౧-౭. పటిచ్చవారాది

పచ్చయచతుక్కం

హేతుపచ్చయో

౬. కుసలం సహేతుకం ధమ్మం పటిచ్చ నకుసలో నసహేతుకో ధమ్మో ఉప్పజ్జతి హేతుపచ్చయా. కుసలం సహేతుకం ధమ్మం పటిచ్చ నఅకుసలో నసహేతుకో ధమ్మో ఉప్పజ్జతి హేతుపచ్చయా. కుసలం సహేతుకం ధమ్మం పటిచ్చ నకుసలో నసహేతుకో చ నఅకుసలో నసహేతుకో చ ధమ్మా ఉప్పజ్జన్తి హేతుపచ్చయా. తీణి.

అకుసలం సహేతుకం ధమ్మం పటిచ్చ నఅకుసలో నసహేతుకో ధమ్మో ఉప్పజ్జతి హేతుపచ్చయా. అకుసలం సహేతుకం ధమ్మం పటిచ్చ నకుసలో నసహేతుకో ధమ్మో ఉప్పజ్జతి హేతుపచ్చయా. అకుసలం సహేతుకం ధమ్మం పటిచ్చ నకుసలో నసహేతుకో చ నఅకుసలో నసహేతుకో చ ధమ్మా ఉప్పజ్జన్తి హేతుపచ్చయా. తీణి.

అబ్యాకతం సహేతుకం ధమ్మం పటిచ్చ నకుసలో నసహేతుకో ధమ్మో ఉప్పజ్జతి హేతుపచ్చయా. అబ్యాకతం సహేతుకం ధమ్మం పటిచ్చ నఅకుసలో నసహేతుకో ధమ్మో ఉప్పజ్జతి హేతుపచ్చయా. అబ్యాకతం సహేతుకం ధమ్మం పటిచ్చ నకుసలో నసహేతుకో చ నఅకుసలో నసహేతుకో చ ధమ్మా ఉప్పజ్జన్తి హేతుపచ్చయా. తీణి.

హేతుయా నవ, ఆరమ్మణే తీణి…పే… అవిగతే ఏకాదస. (సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౭. కుసలో సహేతుకో ధమ్మో నకుసలస్స నసహేతుకస్స ధమ్మస్స హేతుపచ్చయేన పచ్చయో. కుసలో సహేతుకో ధమ్మో నఅకుసలస్స నసహేతుకస్స ధమ్మస్స హేతుపచ్చయేన పచ్చయో. కుసలో సహేతుకో ధమ్మో నకుసలస్స నసహేతుకస్స చ నఅకుసలస్స నసహేతుకస్స చ ధమ్మస్స హేతుపచ్చయేన పచ్చయో. తీణి.

అకుసలో సహేతుకో ధమ్మో నఅకుసలస్స నసహేతుకస్స ధమ్మస్స హేతుపచ్చయేన పచ్చయో. అకుసలో సహేతుకో ధమ్మో నకుసలస్స నసహేతుకస్స ధమ్మస్స హేతుపచ్చయేన పచ్చయో. అకుసలో సహేతుకో ధమ్మో నకుసలస్స నసహేతుకస్స చ నఅకుసలస్స నసహేతుకస్స చ ధమ్మస్స హేతుపచ్చయేన పచ్చయో. తీణి.

అబ్యాకతో సహేతుకో ధమ్మో నకుసలస్స నసహేతుకస్స ధమ్మస్స హేతుపచ్చయేన పచ్చయో. అబ్యాకతో సహేతుకో ధమ్మో నఅకుసలస్స నసహేతుకస్స ధమ్మస్స హేతుపచ్చయేన పచ్చయో. అబ్యాకతో సహేతుకో ధమ్మో నకుసలస్స నసహేతుకస్స చ నఅకుసలస్స నసహేతుకస్స చ ధమ్మస్స హేతుపచ్చయేన పచ్చయో. తీణి. (సంఖిత్తం.)

౮. హేతుయా నవ, ఆరమ్మణే పన్నరస…పే… అవిగతే ఏకాదస.

౯. అకుసలం అహేతుకం ధమ్మం పటిచ్చ నకుసలో నఅహేతుకో ధమ్మో ఉప్పజ్జతి హేతుపచ్చయా. అకుసలం అహేతుకం ధమ్మం పటిచ్చ నఅబ్యాకతో నఅహేతుకో ధమ్మో ఉప్పజ్జతి హేతుపచ్చయా. అకుసలం అహేతుకం ధమ్మం పటిచ్చ నకుసలో నఅహేతుకో చ నఅబ్యాకతో నఅహేతుకో చ ధమ్మా ఉప్పజ్జన్తి హేతుపచ్చయా. తీణి.

అబ్యాకతం అహేతుకం ధమ్మం పటిచ్చ నకుసలో నఅహేతుకో ధమ్మో ఉప్పజ్జతి హేతుపచ్చయా. అబ్యాకతం అహేతుకం ధమ్మం పటిచ్చ నఅకుసలో నఅహేతుకో ధమ్మో ఉప్పజ్జతి హేతుపచ్చయా. అబ్యాకతం అహేతుకం ధమ్మం పటిచ్చ నకుసలో నఅహేతుకో చ నఅకుసలో నఅహేతుకో చ ధమ్మా ఉప్పజ్జన్తి హేతుపచ్చయా. తీణి.

హేతుయా ఛ, ఆరమ్మణే ఛ…పే… అవిగతే ఛ.