౮౩-౧. పిట్ఠిదుక-హేతుదుకం

౩౭. నదస్సనేన పహాతబ్బం నహేతుం ధమ్మం పటిచ్చ…పే… ననదస్సనేన పహాతబ్బం నహేతుం ధమ్మం పటిచ్చ…పే… నభావనాయ పహాతబ్బం నహేతుం ధమ్మం పటిచ్చ …పే… ననభావనాయ పహాతబ్బం నహేతుం ధమ్మం పటిచ్చ…పే… నదస్సనేన పహాతబ్బహేతుకం నహేతుం ధమ్మం పటిచ్చ…పే… ననదస్సనేన పహాతబ్బహేతుకం నహేతుం ధమ్మం పటిచ్చ…పే… నభావనాయ పహాతబ్బహేతుకం నహేతుం ధమ్మం పటిచ్చ…పే… ననభావనాయ పహాతబ్బహేతుకం నహేతుం ధమ్మం పటిచ్చ….

౩౮. నసవితక్కం నహేతుం ధమ్మం పటిచ్చ…పే… నఅవితక్కం నహేతుం ధమ్మం పటిచ్చ…పే… నసవిచారం నహేతుం ధమ్మం పటిచ్చ…పే… నఅవిచారం నహేతుం ధమ్మం పటిచ్చ…పే… నసప్పీతికం నహేతుం ధమ్మం పటిచ్చ…పే… నఅప్పీతికం నహేతుం ధమ్మం పటిచ్చ…పే… నపీతిసహగతం నహేతుం ధమ్మం పటిచ్చ…పే… ననపీతిసహగతం నహేతుం ధమ్మం పటిచ్చ…పే… నసుఖసహగతం నహేతుం ధమ్మం పటిచ్చ…పే… ననసుఖసహగతం నహేతుం ధమ్మం పటిచ్చ…పే… నఉపేక్ఖాసహగతం నహేతుం ధమ్మం పటిచ్చ…పే… ననఉపేక్ఖాసహగతం నహేతుం ధమ్మం పటిచ్చ….

౩౯. నకామావచరం నహేతుం ధమ్మం పటిచ్చ…పే… ననకామావచరం నహేతుం ధమ్మం పటిచ్చ…పే… నరూపావచరం నహేతుం ధమ్మం పటిచ్చ…పే… ననరూపావచరం నహేతుం ధమ్మం పటిచ్చ….

౪౦. నఅరూపావచరం నహేతుం ధమ్మం పటిచ్చ…పే… ననఅరూపావచరం నహేతుం ధమ్మం పటిచ్చ….

నపరియాపన్నం నహేతుం ధమ్మం పటిచ్చ…పే… నఅపరియాపన్నం నహేతుం ధమ్మం పటిచ్చ….

౪౧. ననియ్యానికం నహేతుం ధమ్మం పటిచ్చ…పే… నఅనియ్యానికం నహేతుం ధమ్మం పటిచ్చ…పే… ననియతం నహేతుం ధమ్మం పటిచ్చ…పే… నఅనియతం నహేతుం ధమ్మం పటిచ్చ….

నసఉత్తరం నహేతుం ధమ్మం పటిచ్చ…పే… నఅనుత్తరం నహేతుం ధమ్మం పటిచ్చ….

౪౨. నసరణం నహేతుం ధమ్మం పటిచ్చ నసరణో నహేతు ధమ్మో ఉప్పజ్జతి హేతుపచ్చయా. (౧)

నఅరణం నహేతుం ధమ్మం పటిచ్చ నఅరణో నహేతు ధమ్మో ఉప్పజ్జతి హేతుపచ్చయా. నఅరణం నహేతుం ధమ్మం పటిచ్చ నసరణో నహేతు ధమ్మో ఉప్పజ్జతి హేతుపచ్చయా. నఅరణం నహేతుం ధమ్మం పటిచ్చ నసరణో నహేతు చ నఅరణో నహేతు చ ధమ్మా ఉప్పజ్జన్తి హేతుపచ్చయా. (౩)

నసరణం నహేతుఞ్చ నఅరణం నహేతుఞ్చ ధమ్మం పటిచ్చ నసరణో నహేతు ధమ్మో ఉప్పజ్జతి హేతుపచ్చయా. (౧)

హేతుయా పఞ్చ…పే… అవిగతే పఞ్చ. (సబ్బత్థ విత్థారో.)

౪౩. నసరణం ననహేతుం ధమ్మం పటిచ్చ నసరణో ననహేతు ధమ్మో ఉప్పజ్జతి హేతుపచ్చయా. (౧)

నఅరణం ననహేతుం ధమ్మం పటిచ్చ నఅరణో ననహేతు ధమ్మో ఉప్పజ్జతి హేతుపచ్చయా. (౧).

హేతుయా ద్వే…పే… అవిగతే ద్వే. (సబ్బత్థ విత్థారో.)