౧. పచ్చయానులోమం

హేతుపచ్చయో

౩౧. సంకిలిట్ఠసంకిలేసికం ధమ్మం పటిచ్చ నసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా. సంకిలిట్ఠసంకిలేసికం ధమ్మం పటిచ్చ నఅసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా. సంకిలిట్ఠసంకిలేసికం ధమ్మం పటిచ్చ నఅసంకిలిట్ఠఅసంకిలేసికో ధమ్మో ఉప్పజ్జతి హేతుపచ్చయా. సంకిలిట్ఠసంకిలేసికం ధమ్మం పటిచ్చ నసంకిలిట్ఠసంకిలేసికో చ నఅసంకిలిట్ఠఅసంకిలేసికో చ ధమ్మా ఉప్పజ్జన్తి హేతుపచ్చయా. సంకిలిట్ఠసంకిలేసికం ధమ్మం పటిచ్చ నఅసంకిలిట్ఠసంకిలేసికో చ నఅసంకిలిట్ఠఅసంకిలేసికో చ ధమ్మా ఉప్పజ్జన్తి హేతుపచ్చయా. (౫)

అసంకిలిట్ఠసంకిలేసికం ధమ్మం పటిచ్చ నసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా. అసంకిలిట్ఠసంకిలేసికం ధమ్మం పటిచ్చ నఅసంకిలిట్ఠఅసంకిలేసికో ధమ్మో ఉప్పజ్జతి హేతుపచ్చయా. అసంకిలిట్ఠసంకిలేసికం ధమ్మం పటిచ్చ నసంకిలిట్ఠసంకిలేసికో చ నఅసంకిలిట్ఠఅసంకిలేసికో చ ధమ్మా ఉప్పజ్జన్తి హేతుపచ్చయా. (౩)

అసంకిలిట్ఠఅసంకిలేసికం ధమ్మం పటిచ్చ నఅసంకిలిట్ఠఅసంకిలేసికో ధమ్మో ఉప్పజ్జతి హేతుపచ్చయా. అసంకిలిట్ఠఅసంకిలేసికం ధమ్మం పటిచ్చ నసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా. అసంకిలిట్ఠఅసంకిలేసికం ధమ్మం పటిచ్చ నఅసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా. అసంకిలిట్ఠఅసంకిలేసికం ధమ్మం పటిచ్చ నసంకిలిట్ఠసంకిలేసికో చ నఅసంకిలిట్ఠఅసంకిలేసికో చ ధమ్మా ఉప్పజ్జన్తి హేతుపచ్చయా. అసంకిలిట్ఠఅసంకిలేసికం ధమ్మం పటిచ్చ నసంకిలిట్ఠసంకిలేసికో చ నఅసంకిలిట్ఠసంకిలేసికో చ ధమ్మా ఉప్పజ్జన్తి హేతుపచ్చయా. (౫)

అసంకిలిట్ఠసంకిలేసికఞ్చ అసంకిలిట్ఠఅసంకిలేసికఞ్చ ధమ్మం పటిచ్చ నసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా… తీణి.

సంకిలిట్ఠసంకిలేసికఞ్చ అసంకిలిట్ఠసంకిలేసికఞ్చ ధమ్మం పటిచ్చ నసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా…పే… తీణి. (సంఖిత్తం.)

హేతుయా ఏకూనవీస, ఆరమ్మణే నవ…పే… అవిగతే ఏకూనవీస. (సహజాతవారమ్పి పచ్చయవారమ్పి నిస్సయవారమ్పి సంసట్ఠవారమ్పి సమ్పయుత్తవారమ్పి విత్థారేతబ్బం. పఞ్హావారే న సదిసం.)

౩౨. హేతుయా తేరస, ఆరమ్మణే పన్నరస, అధిపతియా పన్నరస, అనన్తరే సోళస…పే… పురేజాతే ఛ, పచ్ఛాజాతే నవ, ఆసేవనే అట్ఠ, కమ్మే తేరస, విపాకే అట్ఠ, ఆహారే తేరస…పే… మగ్గే తేరస, విప్పయుత్తే ద్వాదస…పే… అవిగతే ఛబ్బీస.