ధమ్మపచ్చనీయే తికపట్ఠానం
౧. కుసలత్తికం
౧-౬. పటిచ్చవారాది
పచ్చయచతుక్కం
హేతు-ఆరమ్మణపచ్చయా
౧. నకుసలం ధమ్మం పటిచ్చ నకుసలో ధమ్మో ఉప్పజ్జతి హేతుపచ్చయా – అకుసలం అబ్యాకతం ఏకం ఖన్ధం పటిచ్చ అకుసలా అబ్యాకతా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. నకుసలం ధమ్మం పటిచ్చ నఅకుసలో ధమ్మో ఉప్పజ్జతి హేతుపచ్చయా. నకుసలం ధమ్మం పటిచ్చ నఅబ్యాకతో ధమ్మో ఉప్పజ్జతి హేతుపచ్చయా. నకుసలం ధమ్మం పటిచ్చ నకుసలో చ నఅబ్యాకతో చ ధమ్మా ఉప్పజ్జన్తి హేతుపచ్చయా. నకుసలం ధమ్మం పటిచ్చ నకుసలో చ నఅకుసలో చ ధమ్మా ఉప్పజ్జన్తి హేతుపచ్చయా. పఞ్చ.
౨. నఅకుసలం ధమ్మం పటిచ్చ నఅకుసలో ధమ్మో ఉప్పజ్జతి హేతుపచ్చయా. నఅకుసలం ధమ్మం పటిచ్చ నకుసలో ధమ్మో ఉప్పజ్జతి హేతుపచ్చయా. నఅకుసలం ధమ్మం పటిచ్చ నఅబ్యాకతో ధమ్మో ఉప్పజ్జతి హేతుపచ్చయా. నఅకుసలం ధమ్మం పటిచ్చ నఅకుసలో చ నఅబ్యాకతో చ ధమ్మా ఉప్పజ్జన్తి హేతుపచ్చయా. నఅకుసలం ధమ్మం పటిచ్చ నకుసలో చ నఅకుసలో చ ధమ్మా ఉప్పజ్జన్తి హేతుపచ్చయా. పఞ్చ.
౩. నఅబ్యాకతం ధమ్మం పటిచ్చ నఅబ్యాకతో ధమ్మో ఉప్పజ్జతి హేతుపచ్చయా. నఅబ్యాకతం ధమ్మం పటిచ్చ నకుసలో ధమ్మో ఉప్పజ్జతి హేతుపచ్చయా. నఅబ్యాకతం ధమ్మం పటిచ్చ నఅకుసలో ధమ్మో ఉప్పజ్జతి హేతుపచ్చయా. నఅబ్యాకతం ధమ్మం పటిచ్చ నకుసలో చ నఅబ్యాకతో చ ధమ్మా ఉప్పజ్జన్తి హేతుపచ్చయా. నఅబ్యాకతం ధమ్మం పటిచ్చ నఅకుసలో చ నఅబ్యాకతో చ ధమ్మా ఉప్పజ్జన్తి హేతుపచ్చయా. నఅబ్యాకతం ధమ్మం పటిచ్చ నకుసలో చ నఅకుసలో చ ధమ్మా ఉప్పజ్జన్తి హేతుపచ్చయా. ఛ.
౪. నకుసలఞ్చ నఅబ్యాకతఞ్చ ధమ్మం పటిచ్చ నకుసలో ధమ్మో ఉప్పజ్జతి హేతుపచ్చయా. నకుసలఞ్చ నఅబ్యాకతఞ్చ ధమ్మం పటిచ్చ నఅకుసలో ధమ్మో ఉప్పజ్జతి హేతుపచ్చయా. నకుసలఞ్చ నఅబ్యాకతఞ్చ ధమ్మం పటిచ్చ నఅబ్యాకతో ధమ్మో ఉప్పజ్జతి హేతుపచ్చయా. నకుసలఞ్చ నఅబ్యాకతఞ్చ ధమ్మం పటిచ్చ నకుసలో చ నఅబ్యాకతో చ ధమ్మా ఉప్పజ్జన్తి హేతుపచ్చయా. నకుసలఞ్చ నఅబ్యాకతఞ్చ ధమ్మం పటిచ్చ నకుసలో చ నఅకుసలో చ ధమ్మా ఉప్పజ్జన్తి హేతుపచ్చయా. పఞ్చ.
౫. నఅకుసలఞ్చ నఅబ్యాకతఞ్చ ధమ్మం పటిచ్చ నకుసలో ధమ్మో ఉప్పజ్జతి హేతుపచ్చయా. నఅకుసలఞ్చ నఅబ్యాకతఞ్చ ధమ్మం పటిచ్చ నఅకుసలో ధమ్మో ఉప్పజ్జతి హేతుపచ్చయా. నఅకుసలఞ్చ నఅబ్యాకతఞ్చ ధమ్మం పటిచ్చ నఅబ్యాకతో ధమ్మో ఉప్పజ్జతి హేతుపచ్చయా. నఅకుసలఞ్చ నఅబ్యాకతఞ్చ ధమ్మం పటిచ్చ నఅకుసలో చ నఅబ్యాకతో చ ధమ్మా ఉప్పజ్జన్తి హేతుపచ్చయా. నఅకుసలఞ్చ నఅబ్యాకతఞ్చ ధమ్మం పటిచ్చ నకుసలో చ నఅకుసలో చ ధమ్మా ఉప్పజ్జన్తి హేతుపచ్చయా. పఞ్చ.
౬. నకుసలఞ్చ నఅకుసలఞ్చ ధమ్మం పటిచ్చ నకుసలో ధమ్మో ఉప్పజ్జతి హేతుపచ్చయా. నకుసలఞ్చ నఅకుసలఞ్చ ధమ్మం పటిచ్చ నఅకుసలో ధమ్మో ఉప్పజ్జతి హేతుపచ్చయా. నకుసలఞ్చ నఅకుసలఞ్చ ధమ్మం పటిచ్చ నకుసలో చ నఅకుసలో చ ధమ్మా ఉప్పజ్జన్తి హేతుపచ్చయా. తీణి.
నకుసలం ధమ్మం పటిచ్చ నకుసలో ధమ్మో ఉప్పజ్జతి ఆరమ్మణపచ్చయా. (సంఖిత్తం.)
౭. హేతుయా ఏకూనతింస, ఆరమ్మణే చతువీస…పే… అవిగతే ఏకూనతింస.
(సహజాతవారమ్పి పచ్చయవారమ్పి నిస్సయవారమ్పి సంసట్ఠవారమ్పి సమ్పయుత్తవారమ్పి పటిచ్చవారసదిసం.)
౧. కుసలత్తికం
౭. పఞ్హావారో
పచ్చయచతుక్కం
హేతుఆరమ్మణపచ్చయాది
౮. నకుసలో ధమ్మో నకుసలస్స ధమ్మస్స హేతుపచ్చయేన పచ్చయో…పే…. నకుసలో ధమ్మో నకుసలస్స ధమ్మస్స ఆరమ్మణపచ్చయేన పచ్చయో. నకుసలో ధమ్మో నఅకుసలస్స ధమ్మస్స ఆరమ్మణపచ్చయేన పచ్చయో. నకుసలో ధమ్మో నఅబ్యాకతస్స ధమ్మస్స ఆరమ్మణపచ్చయేన పచ్చయో. నకుసలో ధమ్మో నకుసలస్స చ నఅబ్యాకతస్స చ ధమ్మస్స ఆరమ్మణపచ్చయేన పచ్చయో. నకుసలో ధమ్మో నఅకుసలస్స చ నఅబ్యాకతస్స చ ధమ్మస్స ఆరమ్మణపచ్చయేన పచ్చయో. నకుసలో ధమ్మో నకుసలస్స చ నఅకుసలస్స చ ధమ్మస్స ఆరమ్మణపచ్చయేన పచ్చయో. ఛ.
నఅకుసలో ధమ్మో నఅకుసలస్స ధమ్మస్స ఆరమ్మణపచ్చయేన పచ్చయో…. ఛ.
నఅబ్యాకతో ధమ్మో నఅబ్యాకతస్స ధమ్మస్స ఆరమ్మణపచ్చయేన పచ్చయో…. ఛ.
నకుసలో చ నఅబ్యాకతో చ ధమ్మా నకుసలస్స ధమ్మస్స ఆరమ్మణపచ్చయేన పచ్చయో…. ఛ.
నఅకుసలో చ నఅబ్యాకతో చ ధమ్మా నకుసలస్స ధమ్మస్స ఆరమ్మణపచ్చయేన పచ్చయో…. ఛ.
నకుసలో చ నఅకుసలో చ ధమ్మా నకుసలస్స ధమ్మస్స ఆరమ్మణపచ్చయేన పచ్చయో…. ఛ.
౯. నకుసలో ధమ్మో నకుసలస్స ధమ్మస్స అధిపతిపచ్చయేన పచ్చయో… అనన్తరపచ్చయేన పచ్చయో… సమనన్తరపచ్చయేన పచ్చయో… సహజాతపచ్చయేన పచ్చయో… అఞ్ఞమఞ్ఞపచ్చయేన పచ్చయో… నిస్సయపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. నకుసలో ధమ్మో నఅకుసలస్స ధమ్మస్స పురేజాతపచ్చయేన పచ్చయో…పే… నకుసలో ధమ్మో నకుసలస్స చ నఅకుసలస్స చ ధమ్మస్స పురేజాతపచ్చయేన పచ్చయో. ఛ.
నఅకుసలో ధమ్మో నఅకుసలస్స ధమ్మస్స పురేజాతపచ్చయేన పచ్చయో. నఅకుసలో ధమ్మో నకుసలస్స ధమ్మస్స పురేజాతపచ్చయేన పచ్చయో…పే… నఅకుసలో ధమ్మో నకుసలస్స చ నఅకుసలస్స చ ధమ్మస్స పురేజాతపచ్చయేన పచ్చయో. ఛ.
నకుసలో చ నఅకుసలో చ ధమ్మా నకుసలస్స ధమ్మస్స పురేజాతపచ్చయేన పచ్చయో. నకుసలో చ నఅకుసలో చ ధమ్మా నఅకుసలస్స ధమ్మస్స పురేజాతపచ్చయేన పచ్చయో…పే… నకుసలో చ నఅకుసలో చ ధమ్మా నకుసలస్స చ నఅకుసలస్స చ ధమ్మస్స పురేజాతపచ్చయేన పచ్చయో. ఛ. (సంఖిత్తం.)
౧౦. హేతుయా ఏకూనతింస, ఆరమ్మణే ఛత్తింస, అధిపతియా పఞ్చతింస, అనన్తరే చతుత్తింస, సమనన్తరే చతుత్తింస, సహజాతే ఏకూనతింస, అఞ్ఞమఞ్ఞే చతువీస, నిస్సయే చతుత్తింస, ఉపనిస్సయే ఛత్తింస, పురేజాతే అట్ఠారస, పచ్ఛాజాతే అట్ఠారస, ఆసేవనే చతువీస, కమ్మే ఏకూనతింస, విపాకే నవ, ఆహారే ఏకూనతింస…పే… అవిగతే చతుత్తింస.
(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం ఏవం గణేతబ్బం.)
౨. వేదనాత్తికం
౧-౭. పటిచ్చవారాది
౧౧. నసుఖాయ వేదనాయ సమ్పయుత్తం ధమ్మం పటిచ్చ నసుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. నసుఖాయ వేదనాయ సమ్పయుత్తం ధమ్మం పటిచ్చ నదుక్ఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. నసుఖాయ వేదనాయ సమ్పయుత్తం ధమ్మం పటిచ్చ నఅదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. నసుఖాయ వేదనాయ సమ్పయుత్తం ధమ్మం పటిచ్చ నసుఖాయ వేదనాయ సమ్పయుత్తో చ నఅదుక్ఖమసుఖాయ వేదనాయ సమ్పయుత్తో చ ధమ్మా ఉప్పజ్జన్తి హేతుపచ్చయా. నసుఖాయ వేదనాయ సమ్పయుత్తం ధమ్మం పటిచ్చ నదుక్ఖాయ వేదనాయ సమ్పయుత్తో చ నఅదుక్ఖమసుఖాయ వేదనాయ సమ్పయుత్తో చ ధమ్మా ఉప్పజ్జన్తి హేతుపచ్చయా. నసుఖాయ వేదనాయ సమ్పయుత్తం ధమ్మం పటిచ్చ నసుఖాయ వేదనాయ సమ్పయుత్తో చ నదుక్ఖాయ వేదనాయ సమ్పయుత్తో చ ధమ్మా ఉప్పజ్జన్తి హేతుపచ్చయా. నసుఖాయ వేదనాయ సమ్పయుత్తం ధమ్మం పటిచ్చ నసుఖాయ వేదనాయ సమ్పయుత్తో చ నదుక్ఖాయ వేదనాయ సమ్పయుత్తో చ నఅదుక్ఖమసుఖాయ వేదనాయ సమ్పయుత్తో చ ధమ్మా ఉప్పజ్జన్తి హేతుపచ్చయా. (౭)
నదుక్ఖాయ వేదనాయ సమ్పయుత్తం ధమ్మం పటిచ్చ నదుక్ఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… సత్త.
నఅదుక్ఖమసుఖాయ వేదనాయ సమ్పయుత్తం ధమ్మం పటిచ్చ నఅదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… సత్త. (సంఖిత్తం.)
౩. విపాకత్తికం
౧-౭. పటిచ్చవారాది
౧౨. నవిపాకం ధమ్మం పటిచ్చ నవిపాకో ధమ్మో ఉప్పజ్జతి హేతుపచ్చయా…పే….
నవిపాకధమ్మధమ్మం పటిచ్చ నవిపాకధమ్మధమ్మో ఉప్పజ్జతి హేతుపచ్చయా…పే….
ననేవవిపాకనవిపాకధమ్మధమ్మం పటిచ్చ ననేవవిపాకనవిపాకధమ్మధమ్మో ఉప్పజ్జతి హేతుపచ్చయా. (సంఖిత్తం.)
౪. ఉపాదిన్నత్తికం
౧-౭. పటిచ్చవారాది
౧౩. నఉపాదిన్నుపాదానియం ధమ్మం పటిచ్చ నఉపాదిన్నుపాదానియో ధమ్మో ఉప్పజ్జతి హేతుపచ్చయా…పే….
నఅనుపాదిన్నుపాదానియం ధమ్మం పటిచ్చ నఅనుపాదిన్నుపాదానియో ధమ్మో ఉప్పజ్జతి హేతుపచ్చయా…పే….
నఅనుపాదిన్నఅనుపాదానియం ధమ్మం పటిచ్చ నఅనుపాదిన్నఅనుపాదానియో ధమ్మో ఉప్పజ్జతి హేతుపచ్చయా. (సంఖిత్తం.)
౫. సంకిలిట్ఠత్తికం
౧-౭. పటిచ్చవారాది
౧౪. నసంకిలిట్ఠసంకిలేసికం ధమ్మం పటిచ్చ నసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా…పే….
నఅసంకిలిట్ఠసంకిలేసికం ధమ్మం పటిచ్చ నఅసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా…పే….
నఅసంకిలిట్ఠఅసంకిలేసికం ధమ్మం పటిచ్చ నఅసంకిలిట్ఠఅసంకిలేసికో ధమ్మో ఉప్పజ్జతి హేతుపచ్చయా. (సంఖిత్తం.)
౬. వితక్కత్తికం
౧-౭. పటిచ్చవారాది
౧౫. నసవితక్కసవిచారం ధమ్మం పటిచ్చ నసవితక్కసవిచారో ధమ్మో ఉప్పజ్జతి హేతుపచ్చయా…పే….
నఅవితక్కవిచారమత్తం ధమ్మం పటిచ్చ నఅవితక్కవిచారమత్తో ధమ్మో ఉప్పజ్జతి హేతుపచ్చయా…పే….
నఅవితక్కఅవిచారం ధమ్మం పటిచ్చ నఅవితక్కఅవిచారో ధమ్మో ఉప్పజ్జతి హేతుపచ్చయా. (సంఖిత్తం.)
౭. పీతిత్తికం
౧-౭. పటిచ్చవారాది
౧౬. నపీతిసహగతం ధమ్మం పటిచ్చ నపీతిసహగతో ధమ్మో ఉప్పజ్జతి హేతుపచ్చయా…పే….
నసుఖసహగతం ధమ్మం పటిచ్చ…పే… నఉపేక్ఖాసహగతం ధమ్మం పటిచ్చ… (సంఖిత్తం).
౮. దస్సనత్తికం
౧-౭. పటిచ్చవారాది
౧౭. నదస్సనేన పహాతబ్బం ధమ్మం పటిచ్చ…పే… నభావనాయ పహాతబ్బం ధమ్మం పటిచ్చ…పే… ననేవదస్సనేన నభావనాయ పహాతబ్బం ధమ్మం పటిచ్చ… (సంఖిత్తం).
౯. దస్సనహేతుత్తికం
౧-౭. పటిచ్చవారాది
౧౮. నదస్సనేన పహాతబ్బహేతుకం ధమ్మం పటిచ్చ…పే… నభావనాయ పహాతబ్బహేతుకం ధమ్మం పటిచ్చ…పే… ననేవదస్సనేన నభావనాయ పహాతబ్బహేతుకం ధమ్మం పటిచ్చ… (సంఖిత్తం).
౧౦. ఆచయగామిత్తికం
౧-౭. పటిచ్చవారాది
౧౯. నఆచయగామిం ధమ్మం పటిచ్చ…పే… నఅపచయగామిం ధమ్మం పటిచ్చ…పే… ననేవాచయగామినాపచయగామిం ధమ్మం పటిచ్చ… (సంఖిత్తం).
౧౧. సేక్ఖత్తికం
౧-౭. పటిచ్చవారాది
౨౦. నసేక్ఖం ధమ్మం పటిచ్చ…పే… నఅసేక్ఖం ధమ్మం పటిచ్చ…పే… ననేవసేక్ఖనాసేక్ఖం ధమ్మం పటిచ్చ… (సంఖిత్తం).
౧౨. పరిత్తత్తికం
౧-౭. పటిచ్చవారాది
౨౧. నపరిత్తం ధమ్మం పటిచ్చ…పే… నమహగ్గతం ధమ్మం పటిచ్చ…పే… నఅప్పమాణం ధమ్మం పటిచ్చ… (సంఖిత్తం).
౧౩. పరిత్తారమ్మణత్తికం
౧-౭. పటిచ్చవారాది
౨౨. నపరిత్తారమ్మణం ధమ్మం పటిచ్చ…పే… నమహగ్గతారమ్మణం ధమ్మం పటిచ్చ…పే… నఅప్పమాణారమ్మణం ధమ్మం పటిచ్చ… (సంఖిత్తం).
౧౪. హీనత్తికం
౧-౭. పటిచ్చవారాది
౨౩. నహీనం ధమ్మం పటిచ్చ…పే… నమజ్ఝిమం ధమ్మం పటిచ్చ…పే… నపణీతం ధమ్మం పటిచ్చ… (సంఖిత్తం).
౧౫. మిచ్ఛత్తత్తికం
౧-౭. పటిచ్చవారాది
౨౪. నమిచ్ఛత్తనియతం ధమ్మం పటిచ్చ…పే… నసమ్మత్తనియతం ధమ్మం పటిచ్చ…పే… నఅనియతం ధమ్మం పటిచ్చ… (సంఖిత్తం).
౧౬. మగ్గారమ్మణత్తికం
౧-౭. పటిచ్చవారాది
౨౫. నమగ్గారమ్మణం ధమ్మం పటిచ్చ…పే… నమగ్గహేతుకం ధమ్మం పటిచ్చ…పే… నమగ్గాధిపతిం ధమ్మం పటిచ్చ… (సంఖిత్తం).
౧౭. ఉప్పన్నత్తికం
౧-౭. పటిచ్చవారాది
౨౬. నఅనుప్పన్నం ధమ్మం పటిచ్చ నఅనుప్పన్నో ధమ్మో ఉప్పజ్జతి హేతుపచ్చయా. నఅనుప్పన్నం ధమ్మం పటిచ్చ నఉప్పాదీ ధమ్మో ఉప్పజ్జతి హేతుపచ్చయా. నఅనుప్పన్నం ధమ్మం పటిచ్చ నఅనుప్పన్నో చ నఉప్పాదీ చ ధమ్మా ఉప్పజ్జన్తి హేతుపచ్చయా. (౩)
నఉప్పాదిం ధమ్మం పటిచ్చ నఉప్పాదీ ధమ్మో ఉప్పజ్జతి హేతుపచ్చయా. నఉప్పాదిం ధమ్మం పటిచ్చ నఅనుప్పన్నో ధమ్మో ఉప్పజ్జతి హేతుపచ్చయా. నఉప్పాదిం ధమ్మం పటిచ్చ నఅనుప్పన్నో చ నఉప్పాదీ చ ధమ్మా ఉప్పజ్జన్తి హేతుపచ్చయా. (౩)
నఅనుప్పన్నఞ్చ నఉప్పాదిఞ్చ ధమ్మం పటిచ్చ నఅనుప్పన్నో ధమ్మో ఉప్పజ్జతి హేతుపచ్చయా. నఅనుప్పన్నఞ్చ నఉప్పాదిఞ్చ ధమ్మం పటిచ్చ నఉప్పాదీ ధమ్మో ఉప్పజ్జతి హేతుపచ్చయా. నఅనుప్పన్నఞ్చ నఉప్పాదిఞ్చ ధమ్మం పటిచ్చ నఅనుప్పన్నో చ నఉప్పాదీ చ ధమ్మా ఉప్పజ్జన్తి హేతుపచ్చయా. (౩) (సంఖిత్తం.)
౧౮. అతీతత్తికం
౧-౭. పటిచ్చవారాది
౨౭. నఅతీతం ధమ్మం పటిచ్చ నఅతీతో ధమ్మో ఉప్పజ్జతి హేతుపచ్చయా. (సంఖిత్తం.)
నఅతీతో ధమ్మో నఅతీతస్స ధమ్మస్స హేతుపచ్చయేన పచ్చయో. నఅతీతో ధమ్మో నఅనాగతస్స ధమ్మస్స హేతుపచ్చయేన పచ్చయో. నఅతీతో ధమ్మో నఅతీతస్స చ నఅనాగతస్స చ ధమ్మస్స హేతుపచ్చయేన పచ్చయో. (౩)
నఅనాగతో ధమ్మో నఅనాగతస్స ధమ్మస్స హేతుపచ్చయేన పచ్చయో. నఅనాగతో ధమ్మో నఅతీతస్స ధమ్మస్స హేతుపచ్చయేన పచ్చయో. నఅనాగతో ధమ్మో నఅతీతస్స చ నఅనాగతస్స చ ధమ్మస్స హేతుపచ్చయేన పచ్చయో. (౩)
నఅతీతో చ నఅనాగతో చ ధమ్మా నఅతీతస్స ధమ్మస్స హేతుపచ్చయేన పచ్చయో. నఅతీతో చ నఅనాగతో చ ధమ్మా నఅనాగతస్స ధమ్మస్స హేతుపచ్చయేన పచ్చయో. నఅతీతో చ నఅనాగతో చ ధమ్మా నఅతీతస్స చ నఅనాగతస్స చ ధమ్మస్స హేతుపచ్చయేన పచ్చయో. (౩) (సంఖిత్తం.)
౧౯. అతీతారమ్మణత్తికం
౧-౭. పటిచ్చవారాది
౨౮. నఅతీతారమ్మణం ధమ్మం పటిచ్చ…పే… నఅనాగతారమ్మణం ధమ్మం పటిచ్చ…పే… నపచ్చుప్పన్నారమ్మణం ధమ్మం పటిచ్చ… (సంఖిత్తం).
౨౦. అజ్ఝత్తత్తికం
౧-౭. పటిచ్చవారాది
౨౯. నఅజ్ఝత్తం ధమ్మం పటిచ్చ నఅజ్ఝత్తో ధమ్మో ఉప్పజ్జతి హేతుపచ్చయా.
నబహిద్ధా ధమ్మం పటిచ్చ నబహిద్ధా ధమ్మో ఉప్పజ్జతి హేతుపచ్చయా. (సంఖిత్తం.)
౨౧. అజ్ఝత్తారమ్మణత్తికం
౧-౭. పటిచ్చవారాది
౩౦. నఅజ్ఝత్తారమ్మణం ధమ్మం పటిచ్చ నఅజ్ఝత్తారమ్మణో ధమ్మో ఉప్పజ్జతి హేతుపచ్చయా. నఅజ్ఝత్తారమ్మణం ధమ్మం పటిచ్చ నబహిద్ధారమ్మణో ధమ్మో ఉప్పజ్జతి హేతుపచ్చయా. (౨)
నబహిద్ధారమ్మణం ధమ్మం పటిచ్చ నబహిద్ధారమ్మణో ధమ్మో ఉప్పజ్జతి హేతుపచ్చయా. నబహిద్ధారమ్మణం ధమ్మం పటిచ్చ నఅజ్ఝత్తారమ్మణో ధమ్మో ఉప్పజ్జతి హేతుపచ్చయా. (౨) (సంఖిత్తం.)
౨౨. సనిదస్సనత్తికం
౧-౭. పటిచ్చవారాది
౩౧. నసనిదస్సనసప్పటిఘం ధమ్మం పటిచ్చ నసనిదస్సనసప్పటిఘో ధమ్మో ఉప్పజ్జతి హేతుపచ్చయా. నసనిదస్సనసప్పటిఘం ధమ్మం పటిచ్చ నఅనిదస్సనసప్పటిఘో ధమ్మో ఉప్పజ్జతి హేతుపచ్చయా. నసనిదస్సనసప్పటిఘం ధమ్మం పటిచ్చ నఅనిదస్సనఅప్పటిఘో ధమ్మో ఉప్పజ్జతి హేతుపచ్చయా. నసనిదస్సనసప్పటిఘం ధమ్మం పటిచ్చ నసనిదస్సనసప్పటిఘో చ నఅనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా. నసనిదస్సనసప్పటిఘం ధమ్మం పటిచ్చ నఅనిదస్సనసప్పటిఘో చ నఅనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా. నసనిదస్సనసప్పటిఘం ధమ్మం పటిచ్చ నసనిదస్సనసప్పటిఘో చ నఅనిదస్సనసప్పటిఘో చ ధమ్మా ఉప్పజ్జన్తి హేతుపచ్చయా. (౬)
౩౨. నఅనిదస్సనసప్పటిఘం ధమ్మం పటిచ్చ నఅనిదస్సనసప్పటిఘో ధమ్మో ఉప్పజ్జతి హేతుపచ్చయా. నఅనిదస్సనసప్పటిఘం ధమ్మం పటిచ్చ నసనిదస్సనసప్పటిఘో ధమ్మో ఉప్పజ్జతి హేతుపచ్చయా. నఅనిదస్సనసప్పటిఘం ధమ్మం పటిచ్చ నఅనిదస్సనఅప్పటిఘో ధమ్మో ఉప్పజ్జతి హేతుపచ్చయా. నఅనిదస్సనసప్పటిఘం ధమ్మం పటిచ్చ నసనిదస్సనసప్పటిఘో చ నఅనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా. నఅనిదస్సనసప్పటిఘం ధమ్మం పటిచ్చ నఅనిదస్సనసప్పటిఘో చ నఅనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా. నఅనిదస్సనసప్పటిఘం ధమ్మం పటిచ్చ నసనిదస్సనసప్పటిఘో చ నఅనిదస్సనసప్పటిఘో చ ధమ్మా ఉప్పజ్జన్తి హేతుపచ్చయా. (౬)
౩౩. నఅనిదస్సనఅప్పటిఘం ధమ్మం పటిచ్చ నఅనిదస్సనఅప్పటిఘో ధమ్మో ఉప్పజ్జతి హేతుపచ్చయా. నఅనిదస్సనఅప్పటిఘం ధమ్మం పటిచ్చ నసనిదస్సనసప్పటిఘో ధమ్మో ఉప్పజ్జతి హేతుపచ్చయా. నఅనిదస్సనఅప్పటిఘం ధమ్మం పటిచ్చ నఅనిదస్సనసప్పటిఘో ధమ్మో ఉప్పజ్జతి హేతుపచ్చయా…. ఛ.
నసనిదస్సనసప్పటిఘఞ్చ నఅనిదస్సనఅప్పటిఘఞ్చ ధమ్మం పటిచ్చ నసనిదస్సనసప్పటిఘో ధమ్మో ఉప్పజ్జతి హేతుపచ్చయా…. ఛ.
నసనిదస్సనసప్పటిఘఞ్చ నఅనిదస్సనసప్పటిఘఞ్చ ధమ్మం పటిచ్చ నసనిదస్సనసప్పటిఘో ధమ్మో ఉప్పజ్జతి హేతుపచ్చయా…. ఛ. (సంఖిత్తం.)
౩౪. హేతుయా తింస…పే… అవిగతే తింస.
(యథా కుసలత్తికే సహజాతవారమ్పి పచ్చయవారమ్పి నిస్సయవారమ్పి సంసట్ఠవారమ్పి సమ్పయుత్తవారమ్పి పఞ్హావారమ్పి గణితం ఏవం గణేతబ్బం.)
ధమ్మపచ్చనీయే తికపట్ఠానం నిట్ఠితం.