పచ్చయచతుక్కం

హేతుపచ్చయో

౧. కుసలం ధమ్మం పటిచ్చ నకుసలో ధమ్మో ఉప్పజ్జతి హేతుపచ్చయా – కుసలే ఖన్ధే పటిచ్చ చిత్తసముట్ఠానం రూపం. కుసలం ధమ్మం పటిచ్చ నఅకుసలో ధమ్మో ఉప్పజ్జతి హేతుపచ్చయా – కుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… కుసలం ధమ్మం పటిచ్చ నఅబ్యాకతో ధమ్మో ఉప్పజ్జతి హేతుపచ్చయా – కుసలం ఏకం ఖన్ధం పటిచ్చ తయో ఖన్ధా…పే… కుసలం ధమ్మం పటిచ్చ నఅకుసలో చ నఅబ్యాకతో చ ధమ్మా ఉప్పజ్జన్తి హేతుపచ్చయా – కుసలం ఏకం ఖన్ధం పటిచ్చ తయో ఖన్ధా…పే… కుసలం ధమ్మం పటిచ్చ నకుసలో చ నఅకుసలో చ ధమ్మా ఉప్పజ్జన్తి హేతుపచ్చయా – కుసలే ఖన్ధే పటిచ్చ చిత్తసముట్ఠానం రూపం. (౫)

౨. అకుసలం ధమ్మం పటిచ్చ నఅకుసలో ధమ్మో ఉప్పజ్జతి హేతుపచ్చయా – అకుసలే ఖన్ధే పటిచ్చ చిత్తసముట్ఠానం రూపం. అకుసలం ధమ్మం పటిచ్చ నకుసలో ధమ్మో ఉప్పజ్జతి హేతుపచ్చయా – అకుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… అకుసలం ధమ్మం పటిచ్చ నఅబ్యాకతో ధమ్మో ఉప్పజ్జతి హేతుపచ్చయా. అకుసలం ధమ్మం పటిచ్చ నకుసలో చ నఅబ్యాకతో చ ధమ్మా ఉప్పజ్జన్తి హేతుపచ్చయా. అకుసలం ధమ్మం పటిచ్చ నకుసలో చ నఅకుసలో చ ధమ్మా ఉప్పజ్జన్తి హేతుపచ్చయా. (౫)

౩. అబ్యాకతం ధమ్మం పటిచ్చ నకుసలో ధమ్మో ఉప్పజ్జతి హేతుపచ్చయా – విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… పటిసన్ధిక్ఖణే…పే… ఏకం మహాభూతం పటిచ్చ తయో మహాభూతా…పే… ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం. అబ్యాకతం ధమ్మం పటిచ్చ నఅకుసలో ధమ్మో ఉప్పజ్జతి హేతుపచ్చయా – విపాకాబ్యాకతం…పే… పటిసన్ధిక్ఖణే…పే… మహాభూతం…పే… అబ్యాకతం ధమ్మం పటిచ్చ నకుసలో చ నఅకుసలో చ ధమ్మా ఉప్పజ్జన్తి హేతుపచ్చయా – విపాకాబ్యాకతం కిరియాబ్యాకతం…పే…. (౩) (సంఖిత్తం.)

౪. కుసలఞ్చ అబ్యాకతఞ్చ ధమ్మం పటిచ్చ నకుసలో ధమ్మో ఉప్పజ్జతి హేతుపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. కుసలఞ్చ అబ్యాకతఞ్చ ధమ్మం పటిచ్చ నఅకుసలో ధమ్మో ఉప్పజ్జతి హేతుపచ్చయా. కుసలఞ్చ అబ్యాకతఞ్చ ధమ్మం పటిచ్చ నకుసలో చ నఅకుసలో చ ధమ్మా ఉప్పజ్జన్తి హేతుపచ్చయా. (౩)

అకుసలఞ్చ అబ్యాకతఞ్చ ధమ్మం పటిచ్చ నకుసలో ధమ్మో ఉప్పజ్జతి హేతుపచ్చయా. అకుసలఞ్చ అబ్యాకతఞ్చ ధమ్మం పటిచ్చ నఅకుసలో ధమ్మో ఉప్పజ్జతి హేతుపచ్చయా. అకుసలఞ్చ అబ్యాకతఞ్చ ధమ్మం పటిచ్చ నకుసలో చ నఅకుసలో చ ధమ్మా ఉప్పజ్జన్తి హేతుపచ్చయా. (౩) (చిత్తసముట్ఠానరూపమేవ ఏత్థ వత్తతి, ఏకూనవీసతి పఞ్హా కాతబ్బా.)

ఆరమ్మణపచ్చయో

౫. కుసలం ధమ్మం పటిచ్చ నఅకుసలో ధమ్మో ఉప్పజ్జతి ఆరమ్మణపచ్చయా. కుసలం ధమ్మం పటిచ్చ నఅబ్యాకతో ధమ్మో ఉప్పజ్జతి ఆరమ్మణపచ్చయా. కుసలం ధమ్మం పటిచ్చ నఅకుసలో చ నఅబ్యాకతో చ ధమ్మా ఉప్పజ్జన్తి ఆరమ్మణపచ్చయా. (౩)

అకుసలం ధమ్మం పటిచ్చ నకుసలో ధమ్మో ఉప్పజ్జతి ఆరమ్మణపచ్చయా. అకుసలం ధమ్మం పటిచ్చ నఅబ్యాకతో ధమ్మో ఉప్పజ్జతి ఆరమ్మణపచ్చయా. అకుసలం ధమ్మం పటిచ్చ నకుసలో చ నఅబ్యాకతో చ ధమ్మా ఉప్పజ్జన్తి ఆరమ్మణపచ్చయా. (౩)

అబ్యాకతం ధమ్మం పటిచ్చ నకుసలో ధమ్మో ఉప్పజ్జతి ఆరమ్మణపచ్చయా. అబ్యాకతం ధమ్మం పటిచ్చ నఅకుసలో ధమ్మో ఉప్పజ్జతి ఆరమ్మణపచ్చయా. అబ్యాకతం ధమ్మం పటిచ్చ నకుసలో చ నఅకుసలో చ ధమ్మా ఉప్పజ్జన్తి ఆరమ్మణపచ్చయా. (౩) (సంఖిత్తం.)

హేతుయా ఏకూనవీస, ఆరమ్మణే నవ, అధిపతియా ఏకూనవీస, అనన్తరే నవ, సమనన్తరే నవ, సహజాతే ఏకూనవీస…పే… అవిగతే ఏకూనవీస.