౧-౭. పటిచ్చవారాది

పచ్చయచతుక్కం

హేతుపచ్చయో

౧౨. హేతుం హేతుసమ్పయుత్తం ధమ్మం పటిచ్చ హేతు హేతుసమ్పయుత్తో ధమ్మో ఉప్పజ్జతి హేతుపచ్చయా. హేతుం హేతుసమ్పయుత్తం ధమ్మం పటిచ్చ నహేతు హేతుసమ్పయుత్తో ధమ్మో ఉప్పజ్జతి హేతుపచ్చయా. హేతుం హేతుసమ్పయుత్తం ధమ్మం పటిచ్చ హేతు హేతుసమ్పయుత్తో చ నహేతు హేతుసమ్పయుత్తో చ ధమ్మా ఉప్పజ్జన్తి హేతుపచ్చయా. (౩)

నహేతుం హేతుసమ్పయుత్తం ధమ్మం పటిచ్చ నహేతు హేతుసమ్పయుత్తో ధమ్మో ఉప్పజ్జతి హేతుపచ్చయా… తీణి.

హేతుం హేతుసమ్పయుత్తఞ్చ నహేతుం హేతుసమ్పయుత్తఞ్చ ధమ్మం పటిచ్చ హేతు హేతుసమ్పయుత్తో ధమ్మో ఉప్పజ్జతి హేతుపచ్చయా… తీణి. (సంఖిత్తం.)

౧౩. హేతుయా నవ, ఆరమ్మణే నవ…పే… అవిగతే నవ. (సంఖిత్తం.)

౧౪. హేతు హేతుసమ్పయుత్తో ధమ్మో హేతుస్స హేతుసమ్పయుత్తస్స ధమ్మస్స హేతుపచ్చయేన పచ్చయో… తీణి. (సంఖిత్తం.)

హేతుయా తీణి…పే… అవిగతే నవ. (సంఖిత్తం.)

(యథా కుసలత్తికే పఞ్హావారం, ఏవం విత్థారేతబ్బం.)

౧౫. హేతుం హేతువిప్పయుత్తం ధమ్మం పటిచ్చ నహేతు హేతువిప్పయుత్తో ధమ్మో ఉప్పజ్జతి హేతుపచ్చయా. (౧)

నహేతుం హేతువిప్పయుత్తం ధమ్మం పటిచ్చ నహేతు హేతువిప్పయుత్తో ధమ్మో ఉప్పజ్జతి హేతుపచ్చయా. (౧)

హేతుం హేతువిప్పయుత్తఞ్చ నహేతుం హేతువిప్పయుత్తఞ్చ ధమ్మం పటిచ్చ నహేతు హేతువిప్పయుత్తో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా తీణి, ఆరమ్మణే ఏకం…పే… అవిగతే తీణి.

(సహజాతవారమ్పి…పే… సమ్పయుత్తవారమ్పి పటిచ్చవారసదిసం విత్థారేతబ్బం.)

౧౬. హేతు హేతువిప్పయుత్తో ధమ్మో నహేతుస్స హేతువిప్పయుత్తస్స ధమ్మస్స హేతుపచ్చయేన పచ్చయో. (సంఖిత్తం.)

హేతుయా ఏకం, ఆరమ్మణే చత్తారి…పే… అవిగతే చత్తారి. (సంఖిత్తం.)

(యథా కుసలత్తికే పఞ్హావారం, ఏవం విత్థారేతబ్బం.)