౧-౭-౧౩. కుసలత్తిక-చూళన్తరదుకాని

౧౦. నకుసలో నసప్పచ్చయో ధమ్మో కుసలస్స సప్పచ్చయస్స ధమ్మస్స ఆరమ్మణపచ్చయేన పచ్చయో… ఆరమ్మణే ఛ. (సఙ్ఖతం సప్పచ్చయసదిసం.)

౧౧. నకుసలం నసనిదస్సనం ధమ్మం పటిచ్చ అబ్యాకతో సనిదస్సనో ధమ్మో ఉప్పజ్జతి హేతుపచ్చయా… హేతుయా ఛ.

నకుసలో నఅనిదస్సనో ధమ్మో కుసలస్స అనిదస్సనస్స ధమ్మస్స ఆరమ్మణపచ్చయేన పచ్చయో. (నవ పఞ్హా కాతబ్బా).

౧౨. నకుసలం నసప్పటిఘం ధమ్మం పటిచ్చ అబ్యాకతో సప్పటిఘో ధమ్మో ఉప్పజ్జతి హేతుపచ్చయా… హేతుయా ఛ.

నకుసలం నఅప్పటిఘం ధమ్మం పటిచ్చ అబ్యాకతో అప్పటిఘో ధమ్మో ఉప్పజ్జతి హేతుపచ్చయా… హేతుయా తీణి.

౧౩. నకుసలం నరూపిం ధమ్మం పటిచ్చ అబ్యాకతో రూపీ ధమ్మో ఉప్పజ్జతి హేతుపచ్చయా… హేతుయా ఛ.

నకుసలం నఅరూపిం ధమ్మం పటిచ్చ అబ్యాకతో అరూపీ ధమ్మో ఉప్పజ్జతి హేతుపచ్చయా… హేతుయా తీణి.

౧౪. నకుసలం నలోకియం ధమ్మం పటిచ్చ అబ్యాకతో లోకియో ధమ్మో ఉప్పజ్జతి హేతుపచ్చయా… హేతుయా పఞ్చ.

నకుసలం నలోకుత్తరం ధమ్మం పచ్చయా కుసలో లోకుత్తరో ధమ్మో ఉప్పజ్జతి హేతుపచ్చయా. నకుసలం నలోకుత్తరం ధమ్మం పచ్చయా అబ్యాకతో లోకుత్తరో ధమ్మో ఉప్పజ్జతి హేతుపచ్చయా. (ఛ పఞ్హా కాతబ్బా.)

౧౫. నకుసలం నకేనచి విఞ్ఞేయ్యం ధమ్మం పటిచ్చ అకుసలో కేనచి విఞ్ఞేయ్యో ధమ్మో ఉప్పజ్జతి హేతుపచ్చయా… హేతుయా అట్ఠారస.

నకుసలం నకేనచి నవిఞ్ఞేయ్యం ధమ్మం పటిచ్చ అకుసలో కేనచి విఞ్ఞేయ్యో ధమ్మో ఉప్పజ్జతి హేతుపచ్చయా… హేతుయా అట్ఠారస.