౧-౭. పటిచ్చవారాది

౧౧౨. పరిత్తారమ్మణం కుసలం ధమ్మం పటిచ్చ పరిత్తారమ్మణో కుసలో ధమ్మో ఉప్పజ్జతి హేతుపచ్చయా. (౧)

మహగ్గతారమ్మణం కుసలం ధమ్మం పటిచ్చ మహగ్గతారమ్మణో కుసలో ధమ్మో ఉప్పజ్జతి హేతుపచ్చయా. (౧)

అప్పమాణారమ్మణం కుసలం ధమ్మం పటిచ్చ అప్పమాణారమ్మణో కుసలో ధమ్మో ఉప్పజ్జతి హేతుపచ్చయా. (౧) (సబ్బత్థ తీణి. సబ్బత్థ విత్థారో.)

౧౧౩. పరిత్తారమ్మణం అకుసలం ధమ్మం పటిచ్చ పరిత్తారమ్మణో అకుసలో ధమ్మో ఉప్పజ్జతి హేతుపచ్చయా. (౧)

మహగ్గతారమ్మణం అకుసలం ధమ్మం పటిచ్చ మహగ్గతారమ్మణో అకుసలో ధమ్మో ఉప్పజ్జతి హేతుపచ్చయా. (౧) (సబ్బత్థ ద్వే. సబ్బత్థ విత్థారో.)

౧౧౪. పరిత్తారమ్మణం అబ్యాకతం ధమ్మం పటిచ్చ పరిత్తారమ్మణో అబ్యాకతో ధమ్మో ఉప్పజ్జతి హేతుపచ్చయా. (౧)

మహగ్గతారమ్మణం అబ్యాకతం ధమ్మం పటిచ్చ మహగ్గతారమ్మణో అబ్యాకతో ధమ్మో ఉప్పజ్జతి హేతుపచ్చయా. (౧)

అప్పమాణారమ్మణం అబ్యాకతం ధమ్మం పటిచ్చ అప్పమాణారమ్మణో అబ్యాకతో ధమ్మో ఉప్పజ్జతి హేతుపచ్చయా. (౧) (సబ్బత్థ తీణి. సబ్బత్థ విత్థారో.)