౮. చిత్తయమకం
(క) ఉద్దేసో
౧. సుద్ధచిత్తసామఞ్ఞం
౧. పుగ్గలవారో
(౧) ఉప్పాదనిరోధకాలసమ్భేదవారో
౧. (క) యస్స చిత్తం ఉప్పజ్జతి న నిరుజ్ఝతి తస్స చిత్తం నిరుజ్ఝిస్సతి న ఉప్పజ్జిస్సతి?
(ఖ) యస్స వా పన చిత్తం నిరుజ్ఝిస్సతి న ఉప్పజ్జిస్సతి తస్స చిత్తం ఉప్పజ్జతి న నిరుజ్ఝతి?
(క) యస్స చిత్తం న ఉప్పజ్జతి నిరుజ్ఝతి తస్స చిత్తం న నిరుజ్ఝిస్సతి ఉప్పజ్జిస్సతి?
(ఖ) యస్స వా పన చిత్తం న నిరుజ్ఝిస్సతి ఉప్పజ్జిస్సతి తస్స చిత్తం న ఉప్పజ్జతి నిరుజ్ఝతి?
(౨) ఉప్పాదుప్పన్నవారో
౨. (క) యస్స చిత్తం ఉప్పజ్జతి తస్స చిత్తం ఉప్పన్నం?
(ఖ) యస్స వా పన చిత్తం ఉప్పన్నం తస్స చిత్తం ఉప్పజ్జతి?
(క) యస్స చిత్తం న ఉప్పజ్జతి తస్స చిత్తం న ఉప్పన్నం?
(ఖ) యస్స వా పన చిత్తం న ఉప్పన్నం తస్స చిత్తం న ఉప్పజ్జతి?
(౩) నిరోధుప్పన్నవారో
౩. (క) యస్స చిత్తం నిరుజ్ఝతి తస్స చిత్తం ఉప్పన్నం?
(ఖ) యస్స వా పన చిత్తం ఉప్పన్నం తస్స చిత్తం నిరుజ్ఝతి?
(క) యస్స చిత్తం న నిరుజ్ఝతి తస్స చిత్తం న ఉప్పన్నం?
(ఖ) యస్స వా పన చిత్తం న ఉప్పన్నం తస్స చిత్తం న నిరుజ్ఝతి?
(౪) ఉప్పాదవారో
౪. (క) యస్స చిత్తం ఉప్పజ్జతి తస్స చిత్తం ఉప్పజ్జిత్థ?
(ఖ) యస్స వా పన చిత్తం ఉప్పజ్జిత్థ తస్స చిత్తం ఉప్పజ్జతి?
(క) యస్స చిత్తం న ఉప్పజ్జతి తస్స చిత్తం న ఉప్పజ్జిత్థ?
(ఖ) యస్స వా పన చిత్తం న ఉప్పజ్జిత్థ తస్స చిత్తం న ఉప్పజ్జతి?
౫. (క) యస్స చిత్తం ఉప్పజ్జతి తస్స చిత్తం ఉప్పజ్జిస్సతి?
(ఖ) యస్స వా పన చిత్తం ఉప్పజ్జిస్సతి తస్స చిత్తం ఉప్పజ్జతి?
(క) యస్స చిత్తం న ఉప్పజ్జతి తస్స చిత్తం న ఉప్పజ్జిస్సతి?
(ఖ) యస్స వా పన చిత్తం న ఉప్పజ్జిస్సతి తస్స చిత్తం న ఉప్పజ్జతి?
౬. (క) యస్స చిత్తం ఉప్పజ్జిత్థ తస్స చిత్తం ఉప్పజ్జిస్సతి?
(ఖ) యస్స వా పన చిత్తం ఉప్పజ్జిస్సతి తస్స చిత్తం ఉప్పజ్జిత్థ?
(క) యస్స చిత్తం న ఉప్పజ్జిత్థ తస్స చిత్తం న ఉప్పజ్జిస్సతి?
(ఖ) యస్స వా పన చిత్తం న ఉప్పజ్జిస్సతి తస్స చిత్తం న ఉప్పజ్జిత్థ?
(౫) నిరోధవారో
౭. (క) యస్స చిత్తం నిరుజ్ఝతి తస్స చిత్తం నిరుజ్ఝిత్థ?
(ఖ) యస్స వా పన చిత్తం నిరుజ్ఝిత్థ తస్స చిత్తం నిరుజ్ఝతి?
(క) యస్స చిత్తం న నిరుజ్ఝతి తస్స చిత్తం న నిరుజ్ఝిత్థ?
(ఖ) యస్స వా పన చిత్తం న నిరుజ్ఝిత్థ తస్స చిత్తం న నిరుజ్ఝతి?
౮. (క) యస్స చిత్తం నిరుజ్ఝతి తస్స చిత్తం నిరుజ్ఝిస్సతి?
(ఖ) యస్స వా పన చిత్తం నిరుజ్ఝిస్సతి తస్స చిత్తం నిరుజ్ఝతి?
(క) యస్స చిత్తం న నిరుజ్ఝతి తస్స చిత్తం న నిరుజ్ఝిస్సతి?
(ఖ) యస్స వా పన చిత్తం న నిరుజ్ఝిస్సతి తస్స చిత్తం న నిరుజ్ఝతి?
౯. (క) యస్స చిత్తం నిరుజ్ఝిత్థ తస్స చిత్తం నిరుజ్ఝిస్సతి?
(ఖ) యస్స వా పన చిత్తం నిరుజ్ఝిస్సతి తస్స చిత్తం నిరుజ్ఝిత్థ?
(క) యస్స చిత్తం న నిరుజ్ఝిత్థ తస్స చిత్తం న నిరుజ్ఝిస్సతి?
(ఖ) యస్స వా పన చిత్తం న నిరుజ్ఝిస్సతి తస్స చిత్తం న నిరుజ్ఝిత్థ?
(౬) ఉప్పాదనిరోధవారో
౧౦. (క) యస్స చిత్తం ఉప్పజ్జతి తస్స చిత్తం నిరుజ్ఝిత్థ?
(ఖ) యస్స వా పన చిత్తం నిరుజ్ఝిత్థ తస్స చిత్తం ఉప్పజ్జతి?
(క) యస్స చిత్తం న ఉప్పజ్జతి తస్స చిత్తం న నిరుజ్ఝిత్థ?
(ఖ) యస్స వా పన చిత్తం న నిరుజ్ఝిత్థ తస్స చిత్తం న ఉప్పజ్జతి?
౧౧. (క) యస్స చిత్తం ఉప్పజ్జతి తస్స చిత్తం నిరుజ్ఝిస్సతి?
(ఖ) యస్స వా పన చిత్తం నిరుజ్ఝిస్సతి తస్స చిత్తం ఉప్పజ్జతి?
(క) యస్స చిత్తం న ఉప్పజ్జతి తస్స చిత్తం న నిరుజ్ఝిస్సతి?
(ఖ) యస్స వా పన చిత్తం న నిరుజ్ఝిస్సతి తస్స చిత్తం న ఉప్పజ్జతి?
౧౨. (క) యస్స చిత్తం ఉప్పజ్జిత్థ తస్స చిత్తం నిరుజ్ఝిస్సతి?
(ఖ) యస్స వా పన చిత్తం నిరుజ్ఝిస్సతి తస్స చిత్తం ఉప్పజ్జిత్థ?
(క) యస్స చిత్తం న ఉప్పజ్జిత్థ తస్స చిత్తం న నిరుజ్ఝిస్సతి?
(ఖ) యస్స వా పన చిత్తం న నిరుజ్ఝిస్సతి తస్స చిత్తం న ఉప్పజ్జిత్థ?
(౭) ఉప్పజ్జమాన-ననిరోధవారో
౧౩. (క) యస్స చిత్తం ఉప్పజ్జతి తస్స చిత్తం న నిరుజ్ఝతి?
(ఖ) యస్స వా పన చిత్తం న నిరుజ్ఝతి తస్స చిత్తం ఉప్పజ్జతి?
(క) యస్స చిత్తం న ఉప్పజ్జతి తస్స చిత్తం నిరుజ్ఝతి?
(ఖ) యస్స వా పన చిత్తం నిరుజ్ఝతి తస్స చిత్తం న ఉప్పజ్జతి?
(౮) ఉప్పజ్జమానుప్పన్నవారో
౧౪. (క) యస్స చిత్తం ఉప్పజ్జమానం తస్స చిత్తం ఉప్పన్నం?
(ఖ) యస్స వా పన చిత్తం ఉప్పన్నం తస్స చిత్తం ఉప్పజ్జమానం?
(క) యస్స చిత్తం న ఉప్పజ్జమానం తస్స చిత్తం న ఉప్పన్నం?
(ఖ) యస్స వా పన చిత్తం న ఉప్పన్నం తస్స చిత్తం న ఉప్పజ్జమానం?
(౯) నిరుజ్ఝమానుప్పన్నవారో
౧౫. (క) యస్స చిత్తం నిరుజ్ఝమానం తస్స చిత్తం ఉప్పన్నం?
(ఖ) యస్స వా పన చిత్తం ఉప్పన్నం తస్స చిత్తం నిరుజ్ఝమానం?
(క) యస్స చిత్తం న నిరుజ్ఝమానం తస్స చిత్తం న ఉప్పన్నం?
(ఖ) యస్స వా పన చిత్తం న ఉప్పన్నం తస్స చిత్తం న నిరుజ్ఝమానం?
(౧౦) ఉప్పన్నుప్పాదవారో
౧౬. (క) యస్స చిత్తం ఉప్పన్నం తస్స చిత్తం ఉప్పజ్జిత్థ?
(ఖ) యస్స వా పన చిత్తం ఉప్పజ్జిత్థ తస్స చిత్తం ఉప్పన్నం?
(క) యస్స చిత్తం న ఉప్పన్నం తస్స చిత్తం న ఉప్పజ్జిత్థ?
(ఖ) యస్స వా పన చిత్తం న ఉప్పజ్జిత్థ తస్స చిత్తం న ఉప్పన్నం?
(క) యస్స చిత్తం ఉప్పన్నం తస్స చిత్తం ఉప్పజ్జిస్సతి?
(ఖ) యస్స వా పన చిత్తం ఉప్పజ్జిస్సతి తస్స చిత్తం ఉప్పన్నం?
(క) యస్స చిత్తం న ఉప్పన్నం తస్స చిత్తం న ఉప్పజ్జిస్సతి?
(ఖ) యస్స వా పన చిత్తం న ఉప్పజ్జిస్సతి తస్స చిత్తం న ఉప్పన్నం?
(౧౧) అతీతానాగతవారో
౧౭. (క) యస్స చిత్తం ఉప్పజ్జిత్థ నో చ తస్స చిత్తం ఉప్పన్నం, తస్స చిత్తం ఉప్పజ్జిస్సతి?
(ఖ) యస్స వా పన చిత్తం ఉప్పజ్జిస్సతి నో చ తస్స చిత్తం ఉప్పన్నం, తస్స చిత్తం ఉప్పజ్జిత్థ?
(క) యస్స చిత్తం న ఉప్పజ్జిత్థ నో చ తస్స చిత్తం న ఉప్పన్నం, తస్స చిత్తం న ఉప్పజ్జిస్సతి?
(ఖ) యస్స వా పన చిత్తం న ఉప్పజ్జిస్సతి నో చ తస్స చిత్తం న ఉప్పన్నం, తస్స చిత్తం న ఉప్పజ్జిత్థ?
(౧౨) ఉప్పన్నుప్పజ్జమానవారో
౧౮. (క) ఉప్పన్నం ఉప్పజ్జమానం?
(ఖ) ఉప్పజ్జమానం ఉప్పన్నం?
(క) న ఉప్పన్నం న ఉప్పజ్జమానం?
(ఖ) న ఉప్పజ్జమానం న ఉప్పన్నం?
(౧౩) నిరుద్ధనిరుజ్ఝమానవారో
౧౯. (క) నిరుద్ధం నిరుజ్ఝమానం?
(ఖ) నిరుజ్ఝమానం నిరుద్ధం?
(క) న నిరుద్ధం న నిరుజ్ఝమానం?
(ఖ) న నిరుజ్ఝమానం న నిరుద్ధం?
(౧౪) అతిక్కన్తకాలవారో
౨౦. (క) యస్స చిత్తం ఉప్పజ్జమానం ఖణం ఖణం వీతిక్కన్తం అతిక్కన్తకాలం, నిరుజ్ఝమానం ఖణం ఖణం వీతిక్కన్తం అతిక్కన్తకాలం తస్స చిత్తం?
(ఖ) యస్స వా పన చిత్తం నిరుజ్ఝమానం ఖణం ఖణం వీతిక్కన్తం అతిక్కన్తకాలం, ఉప్పజ్జమానం ఖణం ఖణం వీతిక్కన్తం అతిక్కన్తకాలం తస్స చిత్తం?
(క) యస్స చిత్తం న ఉప్పజ్జమానం ఖణం ఖణం వీతిక్కన్తం అతిక్కన్తకాలం, న నిరుజ్ఝమానం ఖణం ఖణం వీతిక్కన్తం అతిక్కన్తకాలం తస్స చిత్తం?
(ఖ) యస్స వా పన చిత్తం న నిరుజ్ఝమానం ఖణం ఖణం వీతిక్కన్తం అతిక్కన్తకాలం, న ఉప్పజ్జమానం ఖణం ఖణం వీతిక్కన్తం అతిక్కన్తకాలం తస్స చిత్తం?
౧. సుద్ధచిత్తసామఞ్ఞం
౨. ధమ్మవారో
(౧) ఉప్పాదనిరోధకాలసమ్భేదవారో
౨౧. (క) యం చిత్తం ఉప్పజ్జతి న నిరుజ్ఝతి తం చిత్తం నిరుజ్ఝిస్సతి న ఉప్పజ్జిస్సతి?
(ఖ) యం వా పన చిత్తం నిరుజ్ఝిస్సతి న ఉప్పజ్జిస్సతి తం చిత్తం ఉప్పజ్జతి న నిరుజ్ఝతి?
(క) యం చిత్తం న ఉప్పజ్జతి నిరుజ్ఝతి తం చిత్తం న నిరుజ్ఝిస్సతి ఉప్పజ్జిస్సతి?
(ఖ) యం వా పన చిత్తం న నిరుజ్ఝిస్సతి ఉప్పజ్జిస్సతి తం చిత్తం న ఉప్పజ్జతి నిరుజ్ఝతి?
(౨) ఉప్పాదుప్పన్నవారో
౨౨. (క) యం చిత్తం ఉప్పజ్జతి తం చిత్తం ఉప్పన్నం?
(ఖ) యం వా పన చిత్తం ఉప్పన్నం తం చిత్తం ఉప్పజ్జతి?
(క) యం చిత్తం న ఉప్పజ్జతి తం చిత్తం న ఉప్పన్నం?
(ఖ) యం వా పన చిత్తం న ఉప్పన్నం తం చిత్తం న ఉప్పజ్జతి?
(౩) నిరోధుప్పన్నవారో
౨౩. (క) యం చిత్తం నిరుజ్ఝతి తం చిత్తం ఉప్పన్నం?
(ఖ) యం వా పన చిత్తం ఉప్పన్నం తం చిత్తం నిరుజ్ఝతి?
(క) యం చిత్తం న నిరుజ్ఝతి తం చిత్తం న ఉప్పన్నం?
(ఖ) యం వా పన చిత్తం న ఉప్పన్నం తం చిత్తం న నిరుజ్ఝతి?
(౪) ఉప్పాదవారో
౨౪. (క) యం చిత్తం ఉప్పజ్జతి తం చిత్తం ఉప్పజ్జిత్థ?
(ఖ) యం వా పన చిత్తం ఉప్పజ్జిత్థ తం చిత్తం ఉప్పజ్జతి?
(క) యం చిత్తం న ఉప్పజ్జతి తం చిత్తం న ఉప్పజ్జిత్థ?
(ఖ) యం వా పన చిత్తం న ఉప్పజ్జిత్థ తం చిత్తం న ఉప్పజ్జతి?
౨౫. (క) యం చిత్తం ఉప్పజ్జతి తం చిత్తం ఉప్పజ్జిస్సతి?
(ఖ) యం వా పన చిత్తం ఉప్పజ్జిస్సతి తం చిత్తం ఉప్పజ్జతి?
(క) యం చిత్తం న ఉప్పజ్జతి తం చిత్తం న ఉప్పజ్జిస్సతి?
(ఖ) యం వా పన చిత్తం న ఉప్పజ్జిస్సతి తం చిత్తం న ఉప్పజ్జతి?
౨౬. (క) యం చిత్తం ఉప్పజ్జిత్థ తం చిత్తం ఉప్పజ్జిస్సతి?
(ఖ) యం వా పన చిత్తం ఉప్పజ్జిస్సతి తం చిత్తం ఉప్పజ్జిత్థ?
(క) యం చిత్తం న ఉప్పజ్జిత్థ తం చిత్తం న ఉప్పజ్జిస్సతి?
(ఖ) యం వా పన చిత్తం న ఉప్పజ్జిస్సతి తం చిత్తం న ఉప్పజ్జిత్థ?
(౫) నిరోధవారో
౨౭. (క) యం చిత్తం నిరుజ్ఝతి తం చిత్తం నిరుజ్ఝిత్థ?
(ఖ) యం వా పన చిత్తం నిరుజ్ఝిత్థ తం చిత్తం నిరుజ్ఝతి?
(క) యం చిత్తం న నిరుజ్ఝతి తం చిత్తం న నిరుజ్ఝిత్థ?
(ఖ) యం వా పన చిత్తం న నిరుజ్ఝిత్థ తం చిత్తం న నిరుజ్ఝతి?
౨౮. (క) యం చిత్తం నిరుజ్ఝతి తం చిత్తం నిరుజ్ఝిస్సతి?
(ఖ) యం వా పన చిత్తం నిరుజ్ఝిస్సతి తం చిత్తం నిరుజ్ఝతి?
(క) యం చిత్తం న నిరుజ్ఝతి తం చిత్తం న నిరుజ్ఝిస్సతి?
(ఖ) యం వా పన చిత్తం న నిరుజ్ఝిస్సతి తం చిత్తం న నిరుజ్ఝతి?
౨౯. (క) యం చిత్తం నిరుజ్ఝిత్థ తం చిత్తం నిరుజ్ఝిస్సతి?
(ఖ) యం వా పన చిత్తం నిరుజ్ఝిస్సతి తం చిత్తం నిరుజ్ఝిత్థ?
(క) యం చిత్తం న నిరుజ్ఝిత్థ తం చిత్తం న నిరుజ్ఝిస్సతి?
(ఖ) యం వా పన చిత్తం న నిరుజ్ఝిస్సతి తం చిత్తం న నిరుజ్ఝిత్థ?
(౬) ఉప్పాదనిరోధవారో
౩౦. (క) యం చిత్తం ఉప్పజ్జతి తం చిత్తం నిరుజ్ఝిత్థ?
(ఖ) యం వా పన చిత్తం నిరుజ్ఝిత్థ తం చిత్తం ఉప్పజ్జతి?
(క) యం చిత్తం న ఉప్పజ్జతి తం చిత్తం న నిరుజ్ఝిత్థ?
(ఖ) యం వా పన చిత్తం న నిరుజ్ఝిత్థ తం చిత్తం న ఉప్పజ్జతి?