రియం న భావేస్సన్తి. తయో పుగ్గలా అనఞ్ఞాతఞ్ఞస్సామీతిన్ద్రియఞ్చ న భావేన్తి అఞ్ఞిన్ద్రియఞ్చ న భావేస్సన్తి.

(ఖ) యో వా పన అఞ్ఞిన్ద్రియం న భావేస్సతి సో అనఞ్ఞాతఞ్ఞస్సామీతిన్ద్రియం న భావేతీతి? ఆమన్తా.

(క) యో అనఞ్ఞాతఞ్ఞస్సామీతిన్ద్రియం న భావేతి సో అఞ్ఞాతావిన్ద్రియం న సచ్ఛికరిస్సతీతి?

సత్త పుగ్గలా అనఞ్ఞాతఞ్ఞస్సామీతిన్ద్రియం న భావేన్తి, నో చ అఞ్ఞాతావిన్ద్రియం న సచ్ఛికరిస్సన్తి. ద్వే పుగ్గలా అనఞ్ఞాతఞ్ఞస్సామీతిన్ద్రియఞ్చ న భావేన్తి అఞ్ఞాతావిన్ద్రియఞ్చ న సచ్ఛికరిస్సన్తి.

(ఖ) యో వా పన అఞ్ఞాతావిన్ద్రియం న సచ్ఛికరిస్సతి సో అనఞ్ఞాతఞ్ఞస్సామీతిన్ద్రియం న భావేతీతి? ఆమన్తా. (అనఞ్ఞాతఞ్ఞస్సామీతిన్ద్రియమూలకం)

౪౭౪. (క) యో అఞ్ఞిన్ద్రియం న భావేతి సో అఞ్ఞాతావిన్ద్రియం న సచ్ఛికరిస్సతీతి?

పఞ్చ పుగ్గలా అఞ్ఞిన్ద్రియం న భావేన్తి, నో చ అఞ్ఞాతావిన్ద్రియం న సచ్ఛికరిస్సన్తి. ద్వే పుగ్గలా అఞ్ఞిన్ద్రియఞ్చ న భావేన్తి అఞ్ఞాతావిన్ద్రియఞ్చ న సచ్ఛికరిస్సన్తి.

(ఖ) యో వా పన అఞ్ఞాతావిన్ద్రియం న సచ్ఛికరిస్సతి సో అఞ్ఞిన్ద్రియం న భావేతీతి? ఆమన్తా. (అఞ్ఞిన్ద్రియమూలకం)