౧౮-౧౯. అతీతత్తికద్వయం

౧-౭. పటిచ్చవారాది

౨౬. నఅతీతో ధమ్మో పచ్చుప్పన్నస్స ధమ్మస్స హేతుపచ్చయేన పచ్చయో. నఅనాగతో ధమ్మో పచ్చుప్పన్నస్స ధమ్మస్స హేతుపచ్చయేన పచ్చయో. నఅతీతో చ నఅనాగతో చ ధమ్మా పచ్చుప్పన్నస్స ధమ్మస్స హేతుపచ్చయేన పచ్చయో. హేతుయా తీణి.

౨౭. నఅతీతారమ్మణం ధమ్మం పటిచ్చ అతీతారమ్మణో ధమ్మో ఉప్పజ్జతి హేతుపచ్చయా. నఅతీతారమ్మణం ధమ్మం పటిచ్చ అనాగతారమ్మణో ధమ్మో ఉప్పజ్జతి హేతుపచ్చయా. నఅతీతారమ్మణం ధమ్మం పటిచ్చ పచ్చుప్పన్నారమ్మణో ధమ్మో ఉప్పజ్జతి హేతుపచ్చయా. తీణి.

నఅనాగతారమ్మణం ధమ్మం పటిచ్చ అతీతారమ్మణో ధమ్మో ఉప్పజ్జతి హేతుపచ్చయా. నఅనాగతారమ్మణం ధమ్మం పటిచ్చ పచ్చుప్పన్నారమ్మణో ధమ్మో ఉప్పజ్జతి హేతుపచ్చయా. ద్వే.

నపచ్చుప్పన్నారమ్మణం ధమ్మం పటిచ్చ పచ్చుప్పన్నారమ్మణో ధమ్మో ఉప్పజ్జతి హేతుపచ్చయా. నపచ్చుప్పన్నారమ్మణం ధమ్మం పటిచ్చ అతీతారమ్మణో ధమ్మో ఉప్పజ్జతి హేతుపచ్చయా. నపచ్చుప్పన్నారమ్మణం ధమ్మం పటిచ్చ అనాగతారమ్మణో ధమ్మో ఉప్పజ్జతి హేతుపచ్చయా. తీణి. (సంఖిత్తం.) హేతుయా సత్తరస.