౧-౭. పటిచ్చవారాది

పచ్చయచతుక్కం

హేతుపచ్చయో

౧. హేతుం సహేతుకం ధమ్మం పటిచ్చ హేతు సహేతుకో ధమ్మో ఉప్పజ్జతి హేతుపచ్చయా. హేతుం సహేతుకం ధమ్మం పటిచ్చ నహేతు సహేతుకో ధమ్మో ఉప్పజ్జతి హేతుపచ్చయా. హేతుం సహేతుకం ధమ్మం పటిచ్చ హేతు సహేతుకో చ నహేతు సహేతుకో చ ధమ్మా ఉప్పజ్జన్తి హేతుపచ్చయా. (౩)

౨. నహేతుం సహేతుకం ధమ్మం పటిచ్చ నహేతు సహేతుకో ధమ్మో ఉప్పజ్జతి హేతుపచ్చయా. నహేతుం సహేతుకం ధమ్మం పటిచ్చ హేతు సహేతుకో ధమ్మో ఉప్పజ్జతి హేతుపచ్చయా. నహేతుం సహేతుకం ధమ్మం పటిచ్చ హేతు సహేతుకో చ నహేతు సహేతుకో చ ధమ్మా ఉప్పజ్జన్తి హేతుపచ్చయా. (౩)

౩. హేతుం సహేతుకఞ్చ నహేతుం సహేతుకఞ్చ ధమ్మం పటిచ్చ హేతు సహేతుకో ధమ్మో ఉప్పజ్జతి హేతుపచ్చయా. హేతుం సహేతుకఞ్చ నహేతుం సహేతుకఞ్చ ధమ్మం పటిచ్చ నహేతు సహేతుకో ధమ్మో ఉప్పజ్జతి హేతుపచ్చయా. హేతుం సహేతుకఞ్చ నహేతుం సహేతుకఞ్చ ధమ్మం పటిచ్చ హేతు సహేతుకో చ నహేతు సహేతుకో చ ధమ్మా ఉప్పజ్జన్తి హేతుపచ్చయా. (౩)

౪. హేతుయా నవ, ఆరమ్మణే నవ…పే… అవిగతే నవ. (సంఖిత్తం.)

పచ్చనీయం

నఅధిపతిపచ్చయో

౫. హేతుం సహేతుకం ధమ్మం పటిచ్చ హేతు సహేతుకో ధమ్మో ఉప్పజ్జతి నఅధిపతిపచ్చయా. (సంఖిత్తం.)

నఅధిపతియా నవ, నపురేజాతే నవ, నపచ్ఛాజాతే నవ, నకమ్మే తీణి, నవిపాకే నవ, నవిప్పయుత్తే నవ. (సంఖిత్తం.)

హేతుపచ్చయా నఅధిపతియా నవ. (సంఖిత్తం.)

నఅధిపతిపచ్చయా హేతుయా నవ. (సంఖిత్తం.)

(సహజాతవారమ్పి పచ్చయవారమ్పి నిస్సయవారమ్పి సంసట్ఠవారమ్పి సమ్పయుత్తవారమ్పి పటిచ్చవారసదిసం.)

హేతు-ఆరమ్మణపచ్చయా

౬. హేతు సహేతుకో ధమ్మో హేతుస్స సహేతుకస్స ధమ్మస్స హేతుపచ్చయేన పచ్చయో. హేతు సహేతుకో ధమ్మో నహేతుస్స సహేతుకస్స ధమ్మస్స హేతుపచ్చయేన పచ్చయో. హేతు సహేతుకో ధమ్మో హేతుస్స సహేతుకస్స చ నహేతుస్స సహేతుకస్స చ ధమ్మస్స హేతుపచ్చయేన పచ్చయో. (౩)

౭. హేతు సహేతుకో ధమ్మో హేతుస్స సహేతుకస్స ధమ్మస్స ఆరమ్మణపచ్చయేన పచ్చయో. హేతు సహేతుకో ధమ్మో నహేతుస్స సహేతుకస్స ధమ్మస్స ఆరమ్మణపచ్చయేన పచ్చయో. హేతు సహేతుకో ధమ్మో హేతుస్స సహేతుకస్స చ నహేతుస్స సహేతుకస్స చ ధమ్మస్స ఆరమ్మణపచ్చయేన పచ్చయో. (౩)

నహేతు సహేతుకో ధమ్మో నహేతుస్స సహేతుకస్స ధమ్మస్స ఆరమ్మణపచ్చయేన పచ్చయో. నహేతు సహేతుకో ధమ్మో హేతుస్స సహేతుకస్స ధమ్మస్స ఆరమ్మణపచ్చయేన పచ్చయో. నహేతు సహేతుకో ధమ్మో హేతుస్స సహేతుకస్స చ నహేతుస్స సహేతుకస్స చ ధమ్మస్స ఆరమ్మణపచ్చయేన పచ్చయో. (౩)

హేతు సహేతుకో చ నహేతు సహేతుకో చ ధమ్మా హేతుస్స సహేతుకస్స ధమ్మస్స ఆరమ్మణపచ్చయేన పచ్చయో. హేతు సహేతుకో చ నహేతు సహేతుకో చ ధమ్మా నహేతుస్స సహేతుకస్స ధమ్మస్స ఆరమ్మణపచ్చయేన పచ్చయో. హేతు సహేతుకో చ నహేతు సహేతుకో చ ధమ్మా హేతుస్స సహేతుకస్స చ నహేతుస్స సహేతుకస్స చ ధమ్మస్స ఆరమ్మణపచ్చయేన పచ్చయో. (౩) (సంఖిత్తం.)

౮. హేతుయా తీణి, ఆరమ్మణే నవ…పే… ఉపనిస్సయే నవ అవిగతే నవ. (సంఖిత్తం.)

(యథా కుసలత్తికే పఞ్హావారం, ఏవం విత్థారేతబ్బం.)

అహేతుకపదం

పచ్చయచతుక్కం

౯. హేతుం అహేతుకం ధమ్మం పటిచ్చ నహేతు అహేతుకో ధమ్మో ఉప్పజ్జతి హేతుపచ్చయా. (౧)

నహేతుం అహేతుకం ధమ్మం పటిచ్చ నహేతు అహేతుకో ధమ్మో ఉప్పజ్జతి హేతుపచ్చయా. (౧)

హేతుం అహేతుకఞ్చ నహేతుం అహేతుకఞ్చ ధమ్మం పటిచ్చ నహేతు అహేతుకో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా తీణి, ఆరమ్మణే ఏకం, అవిగతే తీణి. (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౧౦. హేతు అహేతుకో ధమ్మో నహేతుస్స అహేతుకస్స ధమ్మస్స హేతుపచ్చయేన పచ్చయో. (౧)

హేతు అహేతుకో ధమ్మో హేతుస్స అహేతుకస్స ధమ్మస్స ఆరమ్మణపచ్చయేన పచ్చయో. హేతు అహేతుకో ధమ్మో నహేతుస్స అహేతుకస్స ధమ్మస్స ఆరమ్మణపచ్చయేన పచ్చయో. (౨)

నహేతు అహేతుకో ధమ్మో నహేతుస్స అహేతుకస్స ధమ్మస్స ఆరమ్మణపచ్చయేన పచ్చయో. నహేతు అహేతుకో ధమ్మో హేతుస్స అహేతుకస్స ధమ్మస్స ఆరమ్మణపచ్చయేన పచ్చయో. (౨) (సంఖిత్తం.)

౧౧. హేతుయా ఏకం, ఆరమ్మణే చత్తారి, అవిగతే చత్తారి. (సంఖిత్తం.)

(యథా కుసలత్తికే పఞ్హావారం, ఏవం విత్థారేతబ్బం.)