౧-౭. పటిచ్చవారాది

౨౬. చేతసికం ధమ్మం పటిచ్చ నచేతసికో ధమ్మో ఉప్పజ్జతి హేతుపచ్చయా.

౨౭. చిత్తసమ్పయుత్తం ధమ్మం పటిచ్చ నచిత్తసమ్పయుత్తో ధమ్మో ఉప్పజ్జతి హేతుపచ్చయా…పే….

చిత్తసంసట్ఠం ధమ్మం పటిచ్చ నచిత్తసంసట్ఠో ధమ్మో ఉప్పజ్జతి హేతుపచ్చయా.

౨౮. చిత్తసముట్ఠానం ధమ్మం పటిచ్చ నచిత్తసముట్ఠానో ధమ్మో ఉప్పజ్జతి హేతుపచ్చయా.

౨౯. చిత్తసహభుం ధమ్మం పటిచ్చ నచిత్తసహభూ ధమ్మో ఉప్పజ్జతి హేతుపచ్చయా…పే… చిత్తానుపరివత్తిం ధమ్మం పటిచ్చ నచిత్తానుపరివత్తీ ధమ్మో ఉప్పజ్జతి హేతుపచ్చయా…పే… చిత్తసంసట్ఠసముట్ఠానం ధమ్మం పటిచ్చ నచిత్తసంసట్ఠసముట్ఠానో ధమ్మో ఉప్పజ్జతి హేతుపచ్చయా…పే… చిత్తసంసట్ఠసముట్ఠానసహభుం ధమ్మం పటిచ్చ నచిత్తసంసట్ఠసముట్ఠానసహభూ ధమ్మో ఉప్పజ్జతి హేతుపచ్చయా…పే… చిత్తసంసట్ఠసముట్ఠానానుపరివత్తిం ధమ్మం పటిచ్చ నచిత్తసంసట్ఠసముట్ఠానానుపరివత్తీ ధమ్మో ఉప్పజ్జతి హేతుపచ్చయా.

౩౦. అజ్ఝత్తికం ధమ్మం పటిచ్చ నఅజ్ఝత్తికో ధమ్మో ఉప్పజ్జతి హేతుపచ్చయా… తీణి.

బాహిరం ధమ్మం పటిచ్చ నబాహిరో ధమ్మో ఉప్పజ్జతి హేతుపచ్చయా… తీణి.

అజ్ఝత్తికఞ్చ బాహిరఞ్చ ధమ్మం పటిచ్చ నఅజ్ఝత్తికో ధమ్మో ఉప్పజ్జతి హేతుపచ్చయా… తీణి.

౩౧. ఉపాదా ధమ్మం పటిచ్చ నోఉపాదా ధమ్మో ఉప్పజ్జతి హేతుపచ్చయా. (౧)

నోఉపాదా ధమ్మం పటిచ్చ ననోఉపాదా ధమ్మో ఉప్పజ్జతి హేతుపచ్చయా… తీణి.

ఉపాదా చ నోఉపాదా చ ధమ్మం పటిచ్చ నోఉపాదా ధమ్మో ఉప్పజ్జతి హేతుపచ్చయా. (౧)

౩౨. ఉపాదిన్నం ధమ్మం పటిచ్చ నఉపాదిన్నో ధమ్మో ఉప్పజ్జతి హేతుపచ్చయా… తీణి.

అనుపాదిన్నం ధమ్మం పటిచ్చ నఅనుపాదిన్నో ధమ్మో ఉప్పజ్జతి హేతుపచ్చయా. (౧)

ఉపాదిన్నఞ్చ అనుపాదిన్నఞ్చ ధమ్మం పటిచ్చ నఉపాదిన్నో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా పఞ్చ…పే… అవిగతే పఞ్చ. (సబ్బత్థ విత్థారో.)

మహన్తరదుకం నిట్ఠితం.