౧-౭. పటిచ్చవారాది

హేతుపచ్చయో

౯౩. అనుపాదిన్నుపాదానియం కుసలం ధమ్మం పటిచ్చ అనుపాదిన్నుపాదానియో కుసలో ధమ్మో ఉప్పజ్జతి హేతుపచ్చయా.

అనుపాదిన్నఅనుపాదానియం కుసలం ధమ్మం పటిచ్చ అనుపాదిన్నఅనుపాదానియో కుసలో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా ద్వే. (సబ్బత్థ విత్థారో.)

అనుపాదిన్నుపాదానియం అకుసలం ధమ్మం పటిచ్చ అనుపాదిన్నుపాదానియో అకుసలో ధమ్మో ఉప్పజ్జతి హేతుపచ్చయా. (సబ్బత్థ ఏకం. సబ్బత్థ విత్థారో.)

౯౪. ఉపాదిన్నుపాదానియం అబ్యాకతం ధమ్మం పటిచ్చ ఉపాదిన్నుపాదానియో అబ్యాకతో ధమ్మో ఉప్పజ్జతి హేతుపచ్చయా… తీణి. (సబ్బత్థ విత్థారో.)

అనుపాదిన్నుపాదానియం అబ్యాకతం ధమ్మం పటిచ్చ అనుపాదిన్నుపాదానియో అబ్యాకతో ధమ్మో ఉప్పజ్జతి హేతుపచ్చయా… తీణి.

అనుపాదిన్నఅనుపాదానియం అబ్యాకతం ధమ్మం పటిచ్చ అనుపాదిన్నఅనుపాదానియో అబ్యాకతో ధమ్మో ఉప్పజ్జతి హేతుపచ్చయా. (౧)

అనుపాదిన్నుపాదానియం అబ్యాకతఞ్చ అనుపాదిన్నఅనుపాదానియం అబ్యాకతఞ్చ ధమ్మం పటిచ్చ అనుపాదిన్నుపాదానియో అబ్యాకతో ధమ్మో ఉప్పజ్జతి హేతుపచ్చయా. (౧)

ఉపాదిన్నుపాదానియం అబ్యాకతఞ్చ అనుపాదిన్నుపాదానియం అబ్యాకతఞ్చ ధమ్మం పటిచ్చ అనుపాదిన్నుపాదానియో అబ్యాకతో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా నవ. (సబ్బత్థ విత్థారో.)