(౨) అతీతవారో
(క) అనులోమపుగ్గలో
౨౯. (క) యస్స కాయసఙ్ఖారో ఉప్పజ్జిత్థ తస్స వచీసఙ్ఖారో ఉప్పజ్జిత్థాతి? ఆమన్తా.
(ఖ) యస్స వా పన…పే…? ఆమన్తా.
(క) యస్స కాయసఙ్ఖారో ఉప్పజ్జిత్థ తస్స చిత్తసఙ్ఖారో ఉప్పజ్జిత్థాతి? ఆమన్తా.
(ఖ) యస్స వా పన…పే…? ఆమన్తా.
౩౦. (క) యస్స వచీసఙ్ఖారో ఉప్పజ్జిత్థ తస్స చిత్తసఙ్ఖారో ఉప్పజ్జిత్థాతి? ఆమన్తా.
(ఖ) యస్స వా పన…పే…? ఆమన్తా.
(ఖ) అనులోమఓకాసో
౩౧. యత్థ కాయసఙ్ఖారో ఉప్పజ్జిత్థ…పే…
(యత్థకమ్పి సబ్బత్థ ఏకసదిసం).
(గ) అనులోమపుగ్గలోకాసా
౩౨. (క) యస్స యత్థ కాయసఙ్ఖారో ఉప్పజ్జిత్థ తస్స తత్థ వచీసఙ్ఖారో ఉప్పజ్జిత్థాతి?
దుతియజ్ఝానం తతియజ్ఝానం సమాపన్నానం తేసం తత్థ కాయసఙ్ఖారో ఉప్పజ్జిత్థ, నో చ తేసం తత్థ వచీసఙ్ఖారో ఉప్పజ్జిత్థ. పఠమజ్ఝానం సమాపన్నానం కామావచరానం తేసం తత్థ కాయసఙ్ఖారో చ ఉప్పజ్జిత్థ వచీసఙ్ఖారో చ ఉప్పజ్జిత్థ.
(ఖ) యస్స వా పన యత్థ వచీసఙ్ఖారో ఉప్పజ్జిత్థ తస్స తత్థ కాయసఙ్ఖారో ఉప్పజ్జిత్థాతి?
రూపావచరానం అరూపావచరానం తేసం తత్థ వచీసఙ్ఖారో ఉప్పజ్జిత్థ, నో చ తేసం తత్థ కాయసఙ్ఖారో ఉప్పజ్జిత్థ. పఠమజ్ఝానం సమాపన్నానం కామావచరానం తేసం తత్థ వచీసఙ్ఖారో చ ఉప్పజ్జిత్థ కాయసఙ్ఖారో చ ఉప్పజ్జిత్థ.
(క) యస్స యత్థ కాయసఙ్ఖారో ఉప్పజ్జిత్థ తస్స తత్థ చిత్తసఙ్ఖారో ఉప్పజ్జిత్థాతి? ఆమన్తా.
(ఖ) యస్స వా పన యత్థ చిత్తసఙ్ఖారో ఉప్పజ్జిత్థ తస్స తత్థ కాయసఙ్ఖారో ఉప్పజ్జిత్థాతి?
చతుత్థజ్ఝానం సమాపన్నానం రూపావచరానం అరూపావచరానం తేసం తత్థ చిత్తసఙ్ఖారో ఉప్పజ్జిత్థ, నో చ తేసం తత్థ కాయసఙ్ఖారో ఉప్పజ్జిత్థ. పఠమజ్ఝానం దుతియజ్ఝానం తతియజ్ఝానం సమాపన్నానం కామావచరానం తేసం తత్థ చిత్తసఙ్ఖారో చ ఉప్పజ్జిత్థ కాయసఙ్ఖారో చ ఉప్పజ్జిత్థ.
౩౩. (క) యస్స యత్థ వచీసఙ్ఖారో ఉప్పజ్జిత్థ తస్స తత్థ చిత్తసఙ్ఖారో ఉప్పజ్జిత్థాతి? ఆమన్తా.
(ఖ) యస్స వా పన యత్థ చిత్తసఙ్ఖారో ఉప్పజ్జిత్థ తస్స తత్థ వచీసఙ్ఖారో ఉప్పజ్జిత్థాతి?
దుతియజ్ఝానం తతియజ్ఝానం చతుత్థజ్ఝానం సమాపన్నానం సుద్ధావాసానం దుతియే చిత్తే వత్తమానే తేసం తత్థ చిత్తసఙ్ఖారో ఉప్పజ్జిత్థ, నో చ తేసం తత్థ వచీసఙ్ఖారో ఉప్పజ్జిత్థ. పఠమజ్ఝానం సమాపన్నానం కామావచరానం ఇతరేసం రూపావచరానం అరూపావచరానం తేసం తత్థ చిత్తసఙ్ఖారో చ ఉప్పజ్జిత్థ వచీసఙ్ఖారో చ ఉప్పజ్జిత్థ.
(ఘ) పచ్చనీకపుగ్గలో
౩౪. (క) యస్స కాయసఙ్ఖారో నుప్పజ్జిత్థ తస్స వచీసఙ్ఖారో నుప్పజ్జిత్థాతి? నత్థి.
(ఖ) యస్స వా పన వచీసఙ్ఖారో నుప్పజ్జిత్థ తస్స కాయసఙ్ఖారో నుప్పజ్జిత్థాతి? నత్థి.
(క) యస్స కాయసఙ్ఖారో నుప్పజ్జిత్థ తస్స చిత్తసఙ్ఖారో నుప్పజ్జిత్థాతి? నత్థి.
(ఖ) యస్స వా పన…పే…? నత్థి.
౩౫. (క) యస్స వచీసఙ్ఖారో నుప్పజ్జిత్థ తస్స చిత్తసఙ్ఖారో నుప్పజ్జిత్థాతి? నత్థి.
(ఖ) యస్స వా పన…పే…? నత్థి.
(ఙ) పచ్చనీకఓకాసో
౩౬. యత్థ కాయసఙ్ఖారో నుప్పజ్జిత్థ…పే….
(చ) పచ్చనీకపుగ్గలోకాసా
౩౭. (క) యస్స యత్థ కాయసఙ్ఖారో నుప్పజ్జిత్థ తస్స తత్థ వచీసఙ్ఖారో నుప్పజ్జిత్థాతి?
రూపావచరానం అరూపావచరానం తేసం తత్థ కాయసఙ్ఖారో నుప్పజ్జిత్థ, నో చ తేసం తత్థ వచీసఙ్ఖారో నుప్పజ్జిత్థ. చతుత్థజ్ఝానం సమాపన్నానం సుద్ధావాసానం దుతియే చిత్తే వత్తమానే అసఞ్ఞసత్తానం తేసం తత్థ కాయసఙ్ఖారో చ నుప్పజ్జిత్థ వచీసఙ్ఖారో చ నుప్పజ్జిత్థ.
(ఖ) యస్స వా పన యత్థ వచీసఙ్ఖారో నుప్పజ్జిత్థ తస్స తత్థ కాయసఙ్ఖారో నుప్పజ్జిత్థాతి?
దుతియజ్ఝానం తతియజ్ఝానం సమాపన్నానం తేసం తత్థ వచీసఙ్ఖారో నుప్పజ్జిత్థ, నో చ తేసం తత్థ కాయసఙ్ఖారో నుప్పజ్జిత్థ. చతుత్థజ్ఝానం సమాపన్నానం సుద్ధావాసానం దుతియే చిత్తే వత్తమానే అసఞ్ఞసత్తానం తేసం తత్థ వచీసఙ్ఖారో చ నుప్పజ్జిత్థ కాయసఙ్ఖారో చ నుప్పజ్జిత్థ.
(క) యస్స యత్థ కాయసఙ్ఖారో నుప్పజ్జిత్థ తస్స తత్థ చిత్తసఙ్ఖారో నుప్పజ్జిత్థాతి?
చతుత్థజ్ఝానం సమాపన్నానం రూపావచరానం అరూపావచరానం తేసం తత్థ కాయసఙ్ఖారో నుప్పజ్జిత్థ, నో చ తేసం తత్థ చిత్తసఙ్ఖారో నుప్పజ్జిత్థ. సుద్ధావాసం ఉపపజ్జన్తానం అసఞ్ఞసత్తానం తేసం తత్థ కాయసఙ్ఖారో చ నుప్పజ్జిత్థ చిత్తసఙ్ఖారో చ నుప్పజ్జిత్థ.
(ఖ) యస్స వా పన యత్థ…పే…? ఆమన్తా.
౩౮. (క) యస్స యత్థ వచీసఙ్ఖారో నుప్పజ్జిత్థ తస్స తత్థ చిత్తసఙ్ఖారో నుప్పజ్జిత్థాతి?
దుతియజ్ఝానం తతియజ్ఝానం చతుత్థజ్ఝానం సమాపన్నానం సుద్ధావాసానం దుతియే చిత్తే వత్తమానే తేసం తత్థ వచీసఙ్ఖారో నుప్పజ్జిత్థ, నో చ తేసం తత్థ చిత్తసఙ్ఖారో నుప్పజ్జిత్థ. సుద్ధావాసం ఉపపజ్జన్తానం అసఞ్ఞసత్తానం తేసం తత్థ వచీసఙ్ఖారో చ నుప్పజ్జిత్థ చిత్తసఙ్ఖారో చ నుప్పజ్జిత్థ.
(ఖ) యస్స వా పన యత్థ…పే…? ఆమన్తా.