౭. పఞ్హావారో

౫౪. సరణో ధమ్మో నసరణస్స ధమ్మస్స హేతుపచ్చయేన పచ్చయో. సరణో ధమ్మో నఅరణస్స ధమ్మస్స హేతుపచ్చయేన పచ్చయో. సరణో ధమ్మో నసరణస్స చ నఅరణస్స చ ధమ్మస్స హేతుపచ్చయేన పచ్చయో. (౩)

అరణో ధమ్మో నసరణస్స ధమ్మస్స హేతుపచ్చయేన పచ్చయో. (౧)

౫౫. సరణో ధమ్మో నసరణస్స ధమ్మస్స ఆరమ్మణపచ్చయేన పచ్చయో. సరణో ధమ్మో నఅరణస్స ధమ్మస్స ఆరమ్మణపచ్చయేన పచ్చయో. (సంఖిత్తం.)

హేతుయా చత్తారి, ఆరమ్మణే చత్తారి, అధిపతియా పఞ్చ, అనన్తరే చత్తారి…పే… అవిగతే సత్త.

పచ్చనీయుద్ధారో

౫౬. సరణో ధమ్మో నసరణస్స ధమ్మస్స ఆరమ్మణపచ్చయేన పచ్చయో, సహజాతపచ్చయేన పచ్చయో, ఉపనిస్సయపచ్చయేన పచ్చయో, పచ్ఛాజాతపచ్చయేన పచ్చయో, కమ్మపచ్చయేన పచ్చయో.

సరణో ధమ్మో నఅరణస్స ధమ్మస్స ఆరమ్మణపచ్చయేన పచ్చయో, సహజాతపచ్చయేన పచ్చయో, ఉపనిస్సయపచ్చయేన పచ్చయో. (సంఖిత్తం.)

౫౭. నహేతుయా సత్త, నఆరమ్మణే సత్త, నఅధిపతియా సత్త, నఅనన్తరే సత్త…పే… నోఅవిగతే చత్తారి.

హేతుపచ్చయా నఆరమ్మణే చత్తారి. (సంఖిత్తం.)

నహేతుపచ్చయా ఆరమ్మణే చత్తారి. (సంఖిత్తం.)

(యథా కుసలత్తికే పఞ్హావారం ఏవం విత్థారేతబ్బం.)

ధమ్మానులోమపచ్చనీయే దుకపట్ఠానం నిట్ఠితం.