౧. పచ్చుప్పన్నవారో

(క) అనులోమం

౪౩౫. (క) యో చక్ఖున్ద్రియం పరిజానాతి సో సోతిన్ద్రియం పరిజానాతీతి? ఆమన్తా.

(ఖ) యో వా పన సోతిన్ద్రియం పరిజానాతి సో చక్ఖున్ద్రియం పరిజానాతీతి? ఆమన్తా.

(క) యో చక్ఖున్ద్రియం పరిజానాతి సో దోమనస్సిన్ద్రియం పజహతీతి? నో.

(ఖ) యో వా పన దోమనస్సిన్ద్రియం పజహతి సో చక్ఖున్ద్రియం పరిజానాతీతి? నో.

(క) యో చక్ఖున్ద్రియం పరిజానాతి సో అనఞ్ఞాతఞ్ఞస్సామీతిన్ద్రియం భావేతీతి? నో.

(ఖ) యో వా పన అనఞ్ఞాతఞ్ఞస్సామీతిన్ద్రియం భావేతి సో చక్ఖున్ద్రియం పరిజానాతీతి? నో.

(క) యో చక్ఖున్ద్రియం పరిజానాతి సో అఞ్ఞిన్ద్రియం భావేతీతి? ఆమన్తా.

(ఖ) యో వా పన అఞ్ఞిన్ద్రియం భావేతి సో చక్ఖున్ద్రియం పరిజానాతీతి?

ద్వే పుగ్గలా అఞ్ఞిన్ద్రియం భావేన్తి, నో చ చక్ఖున్ద్రియం పరిజానన్తి. అగ్గమగ్గసమఙ్గీ అఞ్ఞిన్ద్రియఞ్చ భావేతి చక్ఖున్ద్రియఞ్చ పరిజానాతి.

(క) యో చక్ఖున్ద్రియం పరిజానాతి సో అఞ్ఞాతావిన్ద్రియం సచ్ఛికరోతీతి? నో.

(ఖ) యో వా పన అఞ్ఞాతావిన్ద్రియం సచ్ఛికరోతి సో చక్ఖున్ద్రియం పరిజానాతీతి? నో. (చక్ఖున్ద్రియమూలకం)

౪౩౬. (క) యో దోమనస్సిన్ద్రియం పజహతి సో అనఞ్ఞాతఞ్ఞస్సామీతిన్ద్రియం భావేతీతి? నో.

(ఖ) యో వా పన అనఞ్ఞాతఞ్ఞస్సామీతిన్ద్రియం భావేతి సో దోమనస్సిన్ద్రియం పజహతీతి? నో.

(క) యో దోమనస్సిన్ద్రియం పజహతి సో అఞ్ఞిన్ద్రియం భావేతీతి? ఆమన్తా.

(ఖ) యో వా పన అఞ్ఞిన్ద్రియం భావేతి సో దోమనస్సిన్ద్రియం పజహతీతి?

ద్వే పుగ్గలా అఞ్ఞిన్ద్రియం భావేన్తి, నో చ దోమనస్సిన్ద్రియం పజహన్తి. అనాగామిమగ్గసమఙ్గీ అఞ్ఞిన్ద్రియఞ్చ భావేతి దోమనస్సిన్ద్రియఞ్చ పజహతి.

(క) యో దోమనస్సిన్ద్రియం పజహతి సో అఞ్ఞాతావిన్ద్రియం సచ్ఛికరోతీతి? నో.

(ఖ) యో వా పన అఞ్ఞాతావిన్ద్రియం సచ్ఛికరోతి సో దోమనస్సిన్ద్రియం పజహతీతి? నో. (దోమనస్సిన్ద్రియమూలకం)

౪౩౭. (క) యో అనఞ్ఞాతఞ్ఞస్సామీతిన్ద్రియం భావేతి సో అఞ్ఞిన్ద్రియం భావేతీతి? నో.

(ఖ) యో వా పన అఞ్ఞిన్ద్రియం భావేతి సో అనఞ్ఞాతఞ్ఞస్సామీతిన్ద్రియం భావేతీతి? నో.

(క) యో అనఞ్ఞాతఞ్ఞస్సామీతిన్ద్రియం భావేతి సో అఞ్ఞాతావిన్ద్రియం సచ్ఛికరోతీతి? నో.

(ఖ) యో వా పన అఞ్ఞాతావిన్ద్రియం సచ్ఛికరోతి సో అనఞ్ఞాతఞ్ఞస్సామీతిన్ద్రియం భావేతీతి? నో. (అనఞ్ఞాతఞ్ఞస్సామీతిన్ద్రియమూలకం)

౪౩౮. (క) యో అఞ్ఞిన్ద్రియం భావేతి సో అఞ్ఞాతావిన్ద్రియం సచ్ఛికరోతీతి? నో.

(ఖ) యో వా పన అఞ్ఞాతావిన్ద్రియం సచ్ఛికరోతి సో అఞ్ఞిన్ద్రియం భావేతీతి? నో. (అఞ్ఞిన్ద్రియమూలకం)

(ఖ) పచ్చనీకం

౪౩౯. (క) యో చక్ఖున్ద్రియం న పరిజానాతి సో దోమనస్సిన్ద్రియం నప్పజహతీతి?

అనాగామిమగ్గసమఙ్గీ చక్ఖున్ద్రియం న పరిజానాతి, నో చ దోమనస్సిన్ద్రియం నప్పజహతి. ద్వే మగ్గసమఙ్గినో ఠపేత్వా అవసేసా పుగ్గలా చక్ఖున్ద్రియఞ్చ న పరిజానన్తి దోమనస్సిన్ద్రియఞ్చ నప్పజహన్తి.

(ఖ) యో వా పన దోమనస్సిన్ద్రియం నప్పజహతి సో చక్ఖున్ద్రియం న పరిజానాతీతి?

అగ్గమగ్గసమఙ్గీ దోమనస్సిన్ద్రియం నప్పజహతి, నో చ చక్ఖున్ద్రియం న పరిజానాతి. ద్వే మగ్గసమఙ్గినో ఠపేత్వా అవసేసా పుగ్గలా దోమనస్సిన్ద్రియఞ్చ నప్పజహన్తి చక్ఖున్ద్రియఞ్చ న పరిజానన్తి.

(క) యో చక్ఖున్ద్రియం న పరిజానాతి సో అనఞ్ఞాతఞ్ఞస్సామీతిన్ద్రియం న భావేతీతి?

అట్ఠమకో చక్ఖున్ద్రియం న పరిజానాతి, నో చ అనఞ్ఞాతఞ్ఞస్సామీతిన్ద్రియం న భావేతి. ద్వే మగ్గసమఙ్గినో ఠపేత్వా అవసేసా పుగ్గలా చక్ఖున్ద్రియఞ్చ న పరిజానన్తి అనఞ్ఞాతఞ్ఞస్సామీతిన్ద్రియఞ్చ న భావేన్తి.

(ఖ) యో వా పన అనఞ్ఞాతఞ్ఞస్సామీతిన్ద్రియం న భావేతి సో చక్ఖున్ద్రియం న పరిజానాతీతి?

అగ్గమగ్గసమఙ్గీ అనఞ్ఞాతఞ్ఞస్సామీతిన్ద్రియం న భావేతి, నో చ చక్ఖున్ద్రియం న పరిజానాతి. ద్వే మగ్గసమఙ్గినో ఠపేత్వా అవసేసా పుగ్గలా అనఞ్ఞాతఞ్ఞస్సామీతిన్ద్రియఞ్చ న భావేన్తి చక్ఖున్ద్రియఞ్చ న పరిజానన్తి.

(క) యో చక్ఖున్ద్రియం న పరిజానాతి సో అఞ్ఞిన్ద్రియం న భావేతీతి?

ద్వే పుగ్గలా చక్ఖున్ద్రియం న పరిజానన్తి, నో చ అఞ్ఞిన్ద్రియం న భావేన్తి. తయో మగ్గసమఙ్గినో ఠపేత్వా అవసేసా పుగ్గలా చక్ఖున్ద్రియఞ్చ న పరిజానన్తి అఞ్ఞిన్ద్రియఞ్చ న భావేన్తి.

(ఖ) యో వా పన అఞ్ఞిన్ద్రియం న భావేతి సో చక్ఖున్ద్రియం న పరిజానాతీతి? ఆమన్తా.

(క) యో చక్ఖున్ద్రియం న పరిజానాతి సో అఞ్ఞాతావిన్ద్రియం న సచ్ఛికరోతీతి?

యో అగ్గఫలం సచ్ఛికరోతి సో చక్ఖున్ద్రియం న పరిజానాతి, నో చ అఞ్ఞాతావిన్ద్రియం న సచ్ఛికరోతి. అగ్గమగ్గసమఙ్గిఞ్చ అరహన్తఞ్చ ఠపేత్వా అవసేసా పుగ్గలా చక్ఖున్ద్రియఞ్చ న పరిజానన్తి అఞ్ఞాతావిన్ద్రియఞ్చ న సచ్ఛికరోన్తి.

(ఖ) యో వా పన అఞ్ఞాతావిన్ద్రియం న సచ్ఛికరోతి సో చక్ఖున్ద్రియం న పరిజానాతీతి?

అగ్గమగ్గసమఙ్గీ అఞ్ఞాతావిన్ద్రియం న సచ్ఛికరోతి, నో చ చక్ఖున్ద్రియం న పరిజానాతి. అగ్గమగ్గసమఙ్గిఞ్చ అరహన్తఞ్చ ఠపేత్వా అవసేసా పుగ్గలా అఞ్ఞాతావిన్ద్రియఞ్చ న సచ్ఛికరోన్తి చక్ఖున్ద్రియఞ్చ న పరిజానన్తి. (చక్ఖున్ద్రియమూలకం)

౪౪౦. (క) యో దోమనస్సిన్ద్రియం నప్పజహతి సో అనఞ్ఞాతఞ్ఞస్సామీతిన్ద్రియం న భావేతీతి?

అట్ఠమకో దోమనస్సిన్ద్రియం నప్పజహతి, నో చ అనఞ్ఞాతఞ్ఞస్సామీతిన్ద్రియం న భావేతి. ద్వే మగ్గసమఙ్గినో ఠపేత్వా అవసేసా పుగ్గలా దోమనస్సిన్ద్రియఞ్చ నప్పజహన్తి అనఞ్ఞాతఞ్ఞస్సామీతిన్ద్రియఞ్చ న భావేన్తి.

(ఖ) యో వా పన అనఞ్ఞాతఞ్ఞస్సామీతిన్ద్రియం న భావేతి సో దోమనస్సిన్ద్రియం నప్పజహతీతి?

అనాగామిమగ్గసమఙ్గీ అనఞ్ఞాతఞ్ఞస్సామీతిన్ద్రియం న భావేతి, నో చ దోమనస్సిన్ద్రియం నప్పజహతి. ద్వే మగ్గసమఙ్గినో ఠపేత్వా అవసేసా పుగ్గలా అనఞ్ఞాతఞ్ఞస్సామీతిన్ద్రియఞ్చ న భావేన్తి దోమనస్సిన్ద్రియఞ్చ నప్పజహన్తి.

(క) యో దోమనస్సిన్ద్రియం నప్పజహతి సో అఞ్ఞిన్ద్రియం న భావేతీతి?

ద్వే పుగ్గలా దోమనస్సిన్ద్రియం నప్పజహన్తి, నో చ అఞ్ఞిన్ద్రియం న భావేన్తి. తయో మగ్గసమఙ్గినో ఠపేత్వా అవసేసా పుగ్గలా దోమనస్సిన్ద్రియఞ్చ నప్పజహన్తి అఞ్ఞిన్ద్రియఞ్చ న భావేన్తి.

(ఖ) యో వా పన అఞ్ఞిన్ద్రియం న భావేతి సో దోమనస్సిన్ద్రియం నప్పజహతీతి? ఆమన్తా.

(క) యో దోమనస్సిన్ద్రియం నప్పజహతి సో అఞ్ఞాతావిన్ద్రియం న సచ్ఛికరోతీతి?

యో అగ్గఫలం సచ్ఛికరోతి సో దోమనస్సిన్ద్రియం నప్పజహతి, నో చ అఞ్ఞాతావిన్ద్రియం న సచ్ఛికరోతి. అనాగామిమగ్గసమఙ్గిఞ్చ అరహన్తఞ్చ ఠపేత్వా అవసేసా పుగ్గలా దోమనస్సిన్ద్రియఞ్చ నప్పజహన్తి అఞ్ఞాతావిన్ద్రియఞ్చ న సచ్ఛికరోన్తి.

(ఖ) యో వా పన అఞ్ఞాతావిన్ద్రియం న సచ్ఛికరోతి సో దోమనస్సిన్ద్రియం నప్పజహతీతి?

అనాగామిమగ్గసమఙ్గీ అఞ్ఞాతావిన్ద్రియం న సచ్ఛికరోతి, నో చ దోమనస్సిన్ద్రియం నప్పజహతి. అనాగామిమగ్గసమఙ్గిఞ్చ అరహన్తఞ్చ ఠపేత్వా అవసేసా పుగ్గలా అఞ్ఞాతావిన్ద్రియఞ్చ న సచ్ఛికరోన్తి దోమనస్సిన్ద్రియఞ్చ నప్పజహన్తి. (దోమనస్సిన్ద్రియమూలకం)

౪౪౧. (క) యో అనఞ్ఞాతఞ్ఞస్సామీతిన్ద్రియం న భావేతి సో అఞ్ఞిన్ద్రియం న భావేతీతి?

తయో మగ్గసమఙ్గినో [తయో పుగ్గలా (పీ.)] అనఞ్ఞాతఞ్ఞస్సామీతిన్ద్రియం న భావేన్తి, నో చ అఞ్ఞిన్ద్రియం న భావేన్తి. చత్తారో మగ్గసమఙ్గినో [అట్ఠమకఞ్చ తయో మగ్గసమఙ్గినో చ (పీ.)] ఠపేత్వా అవసేసా పుగ్గలా అనఞ్ఞాతఞ్ఞస్సామీతిన్ద్రియఞ్చ న భావేన్తి అఞ్ఞిన్ద్రియఞ్చ న భావేన్తి.

(ఖ) యో వా పన అఞ్ఞిన్ద్రియం న భావేతి సో అనఞ్ఞాతఞ్ఞస్సామీతిన్ద్రియం న భావేతీతి?

అట్ఠమకో అఞ్ఞిన్ద్రియం న భావేతి, నో చ అనఞ్ఞాతఞ్ఞస్సామీతిన్ద్రియం న భావేతి. చత్తారో మగ్గసమఙ్గినో ఠపేత్వా అవసేసా పుగ్గలా అఞ్ఞిన్ద్రియఞ్చ న భావేన్తి అనఞ్ఞాతఞ్ఞస్సామీతిన్ద్రియఞ్చ న భావేన్తి.

(క) యో అనఞ్ఞాతఞ్ఞస్సామీతిన్ద్రియం న భావేతి సో అఞ్ఞాతావిన్ద్రియం న సచ్ఛికరోతీతి?

యో అగ్గఫలం సచ్ఛికరోతి సో అనఞ్ఞాతఞ్ఞస్సామీతిన్ద్రియం న భావేతి, నో చ అఞ్ఞాతావిన్ద్రియం న సచ్ఛికరోతి. అట్ఠమకఞ్చ అరహన్తఞ్చ ఠపేత్వా అవసేసా పుగ్గలా అనఞ్ఞాతఞ్ఞస్సామీతిన్ద్రియఞ్చ న భావేన్తి అఞ్ఞాతావిన్ద్రియఞ్చ న సచ్ఛికరోన్తి.

(ఖ) యో వా పన అఞ్ఞాతావిన్ద్రియం న సచ్ఛికరోతి సో అనఞ్ఞాతఞ్ఞస్సామీతిన్ద్రియం న భావేతీతి?

అట్ఠమకో అఞ్ఞాతావిన్ద్రియం న సచ్ఛికరోతి, నో చ అనఞ్ఞాతఞ్ఞస్సామీతిన్ద్రియం న భావేతి. అట్ఠమకఞ్చ అరహన్తఞ్చ ఠపేత్వా అవసేసా పుగ్గలా అఞ్ఞాతావిన్ద్రియఞ్చ న సచ్ఛికరోన్తి అనఞ్ఞాతఞ్ఞస్సామీతిన్ద్రియఞ్చ న భావేన్తి. (అనఞ్ఞాతఞ్ఞస్సామీతిన్ద్రియమూలకం)

౪౪౨. (క) యో అఞ్ఞిన్ద్రియం న భావేతి సో అఞ్ఞాతావిన్ద్రియం న సచ్ఛికరోతీతి?

యో అగ్గఫలం సచ్ఛికరోతి సో అఞ్ఞిన్ద్రియం న భావేతి, నో చ అఞ్ఞాతావిన్ద్రియం న సచ్ఛికరోతి. తయో మగ్గసమఙ్గినో చ అరహన్తఞ్చ ఠపేత్వా అవసేసా పుగ్గలా అఞ్ఞిన్ద్రియఞ్చ న భావేన్తి అఞ్ఞాతావిన్ద్రియఞ్చ న సచ్ఛికరోన్తి.

(ఖ) యో వా పన అఞ్ఞాతావిన్ద్రియం న సచ్ఛికరోతి సో అఞ్ఞిన్ద్రియం న భావేతీతి?

తయో మగ్గసమఙ్గినో అఞ్ఞాతావిన్ద్రియం న సచ్ఛికరోన్తి, నో చ అఞ్ఞిన్ద్రియం న భావేన్తి. తయో మగ్గసమఙ్గినో చ అరహన్తఞ్చ ఠపేత్వా అవసేసా పుగ్గలా అఞ్ఞాతావిన్ద్రియఞ్చ న సచ్ఛికరోన్తి అఞ్ఞిన్ద్రియఞ్చ న భావేన్తి. (అఞ్ఞిన్ద్రియమూలకం)