౧-౨. పటిచ్చవారాది

పచ్చయచతుక్కం

హేతు-ఆరమ్మణపచ్చయా

౧. నకుసలం ధమ్మం పటిచ్చ అకుసలో ధమ్మో ఉప్పజ్జతి హేతుపచ్చయా. అకుసలం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా నకుసలం ధమ్మం పటిచ్చ అబ్యాకతో ధమ్మో ఉప్పజ్జతి హేతుపచ్చయా. విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… నకుసలం ధమ్మం పటిచ్చ అకుసలో చ అబ్యాకతో చ ధమ్మా ఉప్పజ్జన్తి హేతుపచ్చయా. తీణి.

నఅకుసలం ధమ్మం పటిచ్చ కుసలో ధమ్మో ఉప్పజ్జతి హేతుపచ్చయా. నఅకుసలం ధమ్మం పటిచ్చ అబ్యాకతో ధమ్మో ఉప్పజ్జతి హేతుపచ్చయా. నఅకుసలం ధమ్మం పటిచ్చ కుసలో చ అబ్యాకతో చ ధమ్మా ఉప్పజ్జన్తి హేతుపచ్చయా. తీణి.

నఅబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి హేతుపచ్చయా. నఅబ్యాకతం ధమ్మం పటిచ్చ కుసలో ధమ్మో ఉప్పజ్జతి హేతుపచ్చయా. నఅబ్యాకతం ధమ్మం పటిచ్చ అకుసలో ధమ్మో ఉప్పజ్జతి హేతుపచ్చయా. నఅబ్యాకతం ధమ్మం పటిచ్చ కుసలో చ అబ్యాకతో చ ధమ్మా ఉప్పజ్జన్తి హేతుపచ్చయా. నఅబ్యాకతం ధమ్మం పటిచ్చ అకుసలో చ అబ్యాకతో చ ధమ్మా ఉప్పజ్జన్తి హేతుపచ్చయా. పఞ్చ.

నకుసలఞ్చ నఅబ్యాకతఞ్చ ధమ్మం పటిచ్చ అకుసలో ధమ్మో ఉప్పజ్జతి హేతుపచ్చయా. నకుసలఞ్చ నఅబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి హేతుపచ్చయా. నకుసలఞ్చ నఅబ్యాకతఞ్చ ధమ్మం పటిచ్చ అకుసలో చ అబ్యాకతో చ ధమ్మా ఉప్పజ్జన్తి హేతుపచ్చయా. తీణి.

నఅకుసలఞ్చ నఅబ్యాకతఞ్చ ధమ్మం పటిచ్చ కుసలో ధమ్మో ఉప్పజ్జతి హేతుపచ్చయా. నఅకుసలఞ్చ నఅబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి హేతుపచ్చయా. నఅకుసలఞ్చ నఅబ్యాకతఞ్చ ధమ్మం పటిచ్చ కుసలో చ అబ్యాకతో చ ధమ్మా ఉప్పజ్జన్తి హేతుపచ్చయా. తీణి.

నకుసలఞ్చ నఅకుసలఞ్చ ధమ్మం పటిచ్చ అబ్యాకతో ధమ్మో ఉప్పజ్జతి హేతుపచ్చయా. ఏకం.

౨. నకుసలం ధమ్మం పటిచ్చ అకుసలో ధమ్మో ఉప్పజ్జతి ఆరమ్మణపచ్చయా. నకుసలం ధమ్మం పటిచ్చ అబ్యాకతో ధమ్మో ఉప్పజ్జతి ఆరమ్మణపచ్చయా. ద్వే.

నఅకుసలం ధమ్మం పటిచ్చ కుసలో ధమ్మో ఉప్పజ్జతి ఆరమ్మణపచ్చయా. నఅకుసలం ధమ్మం పటిచ్చ అబ్యాకతో ధమ్మో ఉప్పజ్జతి ఆరమ్మణపచ్చయా. ద్వే.

నఅబ్యాకతం ధమ్మం పటిచ్చ కుసలో ధమ్మో ఉప్పజ్జతి ఆరమ్మణపచ్చయా. నఅబ్యాకతం ధమ్మం పటిచ్చ అకుసలో ధమ్మో ఉప్పజ్జతి ఆరమ్మణపచ్చయా. ద్వే.

నకుసలఞ్చ నఅబ్యాకతఞ్చ ధమ్మం పటిచ్చ అకుసలో ధమ్మో ఉప్పజ్జతి ఆరమ్మణపచ్చయా. ఏకం.

నఅకుసలఞ్చ నఅబ్యాకతఞ్చ ధమ్మం పటిచ్చ కుసలో ధమ్మో ఉప్పజ్జతి ఆరమ్మణపచ్చయా. ఏకం.

నకుసలఞ్చ నఅకుసలఞ్చ ధమ్మం పటిచ్చ అబ్యాకతో ధమ్మో ఉప్పజ్జతి ఆరమ్మణపచ్చయా. ఏకం. హేతుయా అట్ఠారస, ఆరమ్మణే నవ, అధిపతియా అట్ఠారస…పే… అవిగతే అట్ఠారస.

పచ్చనీయం

నహేతు-నఆరమ్మణపచ్చయా

౩. నకుసలం ధమ్మం పటిచ్చ అకుసలో ధమ్మో ఉప్పజ్జతి నహేతుపచ్చయా. నకుసలం ధమ్మం పటిచ్చ అబ్యాకతో ధమ్మో ఉప్పజ్జతి నహేతుపచ్చయా…పే… నకుసలఞ్చ నఅకుసలఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నహేతుపచ్చయా.

౪. నకుసలం ధమ్మం పటిచ్చ అబ్యాకతో ధమ్మో ఉప్పజ్జతి నఆరమ్మణపచ్చయా…పే… నకుసలఞ్చ నఅకుసలఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నఆరమ్మణపచ్చయా. (సంఖిత్తం.)

౫. నహేతుయా ఛ, నఆరమ్మణే ఛ, నఅధిపతియా అట్ఠారస…పే… నోవిగతే ఛ.

హేతుపచ్చయా నఆరమ్మణే ఛ… (సంఖిత్తం).

నహేతుపచ్చయా ఆరమ్మణే ఛ… (సంఖిత్తం).

(సహజాతవారో పటిచ్చవారసదిసో).