౧౦౦-౧-౬. సరణదుక-హేతుదుకాది

౮౨. సరణం హేతుం ధమ్మం పటిచ్చ నసరణో నహేతు ధమ్మో ఉప్పజ్జతి హేతుపచ్చయా… తీణి.

అరణం హేతుం ధమ్మం పటిచ్చ నసరణో నహేతు ధమ్మో ఉప్పజ్జతి హేతుపచ్చయా. ఏకం… హేతుయా చత్తారి.

సరణం నహేతుం ధమ్మం పటిచ్చ నఅరణో ననహేతు ధమ్మో ఉప్పజ్జతి హేతుపచ్చయా. ఏకం.

అరణం నహేతుం ధమ్మం పటిచ్చ నసరణో ననహేతు ధమ్మో ఉప్పజ్జతి హేతుపచ్చయా. ఏకం… హేతుయా ద్వే.

౮౩. సరణం సహేతుకం ధమ్మం పటిచ్చ నసరణో నసహేతుకో ధమ్మో ఉప్పజ్జతి హేతుపచ్చయా. ఏకం.

అరణం సహేతుకం ధమ్మం పటిచ్చ నసరణో నసహేతుకో ధమ్మో ఉప్పజ్జతి హేతుపచ్చయా. ఏకం… హేతుయా ద్వే.

సరణం అహేతుకం ధమ్మం పటిచ్చ నఅరణో నఅహేతుకో ధమ్మో ఉప్పజ్జతి హేతుపచ్చయా. ఏకం.

అరణం అహేతుకం ధమ్మం పటిచ్చ నసరణో నఅహేతుకో ధమ్మో ఉప్పజ్జతి హేతుపచ్చయా. ఏకం… హేతుయా ద్వే.

౮౪. సరణం హేతుసమ్పయుత్తం ధమ్మం పటిచ్చ నసరణో నహేతుసమ్పయుత్తో ధమ్మో ఉప్పజ్జతి హేతుపచ్చయా. ఏకం. అరణం హేతుసమ్పయుత్తం ధమ్మం పటిచ్చ నసరణో నహేతుసమ్పయుత్తో ధమ్మో ఉప్పజ్జతి హేతుపచ్చయా. ఏకం… హేతుయా ద్వే. (సహేతుకదుకసదిసం.)

౮౫. సరణం హేతుఞ్చేవ సహేతుకఞ్చ ధమ్మం పటిచ్చ నఅరణో నహేతు చేవ నఅహేతుకో చ ధమ్మో ఉప్పజ్జతి హేతుపచ్చయా. ఏకం.

అరణం హేతుఞ్చేవ సహేతుకఞ్చ ధమ్మం పటిచ్చ నసరణో నహేతు చేవ నఅహేతుకో చ ధమ్మో ఉప్పజ్జతి హేతుపచ్చయా. ఏకం… హేతుయా ద్వే.

సరణం సహేతుకఞ్చేవ న చ హేతుం ధమ్మం పటిచ్చ నఅరణో నఅహేతుకో చేవ నన చ హేతు ధమ్మో ఉప్పజ్జతి హేతుపచ్చయా. ఏకం.

అరణం సహేతుకఞ్చేవ న చ హేతుం ధమ్మం పటిచ్చ నసరణో నఅహేతుకో చేవ నన చ హేతు ధమ్మో ఉప్పజ్జతి హేతుపచ్చయా. ఏకం… హేతుయా ద్వే.

౮౬. సరణం హేతుఞ్చేవ హేతుసమ్పయుత్తఞ్చ ధమ్మం పటిచ్చ నఅరణో నహేతు చేవ నహేతువిప్పయుత్తో చ ధమ్మో ఉప్పజ్జతి హేతుపచ్చయా. (హేతుసహేతుకదుకసదిసం.)

౮౭. సరణం నహేతుం సహేతుకం ధమ్మం పటిచ్చ నసరణో నహేతు నసహేతుకో ధమ్మో ఉప్పజ్జతి హేతుపచ్చయా. ఏకం.

అరణం నహేతుం సహేతుకం ధమ్మం పటిచ్చ నసరణో నహేతు నసహేతుకో ధమ్మో ఉప్పజ్జతి హేతుపచ్చయా. ఏకం… హేతుయా ద్వే.

అరణం నహేతుం అహేతుకం ధమ్మం పటిచ్చ నసరణో నహేతు నఅహేతుకో ధమ్మో ఉప్పజ్జతి హేతుపచ్చయా. హేతుయా ఏకం.