౨. అతీతవారో

(క) అనులోమం

౪౪౩. (క) యో చక్ఖున్ద్రియం పరిజానిత్థ సో దోమనస్సిన్ద్రియం పజహిత్థాతి? ఆమన్తా.

(ఖ) యో వా పన దోమనస్సిన్ద్రియం పజహిత్థ సో చక్ఖున్ద్రియం పరిజానిత్థాతి?

ద్వే పుగ్గలా దోమనస్సిన్ద్రియం పజహిత్థ, నో చ చక్ఖున్ద్రియం పరిజానిత్థ. అరహా దోమనస్సిన్ద్రియఞ్చ పజహిత్థ చక్ఖున్ద్రియఞ్చ పరిజానిత్థ.

(క) యో చక్ఖున్ద్రియం పరిజానిత్థ సో అనఞ్ఞాతఞ్ఞస్సామీతిన్ద్రియం భావిత్థాతి? ఆమన్తా.

(ఖ) యో వా పన అనఞ్ఞాతఞ్ఞస్సామీతిన్ద్రియం భావిత్థ సో చక్ఖున్ద్రియం పరిజానిత్థాతి?

ఛ పుగ్గలా అనఞ్ఞాతఞ్ఞస్సామీతిన్ద్రియం భావిత్థ, నో చ చక్ఖున్ద్రియం పరిజానిత్థ. అరహా అనఞ్ఞాతఞ్ఞస్సామీతిన్ద్రియఞ్చ భావిత్థ చక్ఖున్ద్రియఞ్చ పరిజానిత్థ.

(క) యో చక్ఖున్ద్రియం పరిజానిత్థ సో అఞ్ఞిన్ద్రియం భావిత్థాతి? ఆమన్తా.

(ఖ) యో వా పన అఞ్ఞిన్ద్రియం భావిత్థ సో చక్ఖున్ద్రియం పరిజానిత్థాతి? ఆమన్తా.

(క) యో చక్ఖున్ద్రియం పరిజానిత్థ సో అఞ్ఞాతావిన్ద్రియం సచ్ఛికరిత్థాతి?

యో అగ్గఫలం సచ్ఛికరోతి సో చక్ఖున్ద్రియం పరిజానిత్థ, నో చ అఞ్ఞాతావిన్ద్రియం సచ్ఛికరిత్థ. యో అగ్గఫలం సచ్ఛాకాసి సో చక్ఖున్ద్రియఞ్చ పరిజానిత్థ అఞ్ఞాతావిన్ద్రియఞ్చ సచ్ఛికరిత్థ.

(ఖ) యో వా పన అఞ్ఞాతావిన్ద్రియం సచ్ఛికరిత్థ సో చక్ఖున్ద్రియం పరిజానిత్థాతి? ఆమన్తా. (చక్ఖున్ద్రియమూలకం)

౪౪౪. (క) యో దోమనస్సిన్ద్రియం పజహిత్థ సో అనఞ్ఞాతఞ్ఞస్సామీతిన్ద్రియం భావిత్థాతి? ఆమన్తా.

(ఖ) యో వా పన అనఞ్ఞాతఞ్ఞస్సామీతిన్ద్రియం భావిత్థ సో దోమనస్సిన్ద్రియం పజహిత్థాతి?

చత్తారో పుగ్గలా అనఞ్ఞాతఞ్ఞస్సామీతిన్ద్రియం భావిత్థ, నో చ దోమనస్సిన్ద్రియం పజహిత్థ. తయో పుగ్గలా అనఞ్ఞాతఞ్ఞస్సామీతిన్ద్రియఞ్చ భావిత్థ దోమనస్సిన్ద్రియఞ్చ పజహిత్థ.

(క) యో దోమనస్సిన్ద్రియం పజహిత్థ సో అఞ్ఞిన్ద్రియం భావిత్థాతి?

ద్వే పుగ్గలా దోమనస్సిన్ద్రియం పజహిత్థ, నో చ అఞ్ఞిన్ద్రియం భావిత్థ. అరహా దోమనస్సిన్ద్రియఞ్చ పజహిత్థ అఞ్ఞిన్ద్రియఞ్చ భావిత్థ.

(ఖ) యో వా పన అఞ్ఞిన్ద్రియం భావిత్థ సో దోమనస్సిన్ద్రియం పజహిత్థాతి? ఆమన్తా.

(క) యో దోమనస్సిన్ద్రియం పజహిత్థ సో అఞ్ఞాతావిన్ద్రియం సచ్ఛికరిత్థాతి?

తయో పుగ్గలా దోమనస్సిన్ద్రియం పజహిత్థ, నో చ అఞ్ఞాతావిన్ద్రియం సచ్ఛికరిత్థ. అరహా దోమనస్సిన్ద్రియఞ్చ పజహిత్థ అఞ్ఞాతావిన్ద్రియఞ్చ సచ్ఛికరిత్థ.

(ఖ) యో వా పన అఞ్ఞాతావిన్ద్రియం సచ్ఛికరిత్థ సో దోమనస్సిన్ద్రియం పజహిత్థాతి? ఆమన్తా. (దోమనస్సిన్ద్రియమూలకం)

౪౪౫. (క) యో అనఞ్ఞాతఞ్ఞస్సామీతిన్ద్రియం భావిత్థ సో అఞ్ఞిన్ద్రియం భావిత్థాతి?

ఛ పుగ్గలా అనఞ్ఞాతఞ్ఞస్సామీతిన్ద్రియం భావిత్థ, నో చ అఞ్ఞిన్ద్రియం భావిత్థ. అరహా అనఞ్ఞాతఞ్ఞస్సామీతిన్ద్రియఞ్చ భావిత్థ అఞ్ఞిన్ద్రియఞ్చ భావిత్థ.

(ఖ) యో వా పన అఞ్ఞిన్ద్రియం భావిత్థ సో అనఞ్ఞాతఞ్ఞస్సామీతిన్ద్రియం భావిత్థాతి? ఆమన్తా.

(క) యో అనఞ్ఞాతఞ్ఞస్సామీతిన్ద్రియం భావిత్థ సో అఞ్ఞాతావిన్ద్రియం సచ్ఛికరిత్థాతి?

సత్త పుగ్గలా అనఞ్ఞాతఞ్ఞస్సామీతిన్ద్రియం భావిత్థ, నో చ అఞ్ఞాతావిన్ద్రియం సచ్ఛికరిత్థ. అరహా అనఞ్ఞాతఞ్ఞస్సామీతిన్ద్రియఞ్చ భావిత్థ అఞ్ఞాతావిన్ద్రియఞ్చ సచ్ఛికరిత్థ.

(ఖ) యో వా పన అఞ్ఞాతావిన్ద్రియం సచ్ఛికరిత్థ సో అనఞ్ఞాతఞ్ఞస్సామీతిన్ద్రియం భావిత్థాతి? ఆమన్తా. (అనఞ్ఞాతఞ్ఞస్సామీతిన్ద్రియమూలకం)

౪౪౬. (క) యో అఞ్ఞిన్ద్రియం భావిత్థ సో అఞ్ఞాతావిన్ద్రియం సచ్ఛికరిత్థాతి?

యో అగ్గఫలం సచ్ఛికరోతి సో అఞ్ఞిన్ద్రియం భావిత్థ, నో చ అఞ్ఞాతావిన్ద్రియం సచ్ఛికరిత్థ. యో అగ్గఫలం సచ్ఛాకాసి సో అఞ్ఞిన్ద్రియఞ్చ భావిత్థ అఞ్ఞాతావిన్ద్రియఞ్చ సచ్ఛికరిత్థ.

(ఖ) యో వా పన అఞ్ఞాతావిన్ద్రియం సచ్ఛికరిత్థ సో అఞ్ఞిన్ద్రియం భావిత్థాతి? ఆమన్తా. (అఞ్ఞిన్ద్రియమూలకం)

(ఖ) పచ్చనీకం

౪౪౭. (క) యో చక్ఖున్ద్రియం న పరిజానిత్థ సో దోమనస్సిన్ద్రియం నప్పజహిత్థాతి?

ద్వే పుగ్గలా చక్ఖున్ద్రియం న పరిజానిత్థ, నో చ దోమనస్సిన్ద్రియం నప్పజహిత్థ. ఛ పుగ్గలా చక్ఖున్ద్రియఞ్చ న పరిజానిత్థ దోమనస్సిన్ద్రియఞ్చ నప్పజహిత్థ.

(ఖ) యో వా పన దోమనస్సిన్ద్రియం నప్పజహిత్థ సో చక్ఖున్ద్రియం న పరిజానిత్థాతి? ఆమన్తా.

(క) యో చక్ఖున్ద్రియం న పరిజానిత్థ సో అనఞ్ఞాతఞ్ఞస్సామీతిన్ద్రియం న భావిత్థాతి?

ఛ పుగ్గలా చక్ఖున్ద్రియం న పరిజానిత్థ, నో చ అనఞ్ఞాతఞ్ఞస్సామీతిన్ద్రియం న భావిత్థ. ద్వే పుగ్గలా చక్ఖున్ద్రియఞ్చ న పరిజానిత్థ అనఞ్ఞాతఞ్ఞస్సామీతిన్ద్రియఞ్చ న భావిత్థ.

(ఖ) యో వా పన అనఞ్ఞాతఞ్ఞస్సామీతిన్ద్రియం న భావిత్థ సో చక్ఖున్ద్రియం న పరిజానిత్థాతి? ఆమన్తా.

(క) యో చక్ఖున్ద్రియం న పరిజానిత్థ సో అఞ్ఞిన్ద్రియం న భావిత్థాతి? ఆమన్తా.

(ఖ) యో వా పన అఞ్ఞిన్ద్రియం న భావిత్థ సో చక్ఖున్ద్రియం న పరిజానిత్థాతి? ఆమన్తా.

(క) యో చక్ఖున్ద్రియం న పరిజానిత్థ సో అఞ్ఞాతావిన్ద్రియం న సచ్ఛికరిత్థాతి? ఆమన్తా.

(ఖ) యో వా పన అఞ్ఞాతావిన్ద్రియం న సచ్ఛికరిత్థ సో చక్ఖున్ద్రియం న పరిజానిత్థాతి?

యో అగ్గఫలం సచ్ఛికరోతి సో అఞ్ఞాతావిన్ద్రియం న సచ్ఛికరిత్థ, నో చ చక్ఖున్ద్రియం న పరిజానిత్థ. అట్ఠ పుగ్గలా అఞ్ఞాతావిన్ద్రియఞ్చ న సచ్ఛికరిత్థ చక్ఖున్ద్రియఞ్చ న పరిజానిత్థ. (చక్ఖున్ద్రియమూలకం)

౪౪౮. (క) యో దోమనస్సిన్ద్రియం నప్పజహిత్థ సో అనఞ్ఞాతఞ్ఞస్సామీతిన్ద్రియం న భావిత్థాతి?

చత్తారో పుగ్గలా దోమనస్సిన్ద్రియం నప్పజహిత్థ, నో చ అనఞ్ఞాతఞ్ఞస్సామీతిన్ద్రియం న భావిత్థ. ద్వే పుగ్గలా దోమనస్సిన్ద్రియఞ్చ నప్పజహిత్థ అనఞ్ఞాతఞ్ఞస్సామీతిన్ద్రియఞ్చ న భావిత్థ.

(ఖ) యో వా పన అనఞ్ఞాతఞ్ఞస్సామీతిన్ద్రియం న భావిత్థ సో దోమనస్సిన్ద్రియం నప్పజహిత్థాతి? ఆమన్తా.

(క) యో దోమనస్సిన్ద్రియం నప్పజహిత్థ సో అఞ్ఞిన్ద్రియం న భావిత్థాతి? ఆమన్తా.

(ఖ) యో వా పన అఞ్ఞిన్ద్రియం న భావిత్థ సో దోమనస్సిన్ద్రియం నప్పజహిత్థాతి?

ద్వే పుగ్గలా అఞ్ఞిన్ద్రియం న భావిత్థ, నో చ దోమనస్సిన్ద్రియం నప్పజహిత్థ. ఛ పుగ్గలా అఞ్ఞిన్ద్రియఞ్చ న భావిత్థ దోమనస్సిన్ద్రియఞ్చ నప్పజహిత్థ.

(క) యో దోమనస్సిన్ద్రియం నప్పజహిత్థ సో అఞ్ఞాతావిన్ద్రియం న సచ్ఛికరిత్థాతి? ఆమన్తా.

(ఖ) యో వా పన అఞ్ఞాతావిన్ద్రియం న సచ్ఛికరిత్థ సో దోమనస్సిన్ద్రియం నప్పజహిత్థాతి?

తయో పుగ్గలా అఞ్ఞాతావిన్ద్రియం న సచ్ఛికరిత్థ, నో చ దోమనస్సిన్ద్రియం నప్పజహిత్థ. ఛ పుగ్గలా అఞ్ఞాతావిన్ద్రియఞ్చ న సచ్ఛికరిత్థ దోమనస్సిన్ద్రియఞ్చ నప్పజహిత్థ. (దోమనస్సిన్ద్రియమూలకం)

౪౪౯. (క) యో అనఞ్ఞాతఞ్ఞస్సామీతిన్ద్రియం న భావిత్థ సో అఞ్ఞిన్ద్రియం న భావిత్థాతి? ఆమన్తా.

(ఖ) యో వా పన అఞ్ఞిన్ద్రియం న భావిత్థ సో అనఞ్ఞాతఞ్ఞస్సామీతిన్ద్రియం న భావిత్థాతి?

ఛ పుగ్గలా అఞ్ఞిన్ద్రియం న భావిత్థ, నో చ అనఞ్ఞాతఞ్ఞస్సామీతిన్ద్రియం న భావిత్థ. ద్వే పుగ్గలా అఞ్ఞిన్ద్రియఞ్చ న భావిత్థ అనఞ్ఞాతఞ్ఞస్సామీతిన్ద్రియఞ్చ న భావిత్థ.

(క) యో అనఞ్ఞాతఞ్ఞస్సామీతిన్ద్రియం న భావిత్థ సో అఞ్ఞాతావిన్ద్రియం న సచ్ఛికరిత్థాతి? ఆమన్తా.

(ఖ) యో వా పన అఞ్ఞాతావిన్ద్రియం న సచ్ఛికరిత్థ సో అనఞ్ఞాతఞ్ఞస్సామీతిన్ద్రియం న భావిత్థాతి?

సత్త పుగ్గలా అఞ్ఞాతావిన్ద్రియం న సచ్ఛికరిత్థ, నో చ అనఞ్ఞాతఞ్ఞస్సామీతిన్ద్రియం న భావిత్థ. ద్వే పుగ్గలా అఞ్ఞాతావిన్ద్రియఞ్చ న సచ్ఛికరిత్థ అనఞ్ఞాతఞ్ఞస్సామీతిన్ద్రియఞ్చ న భావిత్థ. (అనఞ్ఞాతఞ్ఞస్సామీతిన్ద్రియమూలకం)

౪౫౦. (క) యో అఞ్ఞిన్ద్రియం న భావిత్థ సో అఞ్ఞాతావిన్ద్రియం న సచ్ఛికరిత్థాతి? ఆమన్తా.

(ఖ) యో వా పన అఞ్ఞాతావిన్ద్రియం న సచ్ఛికరిత్థ సో అఞ్ఞిన్ద్రియం న భావిత్థాతి?

యో అగ్గఫలం సచ్ఛికరోతి సో అఞ్ఞాతావిన్ద్రియం న సచ్ఛికరిత్థ, నో చ అఞ్ఞిన్ద్రియం న భావిత్థ. అట్ఠ పుగ్గలా అఞ్ఞాతావిన్ద్రియఞ్చ న సచ్ఛికరిత్థ అఞ్ఞిన్ద్రియఞ్చ న భావిత్థ. (అఞ్ఞిన్ద్రియమూలకం)