౨-౩-౧. సహేతుకదుకాది-కుసలత్తికం

౩౩. నసహేతుకం నకుసలం ధమ్మం పటిచ్చ నసహేతుకో నకుసలో ధమ్మో ఉప్పజ్జతి హేతుపచ్చయా – విచికిచ్ఛాసహగతం ఉద్ధచ్చసహగతం మోహం పటిచ్చ చిత్తసముట్ఠానం రూపం, ఏకం మహాభూతం పటిచ్చ తయో మహాభూతా…పే… ద్వే మహాభూతే…పే… నసహేతుకం నకుసలం ధమ్మం పటిచ్చ నఅహేతుకో నకుసలో ధమ్మో ఉప్పజ్జతి హేతుపచ్చయా – విచికిచ్ఛాసహగతం ఉద్ధచ్చసహగతం మోహం పటిచ్చ సమ్పయుత్తకా ఖన్ధా; పటిసన్ధిక్ఖణే వత్థుం పటిచ్చ సహేతుకా ఖన్ధా. నసహేతుకం నకుసలం ధమ్మం పటిచ్చ నసహేతుకో నకుసలో చ నఅహేతుకో నకుసలో చ ధమ్మా ఉప్పజ్జన్తి హేతుపచ్చయా. (౩)

నఅహేతుకం నకుసలం ధమ్మం పటిచ్చ నఅహేతుకో నకుసలో ధమ్మో ఉప్పజ్జతి హేతుపచ్చయా… తీణి.

నసహేతుకం నకుసలఞ్చ నఅహేతుకం నకుసలఞ్చ ధమ్మం పటిచ్చ నసహేతుకో నకుసలో ధమ్మో ఉప్పజ్జతి హేతుపచ్చయా… తీణి. (సంఖిత్తం.)

హేతుయా నవ.

౩౪. నసహేతుకం నఅకుసలం ధమ్మం పటిచ్చ నసహేతుకో నఅకుసలో ధమ్మో ఉప్పజ్జతి హేతుపచ్చయా… తీణి.

నఅహేతుకం నఅకుసలం ధమ్మం పటిచ్చ నఅహేతుకో నఅకుసలో ధమ్మో ఉప్పజ్జతి హేతుపచ్చయా… తీణి.

నసహేతుకం నఅకుసలఞ్చ నఅహేతుకం నఅకుసలఞ్చ ధమ్మం పటిచ్చ నసహేతుకో నఅకుసలో ధమ్మో ఉప్పజ్జతి హేతుపచ్చయా… తీణి. (సంఖిత్తం.)

హేతుయా నవ.

౩౫. నసహేతుకం నఅబ్యాకతం ధమ్మం పటిచ్చ నఅహేతుకో నఅబ్యాకతో ధమ్మో ఉప్పజ్జతి హేతుపచ్చయా. (౧)

నఅహేతుకం నఅబ్యాకతం ధమ్మం పటిచ్చ నఅహేతుకో నఅబ్యాకతో ధమ్మో ఉప్పజ్జతి హేతుపచ్చయా. (౧)

నసహేతుకం నఅబ్యాకతఞ్చ నఅహేతుకం నఅబ్యాకతఞ్చ ధమ్మం పటిచ్చ నఅహేతుకో నఅబ్యాకతో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా తీణి.

(హేతుసమ్పయుత్తదుకం సహేతుకదుకసదిసం.)