౧. పచ్చయానులోమం

హేతుపచ్చయో

౩౩. సవితక్కసవిచారం ధమ్మం పటిచ్చ నసవితక్కసవిచారో ధమ్మో ఉప్పజ్జతి హేతుపచ్చయా. సవితక్కసవిచారం ధమ్మం పటిచ్చ నఅవితక్కవిచారమత్తో ధమ్మో ఉప్పజ్జతి హేతుపచ్చయా. సవితక్కసవిచారం ధమ్మం పటిచ్చ నఅవితక్కఅవిచారో ధమ్మో ఉప్పజ్జతి హేతుపచ్చయా. సవితక్కసవిచారం ధమ్మం పటిచ్చ నసవితక్కసవిచారో చ నఅవితక్కఅవిచారో చ ధమ్మా ఉప్పజ్జన్తి హేతుపచ్చయా. సవితక్కసవిచారం ధమ్మం పటిచ్చ నఅవితక్కవిచారమత్తో చ నఅవితక్కఅవిచారో చ ధమ్మా ఉప్పజ్జన్తి హేతుపచ్చయా. సవితక్కసవిచారం ధమ్మం పటిచ్చ నసవితక్కసవిచారో చ నఅవితక్కవిచారమత్తో చ ధమ్మా ఉప్పజ్జన్తి హేతుపచ్చయా. సవితక్కసవిచారం ధమ్మం పటిచ్చ నసవితక్కసవిచారో చ నఅవితక్కవిచారమత్తో చ నఅవితక్కఅవిచారో చ ధమ్మా ఉప్పజ్జన్తి హేతుపచ్చయా. (౭)

౩౪. అవితక్కవిచారమత్తం ధమ్మం పటిచ్చ నఅవితక్కవిచారమత్తో ధమ్మో ఉప్పజ్జతి హేతుపచ్చయా. అవితక్కవిచారమత్తం ధమ్మం పటిచ్చ నసవితక్కసవిచారో ధమ్మో ఉప్పజ్జతి హేతుపచ్చయా. అవితక్కవిచారమత్తం ధమ్మం పటిచ్చ నఅవితక్కఅవిచారో ధమ్మో ఉప్పజ్జతి హేతుపచ్చయా. అవితక్కవిచారమత్తం ధమ్మం పటిచ్చ నసవితక్కసవిచారో చ నఅవితక్కఅవిచారో చ ధమ్మా ఉప్పజ్జన్తి హేతుపచ్చయా. అవితక్కవిచారమత్తం ధమ్మం పటిచ్చ నఅవితక్కవిచారమత్తో చ నఅవితక్కఅవిచారో చ ధమ్మా ఉప్పజ్జన్తి హేతుపచ్చయా. అవితక్కవిచారమత్తం ధమ్మం పటిచ్చ నసవితక్కసవిచారో చ నఅవితక్కవిచారమత్తో చ ధమ్మా ఉప్పజ్జన్తి హేతుపచ్చయా. అవితక్కవిచారమత్తం ధమ్మం పటిచ్చ నసవితక్కసవిచారో చ నఅవితక్కవిచారమత్తో చ నఅవితక్కఅవిచారో చ ధమ్మా ఉప్పజ్జన్తి హేతుపచ్చయా. (౭)

అవితక్కఅవిచారం ధమ్మం పటిచ్చ నఅవితక్కఅవిచారో ధమ్మో ఉప్పజ్జతి హేతుపచ్చయా…పే… సత్త.

సవితక్కసవిచారఞ్చ అవితక్కఅవిచారఞ్చ ధమ్మం పటిచ్చ నసవితక్కసవిచారో ధమ్మో ఉప్పజ్జతి హేతుపచ్చయా…పే… సత్త.

అవితక్కవిచారమత్తఞ్చ అవితక్కఅవిచారఞ్చ ధమ్మం పటిచ్చ నసవితక్కసవిచారో ధమ్మో ఉప్పజ్జతి హేతుపచ్చయా…పే… సత్త.

సవితక్కసవిచారఞ్చ అవితక్కవిచారమత్తఞ్చ ధమ్మం పటిచ్చ నసవితక్కసవిచారో ధమ్మో ఉప్పజ్జతి హేతుపచ్చయా…పే… సత్త.

సవితక్కసవిచారఞ్చ అవితక్కవిచారమత్తఞ్చ అవితక్కఅవిచారఞ్చ ధమ్మం పటిచ్చ నసవితక్కసవిచారో ధమ్మో ఉప్పజ్జతి హేతుపచ్చయా…పే… సత్త. (సంఖిత్తం.)

హేతుయా ఏకూనపఞ్ఞాస, ఆరమ్మణే ఏకూనపఞ్ఞాస…పే… అవిగతే ఏకూనపఞ్ఞాస. (సహజాతవారమ్పి…పే… పఞ్హావారమ్పి విత్థారేతబ్బం.)