౧-౫౫. కుసలత్తిక-సారమ్మణదుకం

౩౧. కుసలం సారమ్మణం ధమ్మం పటిచ్చ నకుసలో నసారమ్మణో ధమ్మో ఉప్పజ్జతి హేతుపచ్చయా. కుసలం సారమ్మణం ధమ్మం పటిచ్చ నఅకుసలో నసారమ్మణో ధమ్మో ఉప్పజ్జతి హేతుపచ్చయా. కుసలం సారమ్మణం ధమ్మం పటిచ్చ నకుసలో నసారమ్మణో చ నఅకుసలో నసారమ్మణో చ ధమ్మా ఉప్పజ్జన్తి హేతుపచ్చయా. తీణి.

అకుసలం సారమ్మణం ధమ్మం పటిచ్చ నఅకుసలో నసారమ్మణో ధమ్మో ఉప్పజ్జతి హేతుపచ్చయా. అకుసలం సారమ్మణం ధమ్మం పటిచ్చ నకుసలో నసారమ్మణో ధమ్మో ఉప్పజ్జతి హేతుపచ్చయా. అకుసలం సారమ్మణం ధమ్మం పటిచ్చ నకుసలో నసారమ్మణో చ నఅకుసలో నసారమ్మణో చ ధమ్మా ఉప్పజ్జన్తి హేతుపచ్చయా. తీణి.

అబ్యాకతం సారమ్మణం ధమ్మం పటిచ్చ నకుసలో నసారమ్మణో ధమ్మో ఉప్పజ్జతి హేతుపచ్చయా. తీణి.

హేతుయా నవ.

౩౨. అబ్యాకతం అనారమ్మణం ధమ్మం పటిచ్చ నకుసలో నఅనారమ్మణో ధమ్మో ఉప్పజ్జతి హేతుపచ్చయా. అబ్యాకతం అనారమ్మణం ధమ్మం పటిచ్చ నఅకుసలో నఅనారమ్మణో ధమ్మో ఉప్పజ్జతి హేతుపచ్చయా. అబ్యాకతం అనారమ్మణం ధమ్మం పటిచ్చ నకుసలో నఅనారమ్మణో చ నఅకుసలో నఅనారమ్మణో చ ధమ్మా ఉప్పజ్జన్తి హేతుపచ్చయా. (సంఖిత్తం.) హేతుయా తీణి.