౧-౬-౧౨. హేతుదుక-చూళన్తరదుకాది

౯. నహేతు అప్పచ్చయో ధమ్మో ననహేతుస్స నఅప్పచ్చయస్స ధమ్మస్స ఆరమ్మణపచ్చయేన పచ్చయో…పే… నహేతు అప్పచ్చయో ధమ్మో నహేతుస్స నఅప్పచ్చయస్స ధమ్మస్స ఆరమ్మణపచ్చయేన పచ్చయో. నహేతు అప్పచ్చయో ధమ్మో నహేతుస్స నఅప్పచ్చయస్స చ ననహేతుస్స నఅప్పచ్చయస్స చ ధమ్మస్స ఆరమ్మణపచ్చయేన పచ్చయో…పే…. (అసఙ్ఖతం అప్పచ్చయసదిసం.)

౧౦. నహేతు సనిదస్సనో ధమ్మో ననహేతుస్స నసనిదస్సనస్స ధమ్మస్స ఆరమ్మణపచ్చయేన పచ్చయో. నహేతు సనిదస్సనో ధమ్మో నహేతుస్స నసనిదస్సనస్స ధమ్మస్స ఆరమ్మణపచ్చయేన పచ్చయో. నహేతు సనిదస్సనో ధమ్మో నహేతుస్స నసనిదస్సనస్స చ ననహేతుస్స నసనిదస్సనస్స చ ధమ్మస్స ఆరమ్మణపచ్చయేన పచ్చయో. ఆరమ్మణే తీణి.

హేతుం అనిదస్సనం ధమ్మం పటిచ్చ నహేతు నఅనిదస్సనో ధమ్మో ఉప్పజ్జతి హేతుపచ్చయా… హేతుయా తీణి.

౧౧. నహేతుం సప్పటిఘం ధమ్మం పటిచ్చ నహేతు నసప్పటిఘో ధమ్మో ఉప్పజ్జతి హేతుపచ్చయా… హేతుయా ఏకం.

హేతుం అప్పటిఘం ధమ్మం పటిచ్చ నహేతు నఅప్పటిఘో ధమ్మో ఉప్పజ్జతి హేతుపచ్చయా… హేతుయా తీణి.

౧౨. నహేతుం రూపిం ధమ్మం పటిచ్చ ననహేతు నరూపీ ధమ్మో ఉప్పజ్జతి హేతుపచ్చయా… హేతుయా తీణి.

హేతుం అరూపిం ధమ్మం పటిచ్చ నహేతు నఅరూపీ ధమ్మో ఉప్పజ్జతి హేతుపచ్చయా… హేతుయా తీణి.

౧౩. నహేతుం లోకియం ధమ్మం పచ్చయా ననహేతు నలోకియో ధమ్మో ఉప్పజ్జతి హేతుపచ్చయా… హేతుయా తీణి.

హేతుం లోకుత్తరం ధమ్మం పటిచ్చ నహేతు నలోకుత్తరో ధమ్మో ఉప్పజ్జతి హేతుపచ్చయా. నహేతుం లోకుత్తరం ధమ్మం పటిచ్చ నహేతు నలోకుత్తరో ధమ్మో ఉప్పజ్జతి హేతుపచ్చయా. హేతుం లోకుత్తరఞ్చ నహేతుం లోకుత్తరఞ్చ ధమ్మం పటిచ్చ నహేతు నలోకుత్తరో ధమ్మో ఉప్పజ్జతి హేతుపచ్చయా. హేతుయా తీణి.

౧౪. హేతుం కేనచి విఞ్ఞేయ్యం ధమ్మం పటిచ్చ నహేతు నకేనచి విఞ్ఞేయ్యో ధమ్మో ఉప్పజ్జతి హేతుపచ్చయా… హేతుయా నవ.

హేతుం నకేనచి విఞ్ఞేయ్యం ధమ్మం పటిచ్చ నహేతు ననకేనచి విఞ్ఞేయ్యో ధమ్మో ఉప్పజ్జతి హేతుపచ్చయా… హేతుయా నవ.