౧-౧. కుసలత్తిక-హేతుదుకం

౧. నకుసలం నహేతుం ధమ్మం పటిచ్చ అకుసలో హేతు ధమ్మో ఉప్పజ్జతి హేతుపచ్చయా. నకుసలం నహేతుం ధమ్మం పటిచ్చ అబ్యాకతో హేతు ధమ్మో ఉప్పజ్జతి హేతుపచ్చయా. (౨)

నఅకుసలం నహేతుం ధమ్మం పటిచ్చ కుసలో హేతు ధమ్మో ఉప్పజ్జతి హేతుపచ్చయా. నఅకుసలం నహేతుం ధమ్మం పటిచ్చ అబ్యాకతో హేతు ధమ్మో ఉప్పజ్జతి హేతుపచ్చయా. (౨)

నఅబ్యాకతం నహేతుం ధమ్మం పటిచ్చ కుసలో హేతు ధమ్మో ఉప్పజ్జతి హేతుపచ్చయా. నఅబ్యాకతం నహేతుం ధమ్మం పటిచ్చ అకుసలో హేతు ధమ్మో ఉప్పజ్జతి హేతుపచ్చయా. (౨)

నకుసలం నహేతుఞ్చ నఅబ్యాకతం నహేతుఞ్చ ధమ్మం పటిచ్చ అకుసలో హేతు ధమ్మో ఉప్పజ్జతి హేతుపచ్చయా. నఅకుసలం నహేతుఞ్చ నఅబ్యాకతం నహేతుఞ్చ ధమ్మం పటిచ్చ కుసలో హేతు ధమ్మో ఉప్పజ్జతి హేతుపచ్చయా. నకుసలం నహేతుఞ్చ నఅకుసలం నహేతుఞ్చ ధమ్మం పటిచ్చ అబ్యాకతో హేతు ధమ్మో ఉప్పజ్జతి హేతుపచ్చయా. తీణి. (సంఖిత్తం.) హేతుయా నవ.

౨. నకుసలం ననహేతుం ధమ్మం పటిచ్చ అకుసలో నహేతు ధమ్మో ఉప్పజ్జతి హేతుపచ్చయా. నకుసలం ననహేతుం ధమ్మం పటిచ్చ అబ్యాకతో నహేతు ధమ్మో ఉప్పజ్జతి హేతుపచ్చయా. నకుసలం ననహేతుం ధమ్మం పటిచ్చ అకుసలో నహేతు చ అబ్యాకతో నహేతు చ ధమ్మా ఉప్పజ్జన్తి హేతుపచ్చయా. తీణి.

నఅకుసలం ననహేతుం ధమ్మం పటిచ్చ కుసలో నహేతు ధమ్మో ఉప్పజ్జతి హేతుపచ్చయా. నఅకుసలం ననహేతుం ధమ్మం పటిచ్చ అబ్యాకతో నహేతు ధమ్మో ఉప్పజ్జతి హేతుపచ్చయా. నఅకుసలం ననహేతుం ధమ్మం పటిచ్చ కుసలో నహేతు చ అబ్యాకతో నహేతు చ ధమ్మా ఉప్పజ్జన్తి హేతుపచ్చయా. తీణి.

నఅబ్యాకతం ననహేతుం ధమ్మం పటిచ్చ అబ్యాకతో నహేతు ధమ్మో ఉప్పజ్జతి హేతుపచ్చయా… పఞ్చ.

నకుసలం ననహేతుఞ్చ నఅబ్యాకతం ననహేతుఞ్చ ధమ్మం పటిచ్చ అకుసలో నహేతు ధమ్మో ఉప్పజ్జతి హేతుపచ్చయా… తీణి.

నఅకుసలం ననహేతుఞ్చ నఅబ్యాకతం ననహేతుఞ్చ ధమ్మం పటిచ్చ కుసలో నహేతు ధమ్మో ఉప్పజ్జతి హేతుపచ్చయా… తీణి.

నకుసలం ననహేతుఞ్చ నఅకుసలం ననహేతుఞ్చ ధమ్మం పటిచ్చ అబ్యాకతో నహేతు ధమ్మో ఉప్పజ్జతి హేతుపచ్చయా. ఏకం… హేతుయా అట్ఠారస.