౧-౭. పటిచ్చవారాది

పచ్చయచతుక్కం

హేతుపచ్చయో

౧. కుసలం హేతుం ధమ్మం పటిచ్చ నకుసలో నహేతు ధమ్మో ఉప్పజ్జతి హేతుపచ్చయా. కుసలం హేతుం ధమ్మం పటిచ్చ నఅకుసలో నహేతు ధమ్మో ఉప్పజ్జతి హేతుపచ్చయా. కుసలం హేతుం ధమ్మం పటిచ్చ నఅబ్యాకతో నహేతు ధమ్మో ఉప్పజ్జతి హేతుపచ్చయా. కుసలం హేతుం ధమ్మం పటిచ్చ నఅకుసలో నహేతు చ నఅబ్యాకతో నహేతు చ ధమ్మా ఉప్పజ్జన్తి హేతుపచ్చయా. కుసలం హేతుం ధమ్మం పటిచ్చ నకుసలో నహేతు చ నఅకుసలో నహేతు చ ధమ్మా ఉప్పజ్జన్తి హేతుపచ్చయా. (౫)

అకుసలం హేతుం ధమ్మం పటిచ్చ నఅకుసలో నహేతు ధమ్మో ఉప్పజ్జతి హేతుపచ్చయా. అకుసలం హేతుం ధమ్మం పటిచ్చ నకుసలో నహేతు ధమ్మో ఉప్పజ్జతి హేతుపచ్చయా. అకుసలం హేతుం ధమ్మం పటిచ్చ నఅబ్యాకతో నహేతు ధమ్మో ఉప్పజ్జతి హేతుపచ్చయా. అకుసలం హేతుం ధమ్మం పటిచ్చ నకుసలో నహేతు చ నఅబ్యాకతో నహేతు చ ధమ్మా ఉప్పజ్జన్తి హేతుపచ్చయా. అకుసలం హేతుం ధమ్మం పటిచ్చ నకుసలో నహేతు చ నఅకుసలో నహేతు చ ధమ్మా ఉప్పజ్జన్తి హేతుపచ్చయా. (౫)

అబ్యాకతం హేతుం ధమ్మం పటిచ్చ నకుసలో నహేతు ధమ్మో ఉప్పజ్జతి హేతుపచ్చయా. అబ్యాకతం హేతుం ధమ్మం పటిచ్చ నఅకుసలో నహేతు ధమ్మో ఉప్పజ్జతి హేతుపచ్చయా. అబ్యాకతం హేతుం ధమ్మం పటిచ్చ నకుసలో నహేతు చ నఅకుసలో నహేతు చ ధమ్మా ఉప్పజ్జన్తి హేతుపచ్చయా. (౩) (సంఖిత్తం.)

హేతుయా తేరస, ఆరమ్మణే నవ…పే… అవిగతే తేరస.

పచ్చనీయం

నఆరమ్మణపచ్చయో

౨. కుసలం హేతుం ధమ్మం పటిచ్చ నకుసలో నహేతు ధమ్మో ఉప్పజ్జతి నఆరమ్మణపచ్చయా. (సంఖిత్తం.)

నఆరమ్మణే నవ, నఅధిపతియా తేరస…పే… నవిప్పయుత్తే నవ.

(సహజాతవారమ్పి…పే… సమ్పయుత్తవారమ్పి పటిచ్చవారసదిసం విత్థారేతబ్బం.)

హేతు-ఆరమ్మణపచ్చయా

౩. కుసలో హేతు ధమ్మో నకుసలస్స నహేతుస్స ధమ్మస్స హేతుపచ్చయేన పచ్చయో. కుసలో హేతు ధమ్మో నఅకుసలస్స నహేతుస్స ధమ్మస్స హేతుపచ్చయేన పచ్చయో. కుసలో హేతు ధమ్మో నఅబ్యాకతస్స నహేతుస్స ధమ్మస్స హేతుపచ్చయేన పచ్చయో. కుసలో హేతు ధమ్మో నఅకుసలస్స నహేతుస్స చ నఅబ్యాకతస్స నహేతుస్స చ ధమ్మస్స హేతుపచ్చయేన పచ్చయో. కుసలో హేతు ధమ్మో నకుసలస్స నహేతుస్స చ నఅకుసలస్స నహేతుస్స చ ధమ్మస్స హేతుపచ్చయేన పచ్చయో. (౫)

అకుసలో హేతు ధమ్మో నఅకుసలస్స నహేతుస్స ధమ్మస్స హేతుపచ్చయేన పచ్చయో… పఞ్చ.

అబ్యాకతో హేతు ధమ్మో నకుసలస్స నహేతుస్స ధమ్మస్స హేతుపచ్చయేన పచ్చయో… తీణి.

కుసలో హేతు ధమ్మో నకుసలస్స నహేతుస్స ధమ్మస్స ఆరమ్మణపచ్చయేన పచ్చయో. (సంఖిత్తం.)

౪. హేతుయా తేరస, ఆరమ్మణే అట్ఠారస…పే… అవిగతే తేరస. (పఞ్హావారం విత్థారేతబ్బం.)

౫. కుసలం నహేతుం ధమ్మం పటిచ్చ నఅకుసలో ననహేతు ధమ్మో ఉప్పజ్జతి హేతుపచ్చయా. కుసలం నహేతుం ధమ్మం పటిచ్చ నఅబ్యాకతో ననహేతు ధమ్మో ఉప్పజ్జతి హేతుపచ్చయా. (సంఖిత్తం.)

హేతుయా నవ, ఆరమ్మణే నవ…పే… అవిగతే నవ. (సబ్బత్థ నవ.)