౧౯-౧. ఆసవవిప్పయుత్తసాసవదుక-కుసలత్తికం

౨౧. ఆసవవిప్పయుత్తం నఅనాసవం నకుసలం ధమ్మం పచ్చయా ఆసవవిప్పయుత్తో అనాసవో కుసలో ధమ్మో ఉప్పజ్జతి హేతుపచ్చయా. ఆసవవిప్పయుత్తం నఅనాసవం నకుసలం ధమ్మం పచ్చయా ఆసవవిప్పయుత్తో సాసవో కుసలో ధమ్మో ఉప్పజ్జతి హేతుపచ్చయా. హేతుయా ద్వే.

ఆసవవిప్పయుత్తం నఅనాసవం నఅకుసలం ధమ్మం పచ్చయా ఆసవవిప్పయుత్తో సాసవో అకుసలో ధమ్మో ఉప్పజ్జతి హేతుపచ్చయా. హేతుయా ఏకం.

ఆసవవిప్పయుత్తం నసాసవం నఅబ్యాకతం ధమ్మం పటిచ్చ ఆసవవిప్పయుత్తో సాసవో అబ్యాకతో ధమ్మో ఉప్పజ్జతి హేతుపచ్చయా. ఆసవవిప్పయుత్తం నఅనాసవం నఅబ్యాకతం ధమ్మం పటిచ్చ ఆసవవిప్పయుత్తో సాసవో అబ్యాకతో ధమ్మో ఉప్పజ్జతి హేతుపచ్చయా. హేతుయా ద్వే.