౧. పచ్చయానులోమం

హేతుపచ్చయో

౩౫. పీతిసహగతం ధమ్మం పటిచ్చ నపీతిసహగతో ధమ్మో ఉప్పజ్జతి హేతుపచ్చయా. పీతిసహగతం ధమ్మం పటిచ్చ నసుఖసహగతో ధమ్మో ఉప్పజ్జతి హేతుపచ్చయా. పీతిసహగతం ధమ్మం పటిచ్చ నఉపేక్ఖాసహగతో ధమ్మో ఉప్పజ్జతి హేతుపచ్చయా. పీతిసహగతం ధమ్మం పటిచ్చ నపీతిసహగతో చ నఉపేక్ఖాసహగతో చ ధమ్మా ఉప్పజ్జన్తి హేతుపచ్చయా. పీతిసహగతం ధమ్మం పటిచ్చ నసుఖసహగతో చ నఉపేక్ఖాసహగతో చ ధమ్మా ఉప్పజ్జన్తి హేతుపచ్చయా. పీతిసహగతం ధమ్మం పటిచ్చ నపీతిసహగతో చ నసుఖసహగతో చ ధమ్మా ఉప్పజ్జన్తి హేతుపచ్చయా. పీతిసహగతం ధమ్మం పటిచ్చ నపీతిసహగతో చ నసుఖసహగతో చ నఉపేక్ఖాసహగతో చ ధమ్మా ఉప్పజ్జన్తి హేతుపచ్చయా. (౭)

సుఖసహగతం ధమ్మం పటిచ్చ నసుఖసహగతో ధమ్మో ఉప్పజ్జతి హేతుపచ్చయా…పే… సత్త.

ఉపేక్ఖాసహగతం ధమ్మం పటిచ్చ నఉపేక్ఖాసహగతో ధమ్మో ఉప్పజ్జతి హేతుపచ్చయా…పే… సత్త.

పీతిసహగతఞ్చ సుఖసహగతఞ్చ ధమ్మం పటిచ్చ నపీతిసహగతో ధమ్మో ఉప్పజ్జతి హేతుపచ్చయా…పే… సత్త. (సంఖిత్తం.)

హేతుయా అట్ఠవీస, ఆరమ్మణే చతువీస…పే… అవిగతే అట్ఠవీస.

(సహజాతవారమ్పి…పే… సమ్పయుత్తవారమ్పి పఞ్హావారమ్పి సబ్బత్థ విత్థారేతబ్బం).