(౫) నిరోధవారో

౬౯. (క) యస్స చిత్తం నిరుజ్ఝతి తస్స చిత్తం నిరుజ్ఝిత్థాతి? ఆమన్తా.

(ఖ) యస్స వా పన చిత్తం నిరుజ్ఝిత్థ తస్స చిత్తం నిరుజ్ఝతీతి?

చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం చిత్తం నిరుజ్ఝిత్థ, నో చ తేసం చిత్తం నిరుజ్ఝతి. చిత్తస్స భఙ్గక్ఖణే తేసం చిత్తం నిరుజ్ఝిత్థ చేవ నిరుజ్ఝతి చ.

(క) యస్స చిత్తం న నిరుజ్ఝతి తస్స చిత్తం న నిరుజ్ఝిత్థాతి? నిరుజ్ఝిత్థ.

(ఖ) యస్స వా పన చిత్తం న నిరుజ్ఝిత్థ తస్స చిత్తం న నిరుజ్ఝతీతి? నత్థి.

౭౦. (క) యస్స చిత్తం నిరుజ్ఝతి తస్స చిత్తం నిరుజ్ఝిస్సతీతి?

పచ్ఛిమచిత్తస్స భఙ్గక్ఖణే తేసం చిత్తం నిరుజ్ఝతి, నో చ తేసం చిత్తం నిరుజ్ఝిస్సతి. ఇతరేసం చిత్తస్స భఙ్గక్ఖణే తేసం చిత్తం నిరుజ్ఝతి చేవ నిరుజ్ఝిస్సతి చ.

(ఖ) యస్స వా పన చిత్తం నిరుజ్ఝిస్సతి తస్స చిత్తం నిరుజ్ఝతీతి?

చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం చిత్తం నిరుజ్ఝిస్సతి, నో చ తేసం చిత్తం నిరుజ్ఝతి. చిత్తస్స భఙ్గక్ఖణే తేసం చిత్తం నిరుజ్ఝిస్సతి చేవ నిరుజ్ఝతి చ.

(క) యస్స చిత్తం న నిరుజ్ఝతి తస్స చిత్తం న నిరుజ్ఝిస్సతీతి? నిరుజ్ఝిస్సతి.

(ఖ) యస్స వా పన చిత్తం న నిరుజ్ఝిస్సతి తస్స చిత్తం న నిరుజ్ఝతీతి? నిరుజ్ఝతి.

౭౧. (క) యస్స చిత్తం నిరుజ్ఝిత్థ తస్స చిత్తం నిరుజ్ఝిస్సతీతి?

పచ్ఛిమచిత్తస్స భఙ్గక్ఖణే తేసం చిత్తం నిరుజ్ఝిత్థ, నో చ తేసం చిత్తం నిరుజ్ఝిస్సతి. ఇతరేసం తేసం చిత్తం నిరుజ్ఝిత్థ చేవ నిరుజ్ఝిస్సతి చ.

(ఖ) యస్స వా పన చిత్తం నిరుజ్ఝిస్సతి తస్స చిత్తం నిరుజ్ఝిత్థాతి? ఆమన్తా.

(క) యస్స చిత్తం న నిరుజ్ఝిత్థ తస్స చిత్తం న నిరుజ్ఝిస్సతీతి? నత్థి.

(ఖ) యస్స వా పన చిత్తం న నిరుజ్ఝిస్సతి తస్స చిత్తం న నిరుజ్ఝిత్థాతి? నిరుజ్ఝిత్థ.