౧-౭. పటిచ్చవారాది

౭౮. కుసలం అజ్ఝత్తం ధమ్మం పటిచ్చ కుసలో అజ్ఝత్తో ధమ్మో ఉప్పజ్జతి హేతుపచ్చయా… తీణి.

అకుసలం అజ్ఝత్తం ధమ్మం పటిచ్చ అకుసలో అజ్ఝత్తో ధమ్మో ఉప్పజ్జతి హేతుపచ్చయా… తీణి.

అబ్యాకతం అజ్ఝత్తం ధమ్మం పటిచ్చ అబ్యాకతో అజ్ఝత్తో ధమ్మో ఉప్పజ్జతి హేతుపచ్చయా… తీణి.

హేతుయా నవ, అవిగతే నవ. (సంఖిత్తం.)

(సహజాతవారమ్పి…పే… సమ్పయుత్తవారమ్పి పటిచ్చవారసదిసం, ఏవం విత్థారేతబ్బం.)

౭౯. కుసలో అజ్ఝత్తో ధమ్మో కుసలస్స అజ్ఝత్తస్స ధమ్మస్స హేతుపచ్చయేన పచ్చయో… తీణి.

అకుసలో అజ్ఝత్తో ధమ్మో అకుసలస్స అజ్ఝత్తస్స ధమ్మస్స హేతుపచ్చయేన పచ్చయో… తీణి.

అబ్యాకతో అజ్ఝత్తో ధమ్మో అబ్యాకతస్స అజ్ఝత్తస్స ధమ్మస్స హేతుపచ్చయేన పచ్చయో. (౧) (సంఖిత్తం).

హేతుయా సత్త, ఆరమ్మణే నవ, అవిగతే తేరస. (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం.)

౮౦. కుసలం బహిద్ధా ధమ్మం పటిచ్చ కుసలో బహిద్ధా ధమ్మో ఉప్పజ్జతి హేతుపచ్చయా… తీణి.

అకుసలం బహిద్ధా ధమ్మం పటిచ్చ అకుసలో బహిద్ధా ధమ్మో ఉప్పజ్జతి హేతుపచ్చయా… తీణి.

అబ్యాకతం బహిద్ధా ధమ్మం పటిచ్చ అబ్యాకతో బహిద్ధా ధమ్మో ఉప్పజ్జతి హేతుపచ్చయా. (౧)

కుసలం బహిద్ధా చ అబ్యాకతం బహిద్ధా చ ధమ్మం పటిచ్చ అబ్యాకతో బహిద్ధా ధమ్మో ఉప్పజ్జతి హేతుపచ్చయా. (౧)

అకుసలం బహిద్ధా చ అబ్యాకతం బహిద్ధా చ ధమ్మం పటిచ్చ అబ్యాకతో బహిద్ధా ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా నవ…పే… విపాకే ఏకం…పే… అవిగతే నవ. (సంఖిత్తం.)

(సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౮౧. కుసలో బహిద్ధా ధమ్మో కుసలస్స బహిద్ధా ధమ్మస్స హేతుపచ్చయేన పచ్చయో… తీణి.

అకుసలో బహిద్ధా ధమ్మో అకుసలస్స బహిద్ధా ధమ్మస్స హేతుపచ్చయేన పచ్చయో… తీణి.

అబ్యాకతో బహిద్ధా ధమ్మో అబ్యాకతస్స బహిద్ధా ధమ్మస్స హేతుపచ్చయేన పచ్చయో. (౧) (సంఖిత్తం.)

హేతుయా సత్త, ఆరమ్మణే నవ, అధిపతియా దస…పే… అవిగతే తేరస. (సంఖిత్తం. యథా కుసలత్తికే పఞ్హావారం ఏవం విత్థారేతబ్బం.)