౧-౭. పటిచ్చవారాది

పచ్చయచతుక్కం

హేతుపచ్చయో

౧. నహేతుం ధమ్మం పటిచ్చ నహేతు ధమ్మో ఉప్పజ్జతి హేతుపచ్చయా – నహేతుం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; పటిసన్ధిక్ఖణే…పే… (యావ మహాభూతా). నహేతుం ధమ్మం పటిచ్చ న నహేతు ధమ్మో ఉప్పజ్జతి హేతుపచ్చయా – నహేతూ ఖన్ధే పటిచ్చ హేతూ; పటిసన్ధిక్ఖణే…పే… నహేతుం ధమ్మం పటిచ్చ నహేతు చ న నహేతు చ ధమ్మా ఉప్పజ్జన్తి హేతుపచ్చయా. (౩)

న నహేతుం ధమ్మం పటిచ్చ న నహేతు ధమ్మో ఉప్పజ్జతి హేతుపచ్చయా. న నహేతుం ధమ్మం పటిచ్చ నహేతు ధమ్మో ఉప్పజ్జతి హేతుపచ్చయా. న నహేతుం ధమ్మం పటిచ్చ నహేతు చ న నహేతు చ ధమ్మా ఉప్పజ్జన్తి హేతుపచ్చయా. (౩)

నహేతుఞ్చ న నహేతుఞ్చ ధమ్మం పటిచ్చ నహేతు ధమ్మో ఉప్పజ్జతి హేతుపచ్చయా. నహేతుఞ్చ న నహేతుఞ్చ ధమ్మం పటిచ్చ న నహేతు ధమ్మో ఉప్పజ్జతి హేతుపచ్చయా. నహేతుఞ్చ న నహేతుఞ్చ ధమ్మం పటిచ్చ నహేతు చ న నహేతు చ ధమ్మా ఉప్పజ్జన్తి హేతుపచ్చయా. (౩) (సంఖిత్తం.)

౨. హేతుయా నవ, ఆరమ్మణే నవ…పే… అవిగతే నవ.

(సహజాతవారమ్పి…పే… సమ్పయుత్తవారమ్పి పటిచ్చవారసదిసం ఏవం విత్థారేతబ్బం.)

హేతు-ఆరమ్మణపచ్చయా

౩. న నహేతు ధమ్మో న నహేతుస్స ధమ్మస్స హేతుపచ్చయేన పచ్చయో. న నహేతు ధమ్మో నహేతుస్స ధమ్మస్స హేతుపచ్చయేన పచ్చయో. న నహేతు ధమ్మో నహేతుస్స చ న నహేతుస్స చ ధమ్మస్స హేతుపచ్చయేన పచ్చయో. (౩)

నహేతు ధమ్మో నహేతుస్స ధమ్మస్స ఆరమ్మణపచ్చయేన పచ్చయో. నహేతు ధమ్మో న నహేతుస్స ధమ్మస్స ఆరమ్మణపచ్చయేన పచ్చయో. నహేతు ధమ్మో నహేతుస్స చ న నహేతుస్స చ ధమ్మస్స ఆరమ్మణపచ్చయేన పచ్చయో. (౩)

న నహేతు ధమ్మో న నహేతుస్స ధమ్మస్స ఆరమ్మణపచ్చయేన పచ్చయో. న నహేతు ధమ్మో నహేతుస్స ధమ్మస్స ఆరమ్మణపచ్చయేన పచ్చయో. న నహేతు ధమ్మో నహేతుస్స చ న నహేతుస్స చ ధమ్మస్స ఆరమ్మణపచ్చయేన పచ్చయో. (౩)

నహేతు చ న నహేతు చ ధమ్మా నహేతుస్స ధమ్మస్స ఆరమ్మణపచ్చయేన పచ్చయో. నహేతు చ న నహేతు చ ధమ్మా న నహేతుస్స ధమ్మస్స ఆరమ్మణపచ్చయేన పచ్చయో. నహేతు చ న నహేతు చ ధమ్మా నహేతుస్స చ న నహేతుస్స చ ధమ్మస్స ఆరమ్మణపచ్చయేన పచ్చయో. (౩) (సంఖిత్తం.)

౪. హేతుయా తీణి, ఆరమ్మణే నవ…పే… అవిగతే నవ. (యథా కుసలత్తికే పఞ్హావారం, ఏవం విత్థారేతబ్బం.)