౧-౭. పటిచ్చవారాది

పచ్చయచతుక్కం

౮౪. అబ్యాకతం అనిదస్సనసప్పటిఘం ధమ్మం పటిచ్చ అబ్యాకతో అనిదస్సనసప్పటిఘో ధమ్మో ఉప్పజ్జతి హేతుపచ్చయా. (సంఖిత్తం.)

హేతుయా ఏకం…పే… అవిగతే ఏకం. (సంఖిత్తం.)

(సహజాతవారమ్పి…పే… పఞ్హావారమ్పి విత్థారేతబ్బం.)

౮౫. కుసలం అనిదస్సనఅప్పటిఘం ధమ్మం పటిచ్చ కుసలో అనిదస్సనఅప్పటిఘో ధమ్మో ఉప్పజ్జతి హేతుపచ్చయా. కుసలం అనిదస్సనఅప్పటిఘం ధమ్మం పటిచ్చ అబ్యాకతో అనిదస్సనఅప్పటిఘో ధమ్మో ఉప్పజ్జతి హేతుపచ్చయా. కుసలం అనిదస్సనఅప్పటిఘం ధమ్మం పటిచ్చ కుసలో అనిదస్సనఅప్పటిఘో చ అబ్యాకతో అనిదస్సనఅప్పటిఘో చ ధమ్మా ఉప్పజ్జన్తి హేతుపచ్చయా. (౩)

అకుసలం అనిదస్సనఅప్పటిఘం ధమ్మం పటిచ్చ అకుసలో అనిదస్సనఅప్పటిఘో ధమ్మో ఉప్పజ్జతి హేతుపచ్చయా… తీణి.

అబ్యాకతం అనిదస్సనఅప్పటిఘం ధమ్మం పటిచ్చ అబ్యాకతో అనిదస్సనఅప్పటిఘో ధమ్మో ఉప్పజ్జతి హేతుపచ్చయా. (౧)

కుసలం అనిదస్సనఅప్పటిఘఞ్చ అబ్యాకతం అనిదస్సనఅప్పటిఘఞ్చ ధమ్మం పటిచ్చ అబ్యాకతో అనిదస్సనఅప్పటిఘో ధమ్మో ఉప్పజ్జతి హేతుపచ్చయా. (౧)

అకుసలం అనిదస్సనఅప్పటిఘఞ్చ అబ్యాకతం అనిదస్సనఅప్పటిఘఞ్చ ధమ్మం పటిచ్చ అబ్యాకతో అనిదస్సనఅప్పటిఘో ధమ్మో ఉప్పజ్జతి హేతుపచ్చయా. (౧)

హేతుయా నవ, ఆరమ్మణే తీణి…పే… విపాకే ఏకం…పే… అవిగతే నవ. (సంఖిత్తం. సహజాతవారమ్పి…పే… సమ్పయుత్తవారమ్పి పఞ్హావారమ్పి విత్థారేతబ్బం.)

కుసలత్తికసనిదస్సనత్తికం నిట్ఠితం.