౧-౩. కుసలత్తిక-ఉపాదిన్నత్తికం

౧౨. అబ్యాకతం ఉపాదిన్నుపాదానియం ధమ్మం పటిచ్చ నకుసలో నఉపాదిన్నుపాదానియో ధమ్మో ఉప్పజ్జతి హేతుపచ్చయా. అబ్యాకతం ఉపాదిన్నుపాదానియం ధమ్మం పటిచ్చ నఅకుసలో నఉపాదిన్నుపాదానియో ధమ్మో ఉప్పజ్జతి హేతుపచ్చయా. అబ్యాకతం ఉపాదిన్నుపాదానియం ధమ్మం పటిచ్చ నకుసలో నఉపాదిన్నుపాదానియో చ నఅకుసలో నఉపాదిన్నుపాదానియో చ ధమ్మా ఉప్పజ్జన్తి హేతుపచ్చయా. హేతుయా తీణి.

౧౩. కుసలో అనుపాదిన్నుపాదానియో ధమ్మో నకుసలస్స నఅనుపాదిన్నుపాదానియస్స ధమ్మస్స ఆరమ్మణపచ్చయేన పచ్చయో. కుసలో అనుపాదిన్నుపాదానియో ధమ్మో నఅకుసలస్స నఅనుపాదిన్నుపాదానియస్స ధమ్మస్స ఆరమ్మణపచ్చయేన పచ్చయో. కుసలో అనుపాదిన్నుపాదానియో ధమ్మో నకుసలస్స నఅనుపాదిన్నుపాదానియస్స చ నఅకుసలస్స నఅనుపాదిన్నుపాదానియస్స చ ధమ్మస్స ఆరమ్మణపచ్చయేన పచ్చయో. తీణి.

అకుసలే తీణి. అబ్యాకతం అనుపాదిన్నుపాదానియే తీణియేవ…పే….

౧౪. కుసలం అనుపాదిన్నఅనుపాదానియం ధమ్మం పటిచ్చ నకుసలో నఅనుపాదిన్నఅనుపాదానియో ధమ్మో ఉప్పజ్జతి హేతుపచ్చయా… తీణి.

అబ్యాకతం అనుపాదిన్నఅనుపాదానియం ధమ్మం పటిచ్చ నకుసలో నఅనుపాదిన్నఅనుపాదానియో ధమ్మో ఉప్పజ్జతి హేతుపచ్చయా… తీణి. …హేతుయా ఛ.