౨-౪-౧. సహేతుకాదిదుకాని-కుసలత్తికం

౩. నసహేతుకం నకుసలం ధమ్మం పచ్చయా సహేతుకో కుసలో ధమ్మో ఉప్పజ్జతి హేతుపచ్చయా. హేతుయా ఏకం.

నసహేతుకం నఅకుసలం ధమ్మం పచ్చయా సహేతుకో అకుసలో ధమ్మో ఉప్పజ్జతి హేతుపచ్చయా. హేతుయా ఏకం.

౪. నసహేతుకం నఅబ్యాకతం ధమ్మం పటిచ్చ అహేతుకో అబ్యాకతో ధమ్మో ఉప్పజ్జతి హేతుపచ్చయా. నఅహేతుకం నఅబ్యాకతం ధమ్మం పటిచ్చ అహేతుకో అబ్యాకతో ధమ్మో ఉప్పజ్జతి హేతుపచ్చయా. నసహేతుకం నఅబ్యాకతఞ్చ నఅహేతుకం నఅబ్యాకతఞ్చ ధమ్మం పటిచ్చ అహేతుకో అబ్యాకతో ధమ్మో ఉప్పజ్జతి హేతుపచ్చయా… హేతుయా తీణి.

౫. నహేతుసమ్పయుత్తం నకుసలం ధమ్మం పచ్చయా….

౬. నహేతు చేవ నఅహేతుకో చ నకుసలో ధమ్మో హేతుస్స చేవ సహేతుకస్స చ కుసలస్స ధమ్మస్స ఆరమ్మణపచ్చయేన పచ్చయో. నహేతు చేవ నఅహేతుకో చ నకుసలో ధమ్మో సహేతుకస్స చేవ న చ హేతుస్స కుసలస్స ధమ్మస్స ఆరమ్మణపచ్చయేన పచ్చయో. నహేతు చేవ నఅహేతుకో చ నకుసలో ధమ్మో హేతుస్స చేవ సహేతుకస్స కుసలస్స చ సహేతుకస్స చేవ న చ హేతుస్స కుసలస్స చ ధమ్మస్స ఆరమ్మణపచ్చయేన పచ్చయో. తీణి.

నఅహేతుకో చేవ నన చ హేతు నకుసలో ధమ్మో హేతుస్స చేవ సహేతుకస్స చ కుసలస్స ధమ్మస్స ఆరమ్మణపచ్చయేన పచ్చయో… తీణి.

నహేతు చేవ నఅహేతుకో నకుసలో చ నఅహేతుకో చేవ ననహేతు నకుసలో చ ధమ్మా హేతుస్స చేవ సహేతుకస్స చ కుసలస్స ధమ్మస్స ఆరమ్మణపచ్చయేన పచ్చయో… తీణి. (సబ్బత్థ నవ పఞ్హా.)

౭. నహేతు చేవ నఅహేతుకో చ నఅకుసలో ధమ్మో హేతుస్స చేవ సహేతుకస్స చ అకుసలస్స ధమ్మస్స ఆరమ్మణపచ్చయేన పచ్చయో (సంఖిత్తం, నవ పఞ్హా).

నహేతు చేవ నఅహేతుకో చ నఅబ్యాకతో ధమ్మో హేతుస్స చేవ సహేతుకస్స చ అబ్యాకతస్స ధమ్మస్స ఆరమ్మణపచ్చయేన పచ్చయో… తీణి. (నవ పఞ్హా.)