౧. పచ్చయానులోమం

హేతుపచ్చయో

౧. హేతుం ధమ్మం పటిచ్చ నహేతు ధమ్మో ఉప్పజ్జతి హేతుపచ్చయా – హేతుం ధమ్మం పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం; పటిసన్ధిక్ఖణే…పే… హేతుం ధమ్మం పటిచ్చ ననహేతు ధమ్మో ఉప్పజ్జతి హేతుపచ్చయా. హేతుం ధమ్మం పటిచ్చ నహేతు చ ననహేతు చ ధమ్మా ఉప్పజ్జన్తి హేతుపచ్చయా. (౩)

నహేతుం ధమ్మం పటిచ్చ ననహేతు ధమ్మో ఉప్పజ్జతి హేతుపచ్చయా. నహేతుం ధమ్మం పటిచ్చ నహేతు ధమ్మో ఉప్పజ్జతి హేతుపచ్చయా. నహేతుం ధమ్మం పటిచ్చ నహేతు చ ననహేతు చ ధమ్మా ఉప్పజ్జన్తి హేతుపచ్చయా. (౩)

హేతుఞ్చ నహేతుఞ్చ ధమ్మం పటిచ్చ నహేతు ధమ్మో ఉప్పజ్జతి హేతుపచ్చయా. హేతుఞ్చ నహేతుఞ్చ ధమ్మం పటిచ్చ ననహేతు ధమ్మో ఉప్పజ్జతి హేతుపచ్చయా. హేతుఞ్చ నహేతుఞ్చ ధమ్మం పటిచ్చ నహేతు చ ననహేతు చ ధమ్మా ఉప్పజ్జన్తి హేతుపచ్చయా. (౩) (సంఖిత్తం.)

హేతుయా నవ, ఆరమ్మణే నవ…పే… అవిగతే నవ. (సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

హేతు-ఆరమ్మణపచ్చయా

౨. హేతు ధమ్మో నహేతుస్స ధమ్మస్స హేతుపచ్చయేన పచ్చయో… తీణి.

హేతు ధమ్మో నహేతుస్స ధమ్మస్స ఆరమ్మణపచ్చయేన పచ్చయో… తీణి.

నహేతు ధమ్మో ననహేతుస్స ధమ్మస్స ఆరమ్మణపచ్చయేన పచ్చయో… తీణి.

హేతు చ నహేతు చ ధమ్మా నహేతుస్స ధమ్మస్స ఆరమ్మణపచ్చయేన పచ్చయో… తీణి. (సంఖిత్తం.)

౩. హేతుయా తీణి, ఆరమ్మణే నవ…పే… అవిగతే నవ. (పఞ్హావారమ్పి ఏవం విత్థారేతబ్బం.)