౨-౧. వేదనాత్తిక-కుసలత్తికం

౩౬. సుఖాయ వేదనాయ సమ్పయుత్తం కుసలం ధమ్మం పటిచ్చ నసుఖాయ వేదనాయ సమ్పయుత్తో నకుసలో ధమ్మో ఉప్పజ్జతి హేతుపచ్చయా. సుఖాయ వేదనాయ సమ్పయుత్తం కుసలం ధమ్మం పటిచ్చ నదుక్ఖాయ వేదనాయ సమ్పయుత్తో నకుసలో ధమ్మో ఉప్పజ్జతి హేతుపచ్చయా. సుఖాయ వేదనాయ సమ్పయుత్తం కుసలం ధమ్మం పటిచ్చ నఅదుక్ఖమసుఖాయ వేదనాయ సమ్పయుత్తో నకుసలో ధమ్మో ఉప్పజ్జతి హేతుపచ్చయా. సుఖాయ వేదనాయ సమ్పయుత్తం కుసలం ధమ్మం పటిచ్చ నసుఖాయ వేదనాయ సమ్పయుత్తో నకుసలో చ నఅదుక్ఖమసుఖాయ వేదనాయ సమ్పయుత్తో నకుసలో చ ధమ్మా ఉప్పజ్జన్తి హేతుపచ్చయా. సుఖాయ వేదనాయ సమ్పయుత్తం కుసలం ధమ్మం పటిచ్చ నదుక్ఖాయ వేదనాయ సమ్పయుత్తో నకుసలో చ నఅదుక్ఖమసుఖాయ వేదనాయ సమ్పయుత్తో నకుసలో చ ధమ్మా ఉప్పజ్జన్తి హేతుపచ్చయా. సుఖాయ వేదనాయ సమ్పయుత్తం కుసలం ధమ్మం పటిచ్చ నసుఖాయ వేదనాయ సమ్పయుత్తో నకుసలో చ నదుక్ఖాయ వేదనాయ సమ్పయుత్తో నకుసలో చ ధమ్మా ఉప్పజ్జన్తి హేతుపచ్చయా. సుఖాయ వేదనాయ సమ్పయుత్తం కుసలం ధమ్మం పటిచ్చ నసుఖాయ వేదనాయ సమ్పయుత్తో నకుసలో చ నదుక్ఖాయ వేదనాయ సమ్పయుత్తో నకుసలో చ నఅదుక్ఖమసుఖాయ వేదనాయ సమ్పయుత్తో నకుసలో చ ధమ్మా ఉప్పజ్జన్తి హేతుపచ్చయా. సత్త.

అదుక్ఖమసుఖాయ వేదనాయ సమ్పయుత్తం కుసలం ధమ్మం పటిచ్చ నఅదుక్ఖమసుఖాయ వేదనాయ సమ్పయుత్తో నకుసలో ధమ్మో ఉప్పజ్జతి హేతుపచ్చయా… సత్త… హేతుయా చుద్దస.

౩౭. సుఖాయ వేదనాయ సమ్పయుత్తం అకుసలం ధమ్మం పటిచ్చ నసుఖాయ వేదనాయ సమ్పయుత్తో నకుసలో ధమ్మో ఉప్పజ్జతి హేతుపచ్చయా… సత్త.

దుక్ఖాయ వేదనాయ సమ్పయుత్తం అకుసలం ధమ్మం పటిచ్చ నదుక్ఖాయ వేదనాయ సమ్పయుత్తో నఅకుసలో ధమ్మో ఉప్పజ్జతి హేతుపచ్చయా… సత్త.

అదుక్ఖమసుఖాయ వేదనాయ సమ్పయుత్తం అకుసలం ధమ్మం పటిచ్చ నఅదుక్ఖమసుఖాయ వేదనాయ సమ్పయుత్తో నఅకుసలో ధమ్మో ఉప్పజ్జతి హేతుపచ్చయా… సత్త. (ఏకవీసతి పఞ్హా.)

౩౮. సుఖాయ వేదనాయ సమ్పయుత్తో అబ్యాకతో ధమ్మో నసుఖాయ వేదనాయ సమ్పయుత్తస్స నఅబ్యాకతస్స ధమ్మస్స ఆరమ్మణపచ్చయేన పచ్చయో. (సంఖిత్తం.)

ఆరమ్మణే ఏకవీసతి. (దుక్ఖాయ వేదనాయ సమ్పయుత్తఅబ్యాకతమూలం అదుక్ఖమసుఖాయ వేదనాయ సమ్పయుత్తఅబ్యాకతమూలమ్పి కాతబ్బం.)