౧౬. ఆసవసమ్పయుత్తదుకం

౧-౭. పటిచ్చవారాది

౧౮. ఆసవసమ్పయుత్తం ధమ్మం పటిచ్చ నఆసవసమ్పయుత్తో ధమ్మో ఉప్పజ్జతి హేతుపచ్చయా. ఆసవసమ్పయుత్తం ధమ్మం పటిచ్చ నఆసవవిప్పయుత్తో ధమ్మో ఉప్పజ్జతి హేతుపచ్చయా. ఆసవసమ్పయుత్తం ధమ్మం పటిచ్చ నఆసవసమ్పయుత్తో చ నఆసవవిప్పయుత్తో చ ధమ్మా ఉప్పజ్జన్తి హేతుపచ్చయా. (౩)

ఆసవవిప్పయుత్తం ధమ్మం పటిచ్చ నఆసవవిప్పయుత్తో ధమ్మో ఉప్పజ్జతి హేతుపచ్చయా. ఆసవవిప్పయుత్తం ధమ్మం పటిచ్చ నఆసవసమ్పయుత్తో ధమ్మో ఉప్పజ్జతి హేతుపచ్చయా. ఆసవవిప్పయుత్తం ధమ్మం పటిచ్చ నఆసవసమ్పయుత్తో చ నఆసవవిప్పయుత్తో చ ధమ్మా ఉప్పజ్జన్తి హేతుపచ్చయా. (౩)

ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ నఆసవసమ్పయుత్తో ధమ్మో ఉప్పజ్జతి హేతుపచ్చయా. ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ నఆసవవిప్పయుత్తో ధమ్మో ఉప్పజ్జతి హేతుపచ్చయా. ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ నఆసవసమ్పయుత్తో చ నఆసవవిప్పయుత్తో చ ధమ్మా ఉప్పజ్జన్తి హేతుపచ్చయా. (౩) (సంఖిత్తం.)

హేతుయా నవ. (సబ్బత్థ నవ.)