౨౨-౧౩. సనిదస్సనత్తిక-కేనచివిఞ్ఞేయ్యదుకం

౧౦౦. అనిదస్సనసప్పటిఘం కేనచి విఞ్ఞేయ్యం ధమ్మం పటిచ్చ నఅనిదస్సనసప్పటిఘో నకేనచి విఞ్ఞేయ్యో ధమ్మో ఉప్పజ్జతి హేతుపచ్చయా. అనిదస్సనసప్పటిఘం కేనచి విఞ్ఞేయ్యం ధమ్మం పటిచ్చ నసనిదస్సనసప్పటిఘో నకేనచి విఞ్ఞేయ్యో ధమ్మో ఉప్పజ్జతి హేతుపచ్చయా. అనిదస్సనసప్పటిఘం కేనచి విఞ్ఞేయ్యం ధమ్మం పటిచ్చ నఅనిదస్సనఅప్పటిఘో నకేనచి విఞ్ఞేయ్యో ధమ్మో ఉప్పజ్జతి హేతుపచ్చయా…పే… అనిదస్సనసప్పటిఘం కేనచి విఞ్ఞేయ్యం ధమ్మం పటిచ్చ నసనిదస్సనసప్పటిఘో నకేనచి విఞ్ఞేయ్యో చ నఅనిదస్సనసప్పటిఘో నకేనచి విఞ్ఞేయ్యో చ ధమ్మా ఉప్పజ్జన్తి హేతుపచ్చయా… ఛ.

అనిదస్సనఅప్పటిఘం కేనచి విఞ్ఞేయ్యం ధమ్మం పటిచ్చ నఅనిదస్సనఅప్పటిఘో నకేనచి విఞ్ఞేయ్యో ధమ్మో ఉప్పజ్జతి హేతుపచ్చయా… ఛ.

అనిదస్సనసప్పటిఘం కేనచి విఞ్ఞేయ్యఞ్చ అనిదస్సనఅప్పటిఘం కేనచి విఞ్ఞేయ్యఞ్చ ధమ్మం పటిచ్చ నసనిదస్సనసప్పటిఘో నకేనచి విఞ్ఞేయ్యో ధమ్మో ఉప్పజ్జతి హేతుపచ్చయా… ఛ… హేతుయా అట్ఠారస.

అనిదస్సనసప్పటిఘం కేనచి విఞ్ఞేయ్యం ధమ్మం పటిచ్చ నసనిదస్సనసప్పటిఘో ననకేనచి విఞ్ఞేయ్యో ధమ్మో ఉప్పజ్జతి హేతుపచ్చయా… హేతుయా అట్ఠారస.