౧-౭. పటిచ్చవారాది

౧. హేతుం కుసలం ధమ్మం పటిచ్చ నహేతు నకుసలో ధమ్మో ఉప్పజ్జతి హేతుపచ్చయా. నహేతుం కుసలం ధమ్మం పటిచ్చ ననహేతు నకుసలో ధమ్మో ఉప్పజ్జతి హేతుపచ్చయా. హేతుం కుసలఞ్చ నహేతుం కుసలఞ్చ ధమ్మం పటిచ్చ నహేతు నకుసలో ధమ్మో ఉప్పజ్జతి హేతుపచ్చయా… తీణి (చిత్తసముట్ఠానమేవ, ఆరమ్మణం నత్థి).

హేతుయా తీణి, అధిపతియా తీణి…పే… అవిగతే తీణి.

(సహజాతవారమ్పి…పే… నిస్సయవారమ్పి పటిచ్చవారసదిసం.)

౨. హేతు కుసలో ధమ్మో నహేతుస్స నకుసలస్స ధమ్మస్స హేతుపచ్చయేన పచ్చయో. (౧)

హేతు కుసలో ధమ్మో నహేతుస్స నకుసలస్స ధమ్మస్స ఆరమ్మణపచ్చయేన పచ్చయో… తీణి.

నహేతు కుసలో ధమ్మో ననహేతుస్స నకుసలస్స ధమ్మస్స ఆరమ్మణపచ్చయేన పచ్చయో… తీణి.

హేతు కుసలో చ నహేతు కుసలో చ ధమ్మా నహేతుస్స నకుసలస్స ధమ్మస్స ఆరమ్మణపచ్చయేన పచ్చయో… తీణి. (సంఖిత్తం.)

౩. హేతుయా ఏకం, ఆరమ్మణే నవ, అధిపతియా నవ…పే… అవిగతే తీణి. (పఞ్హావారమ్పి విత్థారేతబ్బం.)