౧-౬. పటిచ్చవారాది

పచ్చయచతుక్కం

హేతుపచ్చయో

౨౬. ఉపాదిన్నుపాదానియం ధమ్మం పటిచ్చ నఉపాదిన్నుపాదానియో ధమ్మో ఉప్పజ్జతి హేతుపచ్చయా. ఉపాదిన్నుపాదానియం ధమ్మం పటిచ్చ నఅనుపాదిన్నుపాదానియో ధమ్మో ఉప్పజ్జతి హేతుపచ్చయా. ఉపాదిన్నుపాదానియం ధమ్మం పటిచ్చ నఅనుపాదిన్నఅనుపాదానియో ధమ్మో ఉప్పజ్జతి హేతుపచ్చయా. ఉపాదిన్నుపాదానియం ధమ్మం పటిచ్చ నఉపాదిన్నుపాదానియో చ నఅనుపాదిన్నఅనుపాదానియో చ ధమ్మా ఉప్పజ్జన్తి హేతుపచ్చయా. ఉపాదిన్నుపాదానియం ధమ్మం పటిచ్చ నఅనుపాదిన్నుపాదానియో చ నఅనుపాదిన్నఅనుపాదానియో చ ధమ్మా ఉప్పజ్జన్తి హేతుపచ్చయా. (౫)

అనుపాదిన్నుపాదానియం ధమ్మం పటిచ్చ నఉపాదిన్నుపాదానియో ధమ్మో ఉప్పజ్జతి హేతుపచ్చయా. అనుపాదిన్నుపాదానియం ధమ్మం పటిచ్చ నఅనుపాదిన్నఅనుపాదానియో ధమ్మో ఉప్పజ్జతి హేతుపచ్చయా. అనుపాదిన్నుపాదానియం ధమ్మం పటిచ్చ నఉపాదిన్నుపాదానియో చ నఅనుపాదిన్నఅనుపాదానియో చ ధమ్మా ఉప్పజ్జన్తి హేతుపచ్చయా. (౩)

అనుపాదిన్నఅనుపాదానియం ధమ్మం పటిచ్చ నఅనుపాదిన్నఅనుపాదానియో ధమ్మో ఉప్పజ్జతి హేతుపచ్చయా. అనుపాదిన్నఅనుపాదానియం ధమ్మం పటిచ్చ నఉపాదిన్నుపాదానియో ధమ్మో ఉప్పజ్జతి హేతుపచ్చయా. అనుపాదిన్నఅనుపాదానియం ధమ్మం పటిచ్చ నఅనుపాదిన్నుపాదానియో ధమ్మో ఉప్పజ్జతి హేతుపచ్చయా. అనుపాదిన్నఅనుపాదానియం ధమ్మం పటిచ్చ నఉపాదిన్నుపాదానియో చ నఅనుపాదిన్నఅనుపాదానియో చ ధమ్మా ఉప్పజ్జన్తి హేతుపచ్చయా. అనుపాదిన్నఅనుపాదానియం ధమ్మం పటిచ్చ నఉపాదిన్నుపాదానియో చ నఅనుపాదిన్నుపాదానియో చ ధమ్మా ఉప్పజ్జన్తి హేతుపచ్చయా. (౫)

అనుపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పటిచ్చ నఉపాదిన్నుపాదానియో ధమ్మో ఉప్పజ్జతి హేతుపచ్చయా. అనుపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పటిచ్చ నఅనుపాదిన్నఅనుపాదానియో ధమ్మో ఉప్పజ్జతి హేతుపచ్చయా. అనుపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పటిచ్చ నఉపాదిన్నుపాదానియో చ నఅనుపాదిన్నఅనుపాదానియో చ ధమ్మా ఉప్పజ్జన్తి హేతుపచ్చయా. (౩)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పటిచ్చ నఉపాదిన్నుపాదానియో ధమ్మో ఉప్పజ్జతి హేతుపచ్చయా. ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పటిచ్చ నఅనుపాదిన్నఅనుపాదానియో ధమ్మో ఉప్పజ్జతి హేతుపచ్చయా. ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పటిచ్చ నఉపాదిన్నుపాదానియో చ నఅనుపాదిన్నఅనుపాదానియో చ ధమ్మా ఉప్పజ్జన్తి హేతుపచ్చయా. (౩) (సంఖిత్తం.)

౨౭. హేతుయా ఏకూనవీస, ఆరమ్మణే నవ, అధిపతియా ఏకాదస…పే… సహజాతే ఏకూనవీస. (సహజాతవారమ్పి పచ్చయవారమ్పి నిస్సయవారమ్పి సంసట్ఠవారమ్పి సమ్పయుత్తవారమ్పి విత్థారేతబ్బం.)