పచ్చయచతుక్కం

హేతు-ఆరమ్మణపచ్చయా

౮. కుసలో ధమ్మో నకుసలస్స ధమ్మస్స హేతుపచ్చయేన పచ్చయో. కుసలో ధమ్మో నఅకుసలస్స ధమ్మస్స హేతుపచ్చయేన పచ్చయో. కుసలో ధమ్మో నఅబ్యాకతస్స ధమ్మస్స హేతుపచ్చయేన పచ్చయో. కుసలో ధమ్మో నఅకుసలస్స చ నఅబ్యాకతస్స చ ధమ్మస్స హేతుపచ్చయేన పచ్చయో. కుసలో ధమ్మో నకుసలస్స చ నఅకుసలస్స చ ధమ్మస్స హేతుపచ్చయేన పచ్చయో. (౫)

౯. అకుసలో ధమ్మో నఅకుసలస్స ధమ్మస్స హేతుపచ్చయేన పచ్చయో. అకుసలో ధమ్మో నకుసలస్స ధమ్మస్స హేతుపచ్చయేన పచ్చయో. అకుసలో ధమ్మో నఅబ్యాకతస్స ధమ్మస్స హేతుపచ్చయేన పచ్చయో. అకుసలో ధమ్మో నకుసలస్స చ నఅబ్యాకతస్స చ ధమ్మస్స హేతుపచ్చయేన పచ్చయో. అకుసలో ధమ్మో నకుసలస్స చ నఅకుసలస్స చ ధమ్మస్స హేతుపచ్చయేన పచ్చయో. (౫)

అబ్యాకతో ధమ్మో నకుసలస్స ధమ్మస్స హేతుపచ్చయేన పచ్చయో. అబ్యాకతో ధమ్మో నఅకుసలస్స ధమ్మస్స హేతుపచ్చయేన పచ్చయో. అబ్యాకతో ధమ్మో నకుసలస్స చ నఅకుసలస్స చ ధమ్మస్స హేతుపచ్చయేన పచ్చయో. (౩)

౧౦. కుసలో ధమ్మో నకుసలస్స ధమ్మస్స ఆరమ్మణపచ్చయేన పచ్చయో…. (ఛ పఞ్హా.)

అకుసలో ధమ్మో నఅకుసలస్స ధమ్మస్స ఆరమ్మణపచ్చయేన పచ్చయో …. (ఛ పఞ్హా.)

అబ్యాకతో ధమ్మో నఅబ్యాకతస్స ధమ్మస్స ఆరమ్మణపచ్చయేన పచ్చయో…. (ఛ పఞ్హా, సంఖిత్తం.)

౧౧. హేతుయా తేరస, ఆరమ్మణే అట్ఠారస, అధిపతియా సత్తరస, అనన్తరే సోళస, సమనన్తరే సోళస, సహజాతే ఏకూనవీస, అఞ్ఞమఞ్ఞే నవ, నిస్సయే ఛబ్బీస, ఉపనిస్సయే అట్ఠారస, పురేజాతే ఛ, పచ్ఛాజాతే నవ, ఆసేవనే నవ, కమ్మే తేరస, విపాకే తీణి, ఆహారే తేరస…పే… మగ్గే తేరస, సమ్పయుత్తే నవ, విప్పయుత్తే ద్వాదస…పే… అవిగతే ఛబ్బీస. (పఞ్హావారం విత్థారేతబ్బం.)