౧౦౦-౭. సరణదుక-చూళన్తరదుకం

౬౭. నసరణో నసప్పచ్చయో ధమ్మో అరణస్స సప్పచ్చయస్స ధమ్మస్స ఆరమ్మణపచ్చయేన పచ్చయో. ఆరమ్మణే ఏకం.

౬౮. నసరణో నసఙ్ఖతో ధమ్మో… (సంఖిత్తం).

౬౯. నసరణం నసనిదస్సనం ధమ్మం పటిచ్చ అరణో సనిదస్సనో ధమ్మో ఉప్పజ్జతి హేతుపచ్చయా… హేతుయా తీణి.

నసరణో నఅనిదస్సనో ధమ్మో సరణస్స అనిదస్సనస్స ధమ్మస్స ఆరమ్మణపచ్చయేన పచ్చయో. నసరణో నఅనిదస్సనో ధమ్మో అరణస్స అనిదస్సనస్స ధమ్మస్స ఆరమ్మణపచ్చయేన పచ్చయో. ఆరమ్మణే ద్వే.

౭౦. నసరణం నసప్పటిఘం ధమ్మం పటిచ్చ అరణో సప్పటిఘో ధమ్మో ఉప్పజ్జతి హేతుపచ్చయా… హేతుయా తీణి.

౭౧. నసరణం నరూపిం ధమ్మం పటిచ్చ అరణో రూపీ ధమ్మో ఉప్పజ్జతి హేతుపచ్చయా. నఅరణం నరూపిం ధమ్మం పటిచ్చ అరణో రూపీ ధమ్మో ఉప్పజ్జతి హేతుపచ్చయా. హేతుయా ద్వే.

నసరణం నఅరూపిం ధమ్మం పచ్చయా సరణో అరూపీ ధమ్మో ఉప్పజ్జతి హేతుపచ్చయా. నసరణం నఅరూపిం ధమ్మం పచ్చయా అరణో అరూపీ ధమ్మో ఉప్పజ్జతి హేతుపచ్చయా. హేతుయా ద్వే.

౭౨. నసరణం నలోకియం ధమ్మం పటిచ్చ అరణో లోకియో ధమ్మో ఉప్పజ్జతి హేతుపచ్చయా. హేతుయా ఏకం.

నసరణం నలోకుత్తరం ధమ్మం పచ్చయా అరణో లోకుత్తరో ధమ్మో ఉప్పజ్జతి హేతుపచ్చయా. హేతుయా ఏకం.

౭౩. నసరణం నకేనచి విఞ్ఞేయ్యం ధమ్మం పటిచ్చ అరణో కేనచి విఞ్ఞేయ్యో ధమ్మో ఉప్పజ్జతి హేతుపచ్చయా… హేతుయా పఞ్చ.

నసరణం నకేనచి నవిఞ్ఞేయ్యం ధమ్మం పటిచ్చ అరణో కేనచి నవిఞ్ఞేయ్యో ధమ్మో ఉప్పజ్జతి హేతుపచ్చయా… హేతుయా పఞ్చ.