౧-౭. పటిచ్చవారాది
హేతుపచ్చయో
౯౯. పీతిసహగతం కుసలం ధమ్మం పటిచ్చ పీతిసహగతో కుసలో ధమ్మో ఉప్పజ్జతి హేతుపచ్చయా… తీణి.
సుఖసహగతం కుసలం ధమ్మం పటిచ్చ సుఖసహగతో కుసలో ధమ్మో ఉప్పజ్జతి హేతుపచ్చయా… తీణి.
ఉపేక్ఖాసహగతం కుసలం ధమ్మం పటిచ్చ ఉపేక్ఖాసహగతో కుసలో ధమ్మో ఉప్పజ్జతి హేతుపచ్చయా. (౧)
పీతిసహగతం కుసలఞ్చ సుఖసహగతం కుసలఞ్చ ధమ్మం పటిచ్చ పీతిసహగతో కుసలో ధమ్మో ఉప్పజ్జతి హేతుపచ్చయా… తీణి. (సబ్బత్థ దస. సబ్బత్థ విత్థారో.)
౧౦౦. పీతిసహగతం అకుసలం ధమ్మం పటిచ్చ పీతిసహగతో అకుసలో ధమ్మో ఉప్పజ్జతి హేతుపచ్చయా… తీణి.
సుఖసహగతం అకుసలం ధమ్మం పటిచ్చ సుఖసహగతో అకుసలో ధమ్మో ఉప్పజ్జతి హేతుపచ్చయా… తీణి.
ఉపేక్ఖాసహగతం అకుసలం ధమ్మం పటిచ్చ ఉపేక్ఖాసహగతో అకుసలో ధమ్మో ఉప్పజ్జతి హేతుపచ్చయా. (౧)
పీతిసహగతం అకుసలఞ్చ సుఖసహగతం అకుసలఞ్చ ధమ్మం పటిచ్చ పీతిసహగతో అకుసలో ధమ్మో ఉప్పజ్జతి హేతుపచ్చయా… తీణి. (సబ్బత్థ దస. సబ్బత్థ విత్థారో.)
౧౦౧. పీతిసహగతం అబ్యాకతం ధమ్మం పటిచ్చ పీతిసహగతో అబ్యాకతో ధమ్మో ఉప్పజ్జతి హేతుపచ్చయా… తీణి.
సుఖసహగతం అబ్యాకతం ధమ్మం పటిచ్చ సుఖసహగతో అబ్యాకతో ధమ్మో ఉప్పజ్జతి హేతుపచ్చయా… తీణి.
ఉపేక్ఖాసహగతం అబ్యాకతం ధమ్మం పటిచ్చ ఉపేక్ఖాసహగతో అబ్యాకతో ధమ్మో ఉప్పజ్జతి హేతుపచ్చయా. (౧)
పీతిసహగతం అబ్యాకతఞ్చ సుఖసహగతం అబ్యాకతఞ్చ ధమ్మం పటిచ్చ పీతిసహగతో అబ్యాకతో ధమ్మో ఉప్పజ్జతి హేతుపచ్చయా… తీణి. (సబ్బత్థ దస. సబ్బత్థ విత్థారో.)