౧-౭. పటిచ్చవారాది

౩౩. ఆసవవిప్పయుత్తం నసాసవం ధమ్మం పటిచ్చ ఆసవవిప్పయుత్తో నసాసవో ధమ్మో ఉప్పజ్జతి హేతుపచ్చయా. ఆసవవిప్పయుత్తం నసాసవం ధమ్మం పటిచ్చ ఆసవవిప్పయుత్తో నఅనాసవో ధమ్మో ఉప్పజ్జతి హేతుపచ్చయా. ఆసవవిప్పయుత్తం నసాసవం ధమ్మం పటిచ్చ ఆసవవిప్పయుత్తో నసాసవో చ ఆసవవిప్పయుత్తో నఅనాసవో చ ధమ్మా ఉప్పజ్జన్తి హేతుపచ్చయా. (౩)

ఆసవవిప్పయుత్తం నఅనాసవం ధమ్మం పటిచ్చ ఆసవవిప్పయుత్తో నఅనాసవో ధమ్మో ఉప్పజ్జతి హేతుపచ్చయా. (౧)

ఆసవవిప్పయుత్తం నసాసవఞ్చ ఆసవవిప్పయుత్తం నఅనాసవఞ్చ ధమ్మం పటిచ్చ ఆసవవిప్పయుత్తో నఅనాసవో ధమ్మో ఉప్పజ్జతి హేతుపచ్చయా. (సంఖిత్తం.)

హేతుయా పఞ్చ, ఆరమ్మణే ద్వే…పే… అవిగతే పఞ్చ. (సబ్బత్థ విత్థారో.)

ఆసవగోచ్ఛకం నిట్ఠితం.