౧. పచ్చయానులోమం

హేతుపచ్చయో

౪౩. మిచ్ఛత్తనియతం ధమ్మం పటిచ్చ నమిచ్ఛత్తనియతో ధమ్మో ఉప్పజ్జతి హేతుపచ్చయా. మిచ్ఛత్తనియతం ధమ్మం పటిచ్చ నసమ్మత్తనియతో ధమ్మో ఉప్పజ్జతి హేతుపచ్చయా. మిచ్ఛత్తనియతం ధమ్మం పటిచ్చ నఅనియతో ధమ్మో ఉప్పజ్జతి హేతుపచ్చయా. మిచ్ఛత్తనియతం ధమ్మం పటిచ్చ నసమ్మత్తనియతో చ నఅనియతో చ ధమ్మా ఉప్పజ్జన్తి హేతుపచ్చయా. మిచ్ఛత్తనియతం ధమ్మం పటిచ్చ నమిచ్ఛత్తనియతో చ నసమ్మత్తనియతో చ ధమ్మా ఉప్పజ్జన్తి హేతుపచ్చయా. (౫)

సమ్మత్తనియతం ధమ్మం పటిచ్చ నసమ్మత్తనియతో ధమ్మో ఉప్పజ్జతి హేతుపచ్చయా. సమ్మత్తనియతం ధమ్మం పటిచ్చ నమిచ్ఛత్తనియతో ధమ్మో ఉప్పజ్జతి హేతుపచ్చయా. సమ్మత్తనియతం ధమ్మం పటిచ్చ నఅనియతో ధమ్మో ఉప్పజ్జతి హేతుపచ్చయా. సమ్మత్తనియతం ధమ్మం పటిచ్చ నమిచ్ఛత్తనియతో చ నఅనియతో చ ధమ్మా ఉప్పజ్జన్తి హేతుపచ్చయా. సమ్మత్తనియతం ధమ్మం పటిచ్చ నమిచ్ఛత్తనియతో చ నసమ్మత్తనియతో చ ధమ్మా ఉప్పజ్జన్తి హేతుపచ్చయా. (౫)

అనియతం ధమ్మం పటిచ్చ నమిచ్ఛత్తనియతో ధమ్మో ఉప్పజ్జతి హేతుపచ్చయా… తీణి.

మిచ్ఛత్తనియతఞ్చ అనియతఞ్చ ధమ్మం పటిచ్చ నమిచ్ఛత్తనియతో ధమ్మో ఉప్పజ్జతి హేతుపచ్చయా… తీణి.

సమ్మత్తనియతఞ్చ అనియతఞ్చ ధమ్మం పటిచ్చ నమిచ్ఛత్తనియతో ధమ్మో ఉప్పజ్జతి హేతుపచ్చయా… తీణి. (సంఖిత్తం.)

హేతుయా ఏకూనవీస. (సబ్బత్థ విత్థారేతబ్బం.)