౫. పచ్చుప్పన్నానాగతవారో

౨౧౦. (క) యో రూపక్ఖన్ధం పరిజానాతి సో వేదనాక్ఖన్ధం పరిజానిస్సతీతి? నో.

(ఖ) యో వా పన వేదనాక్ఖన్ధం పరిజానిస్సతి సో రూపక్ఖన్ధం పరిజానాతీతి? నో.

(క) యో రూపక్ఖన్ధం న పరిజానాతి సో వేదనాక్ఖన్ధం న పరిజానిస్సతీతి?

యే మగ్గం పటిలభిస్సన్తి తే రూపక్ఖన్ధం న పరిజానన్తి, నో చ వేదనాక్ఖన్ధం న పరిజానిస్సన్తి. అరహా యే చ పుథుజ్జనా మగ్గం న పటిలభిస్సన్తి తే రూపక్ఖన్ధఞ్చ న పరిజానన్తి వేదనాక్ఖన్ధఞ్చ న పరిజానిస్సన్తి.

(ఖ) యో వా పన వేదనాక్ఖన్ధం న పరిజానిస్సతి సో రూపక్ఖన్ధం న పరిజానాతీతి?

అగ్గమగ్గసమఙ్గీ వేదనాక్ఖన్ధం న పరిజానిస్సతి, నో చ రూపక్ఖన్ధం న పరిజానాతి. అరహా యే చ పుథుజ్జనా మగ్గం న పటిలభిస్సన్తి తే వేదనాక్ఖన్ధఞ్చ న పరిజానిస్సన్తి రూపక్ఖన్ధఞ్చ న పరిజానన్తి.