౧౦౦-౮౩. సరణదుక-దస్సనాదిదుకాని

౫౪. నసరణం నదస్సనేన పహాతబ్బం ధమ్మం పటిచ్చ…పే… నసరణం ననదస్సనేన పహాతబ్బం ధమ్మం పటిచ్చ…పే… నసరణం నభావనాయ పహాతబ్బం ధమ్మం పటిచ్చ…పే… నసరణం ననభావనాయ పహాతబ్బం ధమ్మం పటిచ్చ …పే… నసరణం నదస్సనేన పహాతబ్బహేతుకం ధమ్మం పటిచ్చ …పే… నసరణం ననదస్సనేన పహాతబ్బహేతుకం ధమ్మం పటిచ్చ…పే… నసరణం నభావనాయ పహాతబ్బహేతుకం ధమ్మం పటిచ్చ….

నసరణం ననభావనాయ పహాతబ్బహేతుకం ధమ్మం పటిచ్చ….

౫౫. నసరణం నసవితక్కం ధమ్మం పటిచ్చ…పే… నసరణం నఅవితక్కం ధమ్మం పటిచ్చ…పే… నసరణం నసవిచారం ధమ్మం పటిచ్చ….

నసరణం నఅవిచారం ధమ్మం పటిచ్చ….

౫౬. నసరణం నసప్పీతికం ధమ్మం పటిచ్చ…పే… నసరణం నఅప్పీతికం ధమ్మం పటిచ్చ…పే… నసరణం నపీతిసహగతం ధమ్మం పటిచ్చ…పే… నసరణం ననపీతిసహగతం ధమ్మం పటిచ్చ…పే… నసరణం నసుఖసహగతం ధమ్మం పటిచ్చ…పే… నసరణం ననసుఖసహగతం ధమ్మం పటిచ్చ…పే… నసరణం నఉపేక్ఖాసహగతం ధమ్మం పటిచ్చ….

౫౭. నసరణం ననఉపేక్ఖాసహగతం ధమ్మం పటిచ్చ….

నసరణం నకామావచరం ధమ్మం పటిచ్చ….

నసరణం ననకామావచరం ధమ్మం పటిచ్చ….

౫౮. నసరణం నరూపావచరం ధమ్మం పటిచ్చ…పే… నసరణం ననరూపావచరం ధమ్మం పటిచ్చ…పే… నసరణం నఅరూపావచరం ధమ్మం పటిచ్చ….

నసరణం ననఅరూపావచరం ధమ్మం పటిచ్చ….

నసరణం నపరియాపన్నం ధమ్మం పటిచ్చ….

నసరణం నఅపరియాపన్నం ధమ్మం పటిచ్చ….

౫౯. నసరణం ననియ్యానికం ధమ్మం పటిచ్చ….

నసరణం నఅనియ్యానికం ధమ్మం పటిచ్చ….

నసరణం ననియతం ధమ్మం పటిచ్చ….

నసరణం నఅనియతం ధమ్మం పటిచ్చ….

౬౦. నసరణం నసఉత్తరం ధమ్మం పటిచ్చ నసరణో నసఉత్తరో ధమ్మో ఉప్పజ్జతి హేతుపచ్చయా.

నసరణం నఅనుత్తరం ధమ్మం పటిచ్చ నసరణో నఅనుత్తరో ధమ్మో ఉప్పజ్జతి హేతుపచ్చయా. (౧)

నఅరణం నఅనుత్తరం ధమ్మం పటిచ్చ నఅరణో నఅనుత్తరో ధమ్మో ఉప్పజ్జతి హేతుపచ్చయా. నఅరణం నఅనుత్తరం ధమ్మం పటిచ్చ నసరణో నఅనుత్తరో ధమ్మో ఉప్పజ్జతి హేతుపచ్చయా. నఅరణం నఅనుత్తరం ధమ్మం పటిచ్చ నసరణో నఅనుత్తరో చ నఅరణో నఅనుత్తరో చ ధమ్మా ఉప్పజ్జన్తి హేతుపచ్చయా. (౩)

నసరణం నఅనుత్తరఞ్చ నఅరణం నఅనుత్తరఞ్చ ధమ్మం పటిచ్చ నసరణో నఅనుత్తరో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా పఞ్చ. (సబ్బత్థ విత్థారో. సహజాతవారమ్పి పచ్చయవారమ్పి నిస్సయవారమ్పి సంసట్ఠవారమ్పి సమ్పయుత్తవారమ్పి పఞ్హావారమ్పి విత్థారేతబ్బం.)

ధమ్మపచ్చనీయే దుకదుకపట్ఠానం నిట్ఠితం.

పచ్చనీయపట్ఠానం నిట్ఠితం.